သူငယ်ချင်းသို့ (၇)

ကိုယ့်လူရေ့--ကိုယ့်ဆီက စာတွေမျှော်နေပြီလား။ ကိုယ့်လူဆီမရေးဖြစ်တာ တစ်ပတ်လောက်တောင် ကြာသွားတယ်။ ဆောရီးဗျာ။ သီတင်းကျွတ်လပြည့်နေ့နဲ့ကြုံသွားလို့ ဟိုရေးဒီရေးနဲ့ ကိုယ့်လူဆီတောင် အလှည့်မရောက်နိုင်ပဲဖြစ်သွားတယ်။ ဘယ်နှယ်လဲ၊ နေကောင်းတယ်မို့လား။ အရင်တိုင်းပဲ ဆိုရင်တော့ အဲလိုပဲ မှတ်လိုက်မယ်နော်။ ဟဲဟဲ။ အချင်းချင်းပဲသိတဲ့စကားတွေပြောရတာ အရသာရှိလိုက်တာ။ ပြီးခဲ့တဲ့အပတ်က ကိုယ့်လူဆီရေးတဲ့ စာထဲမှာ အင်္ဂလန်ကို ခြေလှမ်းချင်တဲ့ ညီလေး/ညီမလေးတွေအတွက် နည်းနည်းပါးပါး အထောက်အကူဖြစ်စေမယ့် သတင်းလေးတွေ ပေးခဲ့တာ မှတ်မိသေးလား။

အခုဒီစာထဲမှာတော့ IELTS စာမေးပွဲဖြေချင်တဲ့ ကျောင်းသူ/ကျောင်းသားတွေအတွက် သိသင့် သိထိုက်တာလေးတွေ ကိုယ်သိသလောက်ပြောပြချင်တယ်။ ဘာဖြစ်လို့လဲ ဆိုတော့ ဒီစာမေးပွဲက အင်္ဂလန်ကို လာဘို့အရေးမှာ အတော်လေးအဓိကကျတဲ့ အခန်းက ပါဝင်လှုပ်ရှားနေတာလေ။ အထူးသဖြင့် ကျောင်းတက်ချင်တဲ့ မောင်မယ်လေးတွေအတွက်ပေါ့ဗျာ။ သူတို့သက်ဆိုင်ရာဌာနက ရေးထားတဲ့ Information တွေကိုတော့ ပြောမပြတော့ပါဘူး။ သိချင်သပဆိုရင်တော့ www.ielts.org ထဲဝင်ကြည့်ပေတော့။ ကိုယ်က ကိုယ်သိတဲ့အတိုင်း၊ ကိုယ်လုပ်ခဲ့ရတဲ့အတိုင်းပဲပြောပြမယ်နော်။

ကိုယ်မြန်မာပြည်မှာတုန်းက ကိုယ့်ကို ဒီအကြောင်းပြောပြမယ့်သူ ဂဂနနမရှိခဲ့ဘူး။ စမ်းတစ်ဝါးဝါးနဲ့ အင်္ဂလန်ကိုရောက်ခဲ့ရတယ်။ ခြောက်လသင်တန်းတက်ပြီးရင် တက္ကသိုလ်ကို တက်နိုင်တာလိုလို၊ ဘာလိုလိုနဲ့ မရေမရာလူတွေဆီက မရေရာတဲ့ သတင်းပဲရခဲ့တယ်။ ဒါနဲ့ မြန်မာပြည်ကနေ IELTS ကို မဖြေခဲ့ရဘူး။ ဒီရောက်လာခဲ့တယ်။ အူလည်လည်နဲ့။ ဘာမှန်းလဲ မသိဘူး။ ဒီရောက်တော့ တက္ကသိုလ်တစ်ခါတည်း တက်ရမလား အောင့်မေ့မိတယ်။ ဘယ် ဟုတ်လိမ့်မတုန်း။ IELTS လက်မှတ်တောင်းတယ်။ ဖြေတောင်မဖြေဖူးတာ။ လက်မှတ်ဆိုတာတော့ ဝေးရော့ပေါ့။

ဒါနဲ့ အဲဒီစာမေးပွဲဖြေဖို့ သီးသန့်အင်္ဂလိပ်စာသင်တဲ့ကျောင်းမှာ သွားတက်ရသေးတယ်။ ကိုယ့်ဘက်က အင်္ဂလိပ်စာအရည်အချင်းပြည့်နေရင်တော့ တက်စရာမလိုပါဘူး။ ကိုယ်ကတော့သိတဲ့အတိုင်းပဲလေ။ ABC လောက်နဲ့ အင်္ဂလန်ရောက်ခဲ့တဲ့ကောင်။ ဒီတော့ကျောင်းသွားတက်ရတယ်။ အဓိကကတော့ ဖြေပုံဖြေနည်း သိထားဖို့ပါပဲ။ သူတို့ပြောသလို Four Skills လို့ခေါ်တဲ့ ကျွမ်းကျင်ရမယ့် အပိုင်းလေးပိုင်းရှိတယ်။
(1) Listening
(2) Reading
(3) Writing နဲ့
(4) Speaking

ဆိုပြီးတော့ လေးမျိုးခွဲထားတယ်။ လေးမျိုးစလုံး အမှတ်ညီအောင်ရဖို့လိုတယ်။ ဒါနဲ့ပတ်သက်ပြီး စာအုပ်တွေ၊ စီဒီခွေတွေလဲ အများကြီးပဲ ရှိပါတယ်။ ကျောင်းသားအများစု ကြောက်တာကတော့ Listening and Reading ပဲ။ ကြောက်စရာလဲ တကယ်ကောင်းတယ်။ ကိုယ်လဲ အဲဒီနှစ်ခုမှာ အမှတ်ကောင်းကောင်းမရဘူး။ Listening ကတော့ တကယ့်တကယ်စာမွေးပွဲအခန်းထဲမှာ မိနစ်သုံးဆယ်ပဲ အချိန်ပေးတယ်။ ပြီးရင် အဖြေလွှာထဲကို ဖြည့်ထည့်ဖို့ ဆယ်မိနစ်အချိန်ထပ်ပေးတယ်။ စုစုပေါင်း မိနစ်လေးဆယ်ပေါ့။ ပြီးတာနဲ့ လက်ထဲကိုင်ထားတဲ့ ခဲတံကို ချက်ချင်းစာဖြေခုံပေါ်ချလိုက်ရတယ်။ နည်းနည်းမှ အချိန်ပိုမပေးဘူးဆရာ။

ပြောရဦးမယ်။ စာဖြေတဲ့အခါ ခဲတံနဲ့ပဲ ဖြေရတယ်။ ဘောလ်ပင်နဲ့လုံးဝမရေးရဘူး။ ပေတံသုံးစရာလဲ မလိုဘူး။ စာဖြေခန်းထဲကို ခဲတံနှစ်ချောင်းလောက်နဲ့ ခဲဖျက်ကောင်းကောင်းတစ်ခု ပါသွားရင် ပြီးပြီ။ ကျန်တာဘာမှ မလိုဘူး။ ဘာမှလဲ ယူသွားလို့မရဘူး။ ကုတ်အင်္ကျီတွေပါတွေ ၀တ်လာရင်လဲ အပြင်ဘက်က သူတို့ညွှန်တဲ့အခန်းထဲမှာ ထားခဲ့ရတယ်။ ပြီးမှ ပြန်ယူ။ ဒါပဲ။ Listening နဲ့ပတ်သက်ပြီး နည်းနည်း ဆက်ပြောဦးမယ်။ သူ့ပုံစံက ကိုယ်တို့ပုံမှန်နားထောင်နေကျနဲ့ သိပ်မတူဘူး။ ဒီအတိုင်းနားထောင်ရင် ဘာပြောလဲ ဆိုတာ အလွယ်တကူနားလည်နိုင်တယ်။ ဒါပေမဲ့ စာမေးပွဲအခန်းထဲရောက်ရင် မေးခွန်းစာရွက်နဲ့ အဖြေလွှာ စာရွက်တွေလာပေးတယ်။ အဲဒီမေးခွန်းတွေမှာ စီဒီမှာပါတဲ့အသံနဲ့ ကိုက်တဲ့ အကြောင်းအရာတွေကို
(၁) ပါတဲ့အတိုင်း စကားလုံးအတူတွေ၊
(၂) အဓိပ္ပါယ်တူ စကားလုံးကွဲတွေ နဲ့ ရေးထားတယ်။
အတော်သတိထားပြီး နားထောင်ရတယ်။ မေးခွန်း (၄၀) တိတိရှိတယ်။ ပုံစံတစ်ခုကို (၁၀)မှတ်နှုံးနဲ့ မေးခွန်ပုံစံ လေးမျိုးခွဲထားတယ်။
(၁) ဖေါင်ပုံစံထဲမှာရှိတဲ့ ကွက်လပ်ထဲ စကားလုံး ဖြည့်ခြင်း၊
(၂) ဇယားပုံစံထဲမှာရှိတဲ့ ကွက်လပ်ထဲ စကားလုံးဖြည့်ခြင်း
(၃) အမှားအမှန်ရွေးခြင်း၊
(၄) လက်ချာတစ်ခုကို အချုပ်ရေးထားတဲ့ ၀ါကျထဲရှိ ကွက်လပ်ထဲ စကားလုံးဖြည့်ခြင်း။

ဒါကတော့ Listening ပေါ့။ အင်္ဂလိပ်သတင်းတွေများများ နားထောင်ဖို့လိုတယ်။ အထူးသဖြင့် သက်ဆိုင်ရာကထုတ်ထားတဲ့ စာအုပ်တွေ၊ စီဒီတွေနဲ့လေ့ကျင့်ရင် ပိုကောင်းတယ်။ သူတို့ပုံစံတစ်ခါတည်း ၀င်သွားတာပေါ့။ အဲလိုမလုပ်ရင် ကိုယ်က Listening ကောင်းလျှက်သားနဲ့ စာမေးပွဲအခန်းထဲမှာ အူကြောင်ကြောင်ဖြစ်နေတတ်တယ်။ အဲဒီအတွက် မေးခွန်းဟောင်းတွေကို ပြန်ထုတ်ထားတဲ့ စာအုပ်တွေ ရှိတယ်။ Cambridge IELTS 1 to 6 အထိထွက်နေပြီ။ အခုဆို (7) တောင်ရှိနေပြီထင်တယ်။ အခြားလေ့ကျင့်ခန်းစာအုပ်တွေလဲ အများကြီးပါပဲ။

အဲဒီ Listening ပြီးတာနဲ့ နောက်ထပ် ဆယ်မိနစ်အတွင်း Reading ကို ဆက်ဖြေရတယ်။ Listening မှာ မရခဲ့ရင်တော့ အဲဒီကအရှိန်နဲ့ ခေါင်းမီးတောက်ပြီသာ မှတ်တော့။ Reading ကနှစ်မျိုးရှိတယ်။
(၁) General
(၂) Academic

တက္ကသိုလ်တက်မယ့်ကျောင်းသားတိုင်းဟာ Academic ကိုဖြေရတယ်။ ကျန်တဲ့လူတွေကတော့ General ပေါ့။ ဒီအတိုင်းဖတ်သွားရင် လွယ်လွယ်လေးပဲ။ ဒါပေမဲ့ မေးခွန်းပုံစံဆင်ထားလိုက်တော့ မလွယ်တော့ဘူး။ အချိန်တစ်နာရီတိတိပဲပေးထားတယ်။ အပိုအလိုမရှိဘူး။ တစ်နာရီအတွင်း အားလုံးပြီးအောင်ဖြေပဲ။ အပိုင်းသုံးပိုင်းရှိတယ်။ မေးခွန်းပုံစံတွေဟာ တစ်ခါနဲ့တစ်ခါ သိပ်မတူတတ်ဘူး။

များသောအားဖြင့်ကတော့
(၁) အပိုင်းမှာ စကားလုံးဖြည့်တာ၊ True/False/Not Given ရွေးတာ နဲ့ စကားပိုဒ်ကြီးတစ်ခုလုံးက ဆွဲထုတ်ထားတဲ့ အဓိပ္ပါယ်တူ ပုံစံကွဲ ၀ါကျလေးတွေကို ဘယ်ဝါကျ ဘယ်စာပိုဒ်မှာ ပါလဲဆိုတာတွေ ရေးရတယ်။
(၂) အပိုင်းမှာက နောက်ထပ်စကားပိုဒ်ကြီးတစ်ခုထဲက ၀ါကျလေးတွေနဲ့ မပါတဲ့ဝါကျလေးတွေရောထားပြီး ဘယ်ဝါကျက ဘယ်ထဲပါလဲ ဆိုတာမျိုးတွေ၊ True/False/Not Given တွေလဲ ထပ်ပါတယ်။
(၃) အပိုင်းကျတော့ နောက်ထပ်စာပိုဒ်ကြီးတစ်ခုပေးထားတယ်။ Yes/No/Not Given ပုံစံတွေ၊ အမှားအမှန်ရွေးချယ်မှုတွေ၊ စကားလုံးဖြည့်တာတွေ ပါတယ်။

အဲဒါပြီးတာနဲ့ Writing တန်းလာတယ်။ ပုံစံ နှစ်မျိုးရှိတယ်။
(၁) Task One
(၂) Task Two လို့ခေါ်တယ်။

(၁) မှာ Pie Chart/ Bar Chart/ Table/Map တွေထဲက တစ်မျိုးမျိုးကိုပေးထားတယ်။ အဲဒါကို ကျောင်းသားက စကားလုံး (၁၅၀) လောက်နဲ့ ရေးရတယ်။ အဲဒီအတွက် မိနစ် (၂၀) အချိန်ပေးထားတယ်။
(၂) မှာကျတော့ Statement တစ်ခုကို ပေးထားပြီးတော့ မေးခွန်းထုတ်တယ်။ အဲဒီအဆိုကို လက်ခံသလား/လက်မခံဘူးလား ဆိုတာမျိုးပေါ့။ ဆွေးနွေးတဲ့ပုံစံနဲ့ရေးရတယ်။ စကားလုံးရေ (၂၅၀) အထိရေးရတယ်။ အချိန်ကတော့ မိနစ် (၄၀) ပဲ။ စုစုပေါင်း အချိန်ဟာ တစ်နာရီတိတိပေါ့။ တစ်နာရီပြည့်တာနဲ့ ပြီးပြီး/ မပြီးပြီး ကိုင်ထားတဲ့ခဲတံ ချက်ချင်း ချလိုက်ပေတော့။ ဆက်ရေးနေရင် အရေးယူခံရမယ်။ ဒီ Writing မှာလဲ--
(၁) General
(၂) Academic ဆိုပြီး အထက်အတိုင်း နှစ်မျိုးရှိတယ်။ တက္ကသိုလ်တက်မယ့်ကျောင်းသားဟာ Academic Reading and Writing မှာ အမှတ်ကောင်းကောင်းရဖို့လိုတယ်။

နောက်ဆုံးကတော့ Speaking ပေါ့။ ဒီအပိုင်းမှာတော့ စာဖြေဌာန တစ်ခုနဲ့တစ်ခုမတူဘူး လို့သိရတယ်။ မတူပုံက၊ တစ်ချို့စာဖြေဌာနတွေမှာ ရှေ့သုံးခုပြီးတာနဲ့ တစ်နေ့တည်းမှာပဲ တစ်နာရီလောက်ခြားပြီး ဆက်လုပ်တယ်။ တစ်ချို့ကျတော့ တစ်ရက်၊ နှစ်ရက်လောက်ခြားပြီးမှ လုပ်တယ် လို့ သိရတယ်။ ကိုယ်ဖြေတဲ့ စာဖြေဌာနမှာတော့ တစ်ရက်တည်းနဲ့ လေးမျိုးစလုံးအကုန်ပြီးအောင် ဖြေရတယ်။

ဖြေရတဲ့ပုံစံကတော့ ကိုယ့်အလှည့်ကျမယ့်အချိန်ကို ဇယားမှာကပ်ထားတယ်။ ဘယ်အခန်း၊ ဘယ်ဆရာဆိုတာမျိုးပေါ့။ Speaking မှာ အပိုင်းသုံးပိုင်းရှိတယ်။
(၁) က အလ္လာပ သလ္လာပ ပြောတာ၊ သုံးမိနစ်လောက်ကြာတယ်။
(၂) ကျတော့ အကြောင်းအရာတစ်ခုနဲ့ပတ်သက်ပြီးမေးတယ်။ ဥပမာ၊ မင်းသီချင်ကြိုက်လား၊ ဘယ်လိုသီချင်းမျိုးတွေကြိုက်လဲ စသည်ပေါ့။ စာရွက်လေးတစ်ရွက်ပေးတယ်။ အဲဒီစာရွက်ထဲမှာ အဲဒီသီချင်းကို ဘယ်တုန်းက/ ဘာ့ကြောင့်/ ဘယ်နေရာမှာ စနားထောင်ဖြစ်တယ် ဆိုတာမျိုးတွေရေးချ။ တစ်မိနစ်အချိန်ပေးတယ်။ ပြီးတော့ အဲဒါကို တစ်မိနစ်တိတိကြာအောင် ကိုယ့်ဖာသာကိုယ်ပြောရတယ်။ ဒီအပိုင်းအတွက်လဲ သုံးမိနစ်လောက်ပဲ အချိန်ပေးတယ်။
(၃) အပိုင်းကျတော့ အဲဒီသီချင်းခေါင်းစဉ်ကိုပဲ ဆက်ဆွေးနွေးရတယ်။ သီချင်းနားထောင်တာဟာ အကျိုးရှိတယ်၊ မရှိဘူး။ ကောင်းတယ်၊မကောင်းဘူး စသည်ပေါ့။ ကလေးတွေ သီချင်းနားထောင်သင့်သလား ဆိုတဲ့မေးခွန်းမျိုးကိုလဲ ဆွေးနွေးရတယ်။ ကိုယ့်အမြင်ကို ပြောရတာပေါ့။ ဒိအတွက် ရှစ်မိနစ်လောက်အချိန်ပေးတယ်။ အဓိကကတော့ ကိုယ်ဘယ်လောက်ပြောနိုင်လဲ ဆိုတာပါပဲ။ သဒ္ဒါမှန်ကန်မှု၊ စကားလုံးကြွယ်ဝမှု၊ အသုံးအနှုံးမှန်ကန်မှု၊ မေးတဲ့မေးခွန်းကို မြန်မြန်ပြန်ပြီး ဖြေဆိုနိုင်မှုတွေကို အဓိကထားအမှတ်ပေးတယ်လို့ သိရတယ်။

ကဲ ဒီလောက်ဆို ကိုယ့်လူ IELTS စာမေးပွဲနဲ့ပတ်သက်ပြီး အတော်အသင့် နားလည်လောက်ပြီထင်တယ်။ အင်္ဂလန်၊ သြစထရေးလိယား နဲ့ အမေရိကားနိုင်ငံတွေမှာ တက္ကသိုလ်တက်ချင်တဲ့နိုင်ငံခြားကျောင်းသားတိုင်းဟာ ဒီစာမေးပွဲကို ဖြေကြရတယ်။ ကိုယ့်လူလဲ စိတ်ကူးရှိရင် လုပ်ထားနော်။ ကိုယ်လဲ လိုချင်တဲ့ Band မရသေးဘူး။ ဆက်ဖြေရဦးမယ်။ နောက်တစ်ခါဖြေရင် Band ကောင်းကောင်းရအောင်သာ ဆုတောင်းပေးထားပေတော့ ဆရာရေ့။