Monday, October 26, 2009

ကမ္ဘာပျက်တဲ့အထိ


၂၀၁၂၊ ဒီဇင်ဘာ၊ ၂၁
ကမ္ဘာပျက်ကိန်း
တွက်ရေးနဲ့ အလုပ်ရှုပ်
တကယ်ဟုတ်/မဟုတ်တော့ မသိ
သိပံ္ပနဲ့ ဗေဒင်
ဟုတ်ချင်ဟုတ် မဟုတ်ချင်နေ
ငါ စိတ်မ၀င်စားလှ
အဲဒါ သူတို့ကိစ္စ။

ချစ်သူရေ့
ဒို့နှစ်ယောက်ရဲ့ မင်္ဂလာ
၂၀၁၂-ဒီဇင်ဘာ
၂၁-မှာ ကျင်းပမယ်
ကမ္ဘာပျက်တဲ့နေ့
ဒို့နှစ်ယောက်အတွက်
အမှတ်တရပေါ့။

ကမ္ဘာပျက်ခဲ့ရင်
တစ်ယောက်လက် တစ်ယောက်ဆွဲ
အတူတွဲလို့ သေမယ်။

ကမ္ဘာမပျက်ခဲ့ရင်
တစ်ယောက်နဲ့ တစ်ယောက်မခွဲ
အတူတွဲလို့ နေမယ်။

သေလဲ အတူတူ
နေလဲ အတူမို့
သူတို့ ပြောချင်တာ ပြောပါစေ
ကမ္ဘာပျက်ယွင်း
ဒို့ချစ်ခြင်းနဲ့ မဆိုင်
မယိုင်မလဲ ချစ်မယ်
အခိုင် အမြဲ နှစ်တွယ်
သိပ်သိပ်ချစ်တယ်။

အချစ် လောဂျစ်


ချစ်သူ
ချစ်ခြင်းနဲ့ အတူ မင်းကို ငါမျှော်လင့်နေတယ်
မတူတဲ့ ဘ၀နှစ်ခု
နီးစပ်ဖို့အရေး
ဘယ်သင်္ချာ့ လက္ခဏာကို အသုံးပြုရမလဲ?

အပေါင်းလက္ခဏာ (+)
အစုံနဲ့အမ အမနဲ့အစုံ
အမနဲ့အမ အစုံနဲ့အစုံ
ပေါင်းချင်သလိုပေါင်း
(=) ညီမျှခြင်းမှာ အဖြေတွေ့
ဒါ သင်္ချာ့ ဓလေ့ တစ်ခု။

အနှုတ်လက္ခဏာ (-)
အကြီးကို အသေးနှုတ်တော့
အကြွင်းဟာ အဖြေ ဖြစ်သတဲ့
အသေးကို အကြီးနှုတ်တော့
လိုရာဖြည့်ပေါင်း
ရလာဒ်ကောင်းတစ်ခုပေါ့
အတူကို အတူနှုတ်ရင်
အဖြေက သုည
အနေလှတယ်လို့ ငါမမြင်။

အမြှောက်လက္ခဏာ (x)
ဆပွါးတဲ့ ကိန်း
ဒို့နှစ်ယောက်အတွက်
သိပ် မကျိမ်းသေဘူး။

အစားလက္ခဏာ (-ံ့)
လိုရာခွဲယူ
ဝေစုအတွက် အငြင်းပွါး
ငါစဉ်းစားရင်း
မင်းနဲ့ ငါအတွက်
မသင့်ခဲ့ဘူး။

ပေါင်း နှုတ် မြှောက် စား
လေးပါ လက္ခဏာနဲ့ အဖြေထုတ်
အနေစုတ်တဲ့ ငါ့ဘ၀
မင်းနဲ့ မသင့်လှဘူး။

သင်္ချာနဲ့ တွက်မရတဲ့ ငါ့အချစ်
ဖြစ်ချင်တာ ဖြစ်ဖို့ဆိုရင်တော့
အပေါင်းရလာဒ်ကိုလဲ မမျှော်ရဲ
အနှုတ်နဲ့လဲ အရှုံးမပေးလို
အမြှောက်နဲ့လဲ အရမယူဝံ့
အစားနဲ့လဲ မခွဲဝေယူချင်။

ဒီတော့
သာမန် သင်္ချာနဲ့ အဖြေမတွေ့
လောဂျစ်ကို အသုံးပြု
ကနဲ့ကကို ပေါင်း (က+က) ပေမဲ့
အဖြေမှာ က နှစ်ခုမဖြစ်
က တစ်ခုတည်းသာ ဖြစ်သလို
မင်းနဲ့ငါ နှစ်ယောက်ပေါင်းပေမဲ့
အဖြေက မင်းနဲ့ငါ မဖြစ်
မင်း သို့မဟုတ် ငါ
အဲဒါ ငါဖြစ်ချင်တဲ့ အချစ်မျိုး
အတိုးအဆုတ်မရှိသလို
အခွဲအဝေဆိုတာလဲ နတ္ထိ
အမြတ်အစွန်းကိုလဲ ငါမတွက်
အရပ်သဘောကိုလဲ ငါမငဲ့
မင်းအတွက် ငါ့အချစ်
အဲဒါ ငါ့ရဲ့ အချစ်လောဂျစ်။

Friday, October 23, 2009

နေရာပေး မမှားစေနဲ့


You can put wings on a pig, but you don't make it an eagle.

Bill Clinton (1946-)


ဝက်ကို အတောင်ပံ တပ်ပေးလို့ရတယ်၊ ဒါပေမဲ့ သိန်းငှက်ဖြစ်အောင်တော့ သွားမလုပ်နဲ့။
(ဘိလ် ကလင်တန်)



Wednesday, October 21, 2009

ကောင်းသတင်းသာ ဆောင်ကျဉ်းပါ


None love the messenger who brings bad news.

Sophocles (496 BC-406 BC)


မကောင်းသတင်းတွေ ယူဆောင်လာတဲ့သူကို မည်သူမှ မကြည်ဖြူကြပေ။

(ဆိုဖကော်)

ဆုတောင်း


ရင်မှာ ဖြစ်တည်သောအချစ်
အကြင်နာ နှစ်ရှည်သောအဖြစ်နဲ့
အချစ်ကမ္ဘာ ရှည်စေသော်။

အပြစ်ဆို ကွယ်ကာပြု
အချစ်ကို တွယ်တာမှုနဲ့အတူ
မေတ္တာကမ္ဘာ တည်စေသော်။

တစ်ယောက်ဆို တစ်ယောက်ထဲ
နှစ်ယောက်ကို မဖေါက်လွဲတဲ့အဖြစ်နဲ့
သစ္စာကမ္ဘာ တည်စေသော်။

အချစ်ကမ္ဘာမှာ
မေတ္တာမိုးတွေ ရွာလို့
သစ္စာပန်းတို့ လန်းစေသော်။

Tuesday, October 20, 2009

အရုဏ်အလွမ်း



အရုဏ်ကျင်း
အလင်းရောက်
နှင်းမပျောက်တဲ့ရာသီ
ချမ်းလှပါဘိ။

ပညာရေး
အဝေးရောက်
ဆွေးမပျောက်တဲ့ ဌာနီ
လွမ်းလှပါဘိ။

ချမ်းလဲ တယ်ချမ်း
လွမ်းလဲ လွမ်းဘိ
နှင်းဖျန်း ရင်ခွင်
သူ မ၀င်မူ
ဘယ်သူ လာ၍ နွေးပါနိုင်?



Saturday, October 17, 2009

ကဲ့ရဲ့ခြင်းသဘော


ပေါရာဏမေတံ အတုလ၊ နေတံ အဇ္ဇတနာမိဝ။
နိန္ဒန္တိ တုဏှိမာသီနံ၊ နိန္ဒန္တိ ဗဟုဘာဏိနံ။
နိန္ဒန္တိ မိတဘာဏီနံ၊ နတ္ထိ လောကေ အနိန္ဒိတော။
(ဓမ္မပဒ)

ကဲ့ရဲ့တယ်ဆိုတာ အခုမှ မဟုတ်ဘူး၊ ဟိုးရှေးရှေးကတည်းက ထုံးစံပဲ၊
ဘာမှမပြောဘဲနေသူကိုလဲ ကဲ့ရဲ့ကြတယ်၊ စကားအများကြီးပြောတဲ့သူကိုလဲ ကဲ့ရဲ့ကြတယ်၊
နှိုင်းနှိုင်းချင့်ချင့်ပြောတဲ့သူကိုလဲ ကဲ့ရဲ့ကြတယ်၊ လောကမှာ အကဲ့ရဲ့လွတ်တဲ့လူရယ်လို့ မရှိပါဘူး။
(မြတ်ဗုဒ္ဓ)

န စာဟု န စ ဘ၀ိဿတိ၊ န စေတရဟိ ၀ိဇ္ဇတိ။
ဧကနံ္တ နိန္ဒိတော ပေါသော၊ ဧကနံ္တ ၀ါ ပသံသိတော။
(ဓမ္မပဒ)

အမြဲတမ်း အကဲ့ရဲ့ချည်းခံရသူ၊ အမြဲတမ်း အချီးမွမ်းချည်းခံရသူဆိုတာ
ယခင်ကလဲ မရှိခဲ့ဖူးဘူး၊ နောင်လဲ ရှိမှာ မဟုတ်ဘူး၊ အခုလဲ မရှိပါဘူး။
(မြတ်ဗုဒ္ဓ)

လွဲလှ တစ်လက်မပေါ့



အမေရိကန်နိုင်ငံ၊ မြို့တော်နယူးယောက်၊ မဟတ္တန်ရပ်ရှိ ကုလသမဂ္ဂဌာနချုပ်တွင် သက်ဆိုင်ရာ အကြီးအကဲများနှင့် ဌာနဆိုင်ရာဝန်ထမ်းတစ်ချို့ တရုတ်ရုတ်နှင့် အလုပ်ရှုပ်နေကြသည်။ အကြောင်းမှာ မကြာမီ ကမ္ဘာ့ငြိမ်းချမ်းရေးသို့ရှေးရှုလျှက် ကမ္ဘာ့ထိပ်သီးခေါင်းဆောင်ကြီးသုံးဦး တွေ့ဆုံပြီး အစည်းအဝေး တစ်ခုကျင်းမတော့မည့် ဖြစ်သောကြောင့်ဖြစ်သည်။ အစည်းအဝေးတွင် အဓိကဆွေးနွေးမည့် အကြောင်းအရာများမှာ လက်ရှိ အီရမ်နှင့် မြောက်ကိုရီးယားတို့ နျူးကလီးယားလက်နက်ဖျက်သိမ်းရေးကို လိုက်နာဆောင်ရွက်ခြင်းမရှိပဲ ဆက်လက်အကောင်အထည်ဖေါ်နေပါက စစ်ရေးအရ ပြတ်ပြတ်သားသား အရေးယူမည့်ကိစ္စအတွက်ဖြစ်ကြောင်း သိရသည်။

ထူးခြားသည်မှာ ခေါင်းဆောင်ကြီးသုံးဦးတွင် မည်သူမျှ မျှော်လင့်မထားသော မြန်မာနိုင်ငံမှ လက်ရှိစစ်ခေါင်းဆောင်ကြီးပါဝင်လာခြင်းဖြစ်သည်။ ယင်းအတွက် ကမ္ဘာ့သတင်းမီဒီယာများသာမက တစ်ကမ္ဘာလုံးကလည်း အထူးတလည်စိတ်ဝင်စားနေကြသည်။ ဂျာမဏီ၊ ရုရှ၊ ပြင်သစ်၊ အီတလီနှင့် တရုတ်ခေါင်းများမှ တစ်ဦးဦးကို ရွေးချယ်ခြင်း မရှိပဲ မြန်မာ့ခေါင်းဆောင်ကြီးကို ရွေးချယ်ခြင်းမှာ ပြည်သူလူထုက အနည်းငယ်မျှ ထောက်ခံခြင်းမရှိပါပဲလျှက် နှစ်ပေါင်းများစွာ တိုင်းပြည်ကိုအုပ်ချုပ်ထားနိုင်တဲ့အတွက် ယင်းမြန်မာ့ခေါင်းဆောင်ကြီး၏ နည်းနာနိဿယများကို အနောက်နိုင်ငံခေါင်းဆောင်များက လူချင်းတွေ့ စနည်းနာလိုသောကြောင့်ဟု သိရသည်။

အစည်းအဝေးကျင်းပချိန်နီးကပ်လာသည်နှင့်အမျှ ခေါင်းဆောင်ကြီးများ အသီးအသီး ၄င်းတို့တည်းခိုရာ ဟိုတည်ကြီးများမှ ရောက်ရှိလာကြသည်။ ရှေးဦးစွာ အိမ်ရှင်သမ္မတကြီး အိုဗားမားရောက်ရှိလာသည်။ ကုလဌာနရှိ တာဝန်ရှိသူများနှင့် ဆိုင်ရာဝန်ထမ်းများအတွက် အထူးအဆန်းမဟုတ်တော့သောကြောင့် ပုံမှန်အတိုင်းအလေးပြုနှုတ်ဆက်လိုက်ကြသည်။ ယင်းနောက် ဗြိတိရှဝန်ကြီးချုပ်ဂေါ်ဒင်ဘရောင်း ရောက်လာသည်။ မြင်နေတွေ့နေကျဖြစ်သောကြောင့် ၀န်ထမ်းများအဖို့ အထူးအဆန်းမဟုတ်တော့တဲ့တွက် ထုံးစံမပျက် နှုတ်ဆက် ဂါရ၀ပြုလိုက်ကြသည်။ နောက်ဆုံးတွင် မြန်မာ့စစ်ခေါင်းဆောင်ကြီး အစည်းအဝေးခန်းမအတွင်းသို့ လက်တစ်ဘက် ဦးခေါင်းကို မိုးအုပ်လျှက် မင်သေသေနှင့် ၀င်ရောက်လာသည်။ ဆိုင်ရာဝန်ထမ်းများနှင့် အနားရှိသတင်းထောက်များ ရုတ်ရုတ်သဲသဲဖြစ်ပြီး သူဦးငါရင် တိုးဝှေ့ကြည့်ရှုရှင်း ဓာတ်ပုံများ တဖျတ်ဖျတ် ရိုက်ယူလိုက်ကြသည်။

အနားရှိသတင်းထောက် တစ်ယောက်က ထူးခြားလှသော ဗိုလ်ချုပ်မှူးကြီးကိုကြည့်ပြီး မနေနိုင်မထိုင်နိုင်ဖြစ်ကာ အစည်းအဝေးပြီးချိန်အထိ မစောင့်နိုင်တော့ပဲ အောက်ပါမေးခွန်းတစ်ခုကို လှမ်းမေးလိုက်သည်။
“ဗိုလ်ချုပ်မှူးကြီးခင်ဗျား၊ အစည်းအဝေးခန်းမထဲဝင်လာတဲ့အခါ ဘာဖြစ်လို့ လက်တစ်ဘက်ကို ခေါင်းပေါ်တင်ထားရတာပါလဲ? ဒီက သမ္မတကြီးနှင့် ၀န်ကြီးချုပ်ကို အလေးပြုတဲ့သဘောလား?

သတင်းထောက်၏ ယင်းမေးခွန်းအတွက် မှူးချုပ်ကြီးခမျှာ စိတ်ထွက်သွားရတော့သည်။ ယင်းကြောင့် ဘာမေးမေးမပြောဟု အဓိဋ္ဌာန်ယူထားသော်လည်း စိတ်တိုတိုနှင့် အောက်ပါအတိုင်းပြန်အော်လိုက်သည်။
“ငါ့လို ဆယ်စုနှစ်နှစ်ခုကြာတဲ့အထိ တိုင်းပြည်အုပ်ချုပ် လုပ်ချင်တာလုပ်လာတဲ့ မှူးချုပ်ကြီးတစ်ယောက်က မနေ့ကမှ သမ္မတ၊ ၀န်ကြီးချုပ်ဖြစ်လာတဲ့ ဒီလူတွေကို အလေးပြုစရာလားကွ၊ သူတို့မပြောနဲ့၊ ငါ့နိုင်ငံထဲက တစ်တိုင်းတစ်ပြည်လုံး ရှိခိုးဦးတိုက်နေရတဲ့ ဘုန်းကြီးတွေကိုတောင် ငါဆိုတဲ့ကောင်က ဖမ်းဆီး၊ ထောင်ချ၊ အရေးယူ၊ သတ်ဖြတ်လာတာကွ၊ လက်ကို ခေါင်းပေါ်တင်ထားတာက ဖိနပ်စာမိမှာ စိုးလို့ကွ”

မှူးချုပ်ကြီး၏ အဖြေစကားကြားလိုက်ရသောအခါ သတင်းထောက်ခမျှာ သူ့သတင်းစာအတွက် အလွန်ခိုင်မာသော သတင်းတစ်ခုကို ရလိုက်သဖြင့် လွန်စွာပျော်ရွှင်သွားလေတော့သည်။ ယင်းနောက် မှူးချုပ်ကြီးသည် ရှောက်သီးငုံထားသော ဘီလူးမျက်နှာမျိုးဖြင့် ရှုသိုးသိုးလုပ်ကာ သူ့အတွက်ချထားသော ကုလားထိုင်တွင် ၀င်ရောက်နေရာယူလိုက်လေသည်။ အစည်းအဝေးစဖို့ အချိန်ကျလေပြီ။ ရှေးဦးစွာ အခန်းအနားမှူးက အစီးအဝေးနှင့်ပတ်သက်သော အဓိကအချက်အလက်များကို သက်ဆိုင်ရာခေါင်းဆောင်များသို့ တိုတိုကျဉ်းကျဉ်းအစီအရင်ခံ တင်ပြပြီး ခေါင်းဆောင်ကြီးမျာီးမိန့်ကြားလိုသည်များကို ဆက်လက်မိန့်ကြားနိုင်ပြီဖြစ်ကြောင်း ကြေညာလိုက်သည်။

သမ္မတအိုဗားမား ထိုင်ရာမှ ထလာပြီး-----
“ကျုပ်ကတော့ နိုဗယ်ဆု ပူပူနွေးနွေးရထားတာဆိုတော့ စစ်တိုက်မည့်အကြောင်း သိပ်တော့ မပြောချင်လှဘူး၊ ဒါပေမဲ့ တစ်ရွာလုံးအတွက် တစ်ယောက်ကို စွန့်ရာ၏၊ တစ်နယ်လုံးအတွက် တစ်ရွာကို စွန့်ရာ၏၊ တစ်နိုင်ငံလုံးအတွက် တစ်နယ်ကို စွန့်ရာ၏လို့ နီတိဆရာများ အမှာစကားထားခဲ့ဖူးတာရှိသမို့ (ဘုန်းကြီးကျောင်းသာ လုပ်ခဲ့ဖူးပုံရတယ်) တစ်ကမ္ဘာလုံးကောင်းစားရေးအတွက် တစ်နိုင်ငံကိုတော့ စစ်တိုက်ရတော့မယ့် အနေအထားရောက်နေပြီ၊ အဲဒီလို တိုက်တဲ့အခါ စစ်ကို ရေရှည်အချိန်ဆွဲ၊ ဟိုဟိုဒီဒီ လက်နက်မျိုးစုံသုံးပြီး တိုက်နေရင် စစ်စရိတ်စခကြီးသလို ပြည်သူလူထုတွေလဲ အထိအခိုက်များမယ်။ ဒီတော့ အဲဒီလို တိုက်နေစရာမလိုအောင် ပစ်မှတ်ကို တိုက်ရိုက်ထိမှန်နိုင်တဲ့ လက်နက်မျိုးကိုပဲ ရွေးချယ်ပြီး တိုက်ဖို့ စိတ်ကူးထားပါတယ်။ ကျုပ်တို့ အမေရိကန်လုပ်ဒုံးကျည်တွေထဲက ပစ်မှတ်ကို မလွဲတမ်းထိမှန်စေတဲ့ ဒုံးကျည်တစ်မျိုးရှိတယ်။ လိုအပ်ရင် ID နံပါတ်ကိုတောင် ရှာမှန်စေနိုင်တယ်။ ကျုပ်တော့ အဲဒီလက်နက်ကို သုံးဖို့ စိတ်ကူးထားသဗျား”

သမ္မတကြီးက သူ့စကားအဆုံးအတွင် ရှေ့မှာထိုင်နေသော ဂေါ်ဒင်ဘရောင်းနှင့် မှူးချုပ်ကြီးတို့ကို ဘယ်နှယ်လဲ-ဆိုတဲ့ အကြည့်နဲ့ လှမ်းကြည့်လိုက်လေသည်။ မှူးချုပ်ကြီးက ခပ်ပြုံးပြုံးနှင့် အိုဗားမားကို ပြန်ကြည့်လိုက်သည်။ သို့သော် ဗြိတိရှဝန်ကြီးချုပ် ဂေါ်ဒင်ဘရောင်းစိတ်ထဲတွင် အိုဗားမား လေကြီးသည်-ဟု မှတ်ယူကာ ထိုင်ရာကုလားထိုင်မှ ရုတ်တရက်ထလိုက်ပြီး---
“မစ္စတာအိုဗားမားပြောသွားတဲ့ အစီအစဉ် သိပ်ကောင်းပါတယ်။ ဒါပေမဲ့ ခင်ဗျားတို့လက်နက်တွေ မှတ်ပုံတင်နံပါတ်တောင် ရှာမှန်နိုင်တယ်ဆိုတာတော့ လက်မခံဘူးဗျာ၊ နည်းနည်းတော့ လွဲရဦးမှာပေါ့” ဟု ထပြောလိုက်သည်။ နိုဗယ်လ်ငြိမ်းချမ်းရေးဆုရှင် သမ္မတကြီးကလည်း “လွဲလှ တစ်လက်မပေါ့ဗျာ့” ဟု တုန့်ပြန်လိုက်လေ၏။ ထို့နောက် သူ့ကုလားထိုင်တွင် ပြန်လည်နေရာယူလိုက်သည်။

ဒုတိယစကားပြောအလှည့်ကျသည့်နိုင်ငံ့ခေါင်းဆောင်မှာ ၀န်ကြီးချုပ်ဂေါ်ဒင်ဘရောင်းဖြစ်သည်။ ထိုင်ရာမှ ထလာကာ Speaker-stand သို့လျှောက်လာပြီး စကော့သံဝဲ၀ဲဖြင့် အောက်ပါအတိုင်းပြောလိုက်သည်။
“အခုအာဖဂန်နစ္စတန်မှာ ကျုပ်တို့စစ်သားတွေ တာလီဘန်တွေနဲ့ တိုက်တဲ့အခါ အထိအခိုက် အကျအရှုံးတွေ တော်တော်များများရှိနေကြတယ်။ အဲဒါဘာလို့လဲဆိုတော့ ပစ်မှတ်ကို ကွက်တိ ထိစေနိုင်တဲ့ လက်နက်မျိုးတွေ မသုံးပဲ သာမန်လက်နက်ကိုပဲ အသုံးပြု တိုက်ခိုက်နေကြရလို့ဖြစ်ပါတယ်၊ ပစ်မှတ်ကို တိုက်ရိုက်ထိမှန်စေတဲ့ လက်နက်မျိုးတွေ ကျုပ်တို့ဆီမှာ အမြောက်အများရှိနေပေမဲ့ နိုင်ငံတကာရဲ့ ပြစ်တင်ဝေဘန်မှုတွေကို မခံချင်လို့ အဲဒါတွေကို မသုံးသေးတာပါ။ ကျုပ်တို့လက်နက်တွေကို တကယ်သုံးရင် ရန်သူ့စခန်းမပြောနဲ့၊ ရန်သူတစ်ယောက်ချင်းစီရဲ့ နဖူးတည့်တည့်ကိုတောင် မိုင်ပေါင်းများစွာကနေပြီး မှန်အောင် ပစ်နိုင်စွမ်းရှိပါတယ်၊ အခုစစ်ပွဲမှာ အလိုအပ်ရင် အဲဒီလက်နက်တွေကို ထုတ်သုံးတော့မှာ ဖြစ်ပါတယ်”

ယင်းသို့ပြောပြီး အိုဗားမားမျက်နှာသို့ လှမ်းကြည့်လိုက်သည်။ အိုဗားမားက---
“၀န်ကြီးချုပ်ပြောတဲ့ လက်နက်တွေနဲ့ဆို ရန်သူတွေကို ခဏချင်းနဲ့ နိုင်မှာပဲ၊ ဒါပေမဲ့ ပြောတဲ့အတိုင်း မထိမှာပဲ စိုးရတယ်” ဟု ခနဲ့သလိုလိုနှင့် ပြန်ဝေဘန်လိုက်သည်။ မြန်မာမှူးချုပ်ကြီးခမျှာ အလွန်ဆိုးဝါးလှသော မျက်နှာထားဖြင့် ထုံးစံအတိုင်း ကြိုးစားပန်းစား ပြုံးလျှက် ရှိလေ၏။ အိုဗားမား၏ ဝေဘန်ချက်ကြောင့် မစ္စတာဂေါ်ဒင်ကလည်း အားကျမခံ “ လွဲလှ တစ်လက်မပေါ့ဗျာ” ရယ်ကျဲကျဲဖြင့် ပြန်ချေပလိုက်လေသည်။

နောက်ဆုံးစကားပြောအလှည့်ကျလာသူမှာ အများမျှော်လင့်ကြီးစွာ စောင့်စားနေကြသော မြန်မာပြည်မှ မှူးချုပ်ကြီးဖြစ်သည်။ လက်ဝါးတစ်ဘက် သူ့ခေါင်းပေါ်အုပ်ထားကာ စကားပြောခုံရှိရာသို့ ကြံ့အိုကြီးဟန်ဖြင့် တစ်လှမ်းခြင်းလျှောက်သွားပြီး လူရှေ့သူရှေ့ စကားမပြောဖူးသဖြင့် ကြောက်ဒူးတုန်ကာ အခါများစွာ ချောင်းဟတ်ဟန်ပြုလျှက်ရှိတော့သည်။ ချွဲဟတ်ပါများဖြင့် လည်ချောင်းအတွင်းရှိ ချွဲများကုန်သည့်အပြင် နှာခေါင်းဝတွင်တစ်နေသော နှပ်ချေးများလည်း တက်တက်ပါ ပြောင်စင်လေတော့၏။ အနားမှာ ထွေးထုတ်စရာ ထွေးခံလည်း အဆင်သင့်မရှိသဖြင့် မှူးချုပ်ကြီးခမျှာ လည်ချောင်းအတွင်း ရောထွေးနေသော ချွဲနှင့်နှပ်ချေးများကို ငယ်မူမပျက် အားပါးတရ မျိုချလိုက်ရလေသည်။ ထို့နောက် အစည်းအဝေးနှင့် မည်သို့မျှ ဆီဆိုင်ခြင်းမရှိသော်လည်း လွန်စွာမှတ်သားဘွယ်ကောင်းသော အောက်ပါစကားကို ငါးပိသံဝဲ၀ဲဖြင့် ပြောချလိုက်တော့သည်။
“ကျုပ်တို့ မြန်မာပြည်က အမျိုးသမီးတွေဟာ ဖင်က ကလေးမွေးကြတယ်ဗျား”

ယင်းသို့ တစ်ကြောင်းတည်းသော ၀ါကျကို ကြိုးစားပန်းစားပြောပြီးပြီးချင်း မည်သူမှ မေးခွန်းမထုတ်ခင် စတိတ်ခုံမှ ဆင်းလာကာ အစည်းအဝေးခန်းမထဲမှ ထွက်သွားတော့သည်။ အစည်းအဝေးခန်းမအတွင်းရှိ သမ္မတ၊ ၀န်ကြီးချုပ်အပြင် စိတ်ဝင်တစားနားထောင်နေသော သက်ဆိုင်ရာလူကြီးမင်းများမှာလည်း မေးခွန်းမေးဖို့ မဆိုထားဘိ ဘာပြောလိုက်သလဲ-ဟု တစ်ယောက်မျက်နှာ တစ်ယောက်ကြည့်ရင်း အဖြေရှာနေကြရတော့သည်။ အတော်အတန်ကြာမှ သမ္မတအိုဗားမားက ဆိုလိုရင်းကို သဘောပေါက်ကာ နောက်မှ အပြေးအလွှားလိုက်သွားရင်း---
“အာ--ခင်ဗျားဟာကလဲ မဖြစ်နိုင်ပါဘူးဗျာ၊ ကလေးမွေးတာ ဗိုက်ခွဲမွေးရင်မွေး၊ မဟုတ်ရင် ဟိုအပေါက်ကမွေးတယ်ပဲ ကြားဖူးပါတယ်၊ ဘယ်နှယ် ခင်ဗျားတို့တိုင်းပြည်က အမျိုးသမီးတွေက ဖင်က ကလေးမွေးရတယ်-လို့၊ မဖြစ်နိုင်ပါဘူးဗျာ”

အိုဗားမား၏ ယင်းဝေဘန်ချက်ကို မှူးချုပ်ကြီးက လှည့်မကြည့်ပဲ ပြန်ဖြေလိုက်သည်မှာ “လွဲလှ တစ်လက်မပေါ့ဗျာ” ဟူ၏။

ကုလသမဂ္ဂဌာနချုပ်အပြင်ဘက်မှ မှူးချုပ်ကြီးထွက်လာသည့်အခါ ဖိနပ်စာကျွေးဖို့ စောင့်ဆိုင်းနေကြသည့် ရွှေဗမာများမှာလည်း ယင်းသတင်းကြားသိကြရပြီးနောက် အဆင်သင့် ချွတ်ထားသော ဖိနပ်များကို ပစ်ဖို့ သတိမရတော့ဘဲ လက်ထဲတွင် ကိုင်ထားရင်း မတ်တပ်ရပ်ကာ မင်သေသေလျှက်ရှိကြလေ၏။ ယင်းမြင်ကွင်းကို အမိအရ ဓာတ်ပုံရိုက်ယူလိုက်သော သတင်းထောက်သည် နောက်တစ်နေ့ သတင်းစာတွင် ဓာတ်ပုံနှင့်တကွ အောက်ပါအတိုင်း ရေးသားဖေါ်ပြလိုက်သည်။
“မြန်မာပြည်သူတို့သည် ဗုဒ္ဓဘာသာဝင်များ ဖြစ်ကြသည့်အလျှောက် ကြီးသူကို ရိုသေ၊ ရွယ်တူကိုလေးစား၊ ငယ်သူကို သနား-ဟူသောဆောင်ပုဒ်နှင့်အညီ ၎င်းတို့၏ ခေါင်းဆောင်အိုကြီးကို မည်မျှလေးစားကြသနည်းဟူမူ အစည်းအဝေးပြီးဆုံးသည့်နောက် ခေါင်းဆောင်ကြီး ဌာနချုပ်မှ ပြန်ထွက်လာသောအခါ စီးထားသော ဖိနပ်များကို ကိုယ်စီကိုယ်စီ တန်းစီချွတ်၊ လက်တွင်ကိုင်ထားကြပြီး ပါးစပ်အဟောင်းသားဖြင့် ဂါရ၀ပြုနေကြသည်မှာ မြင်ရသူတို့အဖို့ ကြည်နူးဘွယ်ပင် ဖြစ်သေးတော့၏” ဟူသတည်း။

Thursday, October 15, 2009

ပညာရှင်


ပညာရှင်ဆိုတာ သူများသတိမထားမိတဲ့အရာကို မှတ်တမ်းတင်ပေးတဲ့ သူကို ခေါ်တာ။
(မင်းထက်)

Tuesday, October 13, 2009

ကိုယ့်အဖြစ်နဲ့ ကိုယ်


မျက်ရည် တစ်စက်
ပါး တစ်ဘက်သို့
ဒက်ကနဲကျ
ကိုယ့်မျက်နှာ တစ်ဘက်လွှဲ
အသဲက ဒဏ်ရာကို ဖုံးဖိ
သူ မသိပါစေနဲ့။

သွေးစက် တစ်စက်
ဓား ထက်ထက်ကြောင့်
ရှထိ လက်မှ
ထွက်ကာကျတဲ့ အခါလဲ
လက်က ဒဏ်ရာကို ဖုံးဖိ
သူ မကြည့်ပါစေနဲ့။

ချွေးစက် တစ်စက်
ပင်ပန်းချက်ကြောင့်
ကိုယ်မှ ထွက်ကျ
အိမ်ပြန်ရတဲ့ အခါလဲ
ကိုယ့်ရဲ့ပင်ပန်းမှုကို ဖုံးဖိ
သူ မရှိပါစေနဲ့။

Monday, October 12, 2009

ပန်းတို့တံထွာ


ပန်ဆင်သူ ရွယ်ကိုးလို့
ပန်းမျိုးတို့ မပွင့်ပါ
ပန်ဆင်မှ ပန်းဘ၀
လှပသာယာ။

ပင်ပေါ်ပွင့် ပင်ပေါ်ကြွေ
ပန်းတစ္ဆေ အဖြစ်မျိုး
ဘယ်ပန်းမှ မဖြစ်ချင်
လှချင်ကြရိုး။

မယ့်ဆံကေ သူစံမှ
ပန်းအလှ ပိုထည်ဝါ
ဂုဏ်ဆင့်ကာ ဟန်ပန်မြင့်
မျိုးတင့်ကြွယ်လာ။

ဘယ်သူလာ ဘယ်သူခူး
ကြည်နူးလို့ သူပျော်ရွှင်
သူ့ဘ၀င် မာန်ကုန်ဟီး
စိတ်ကြီးသူဝင်။

သူညှိုးလျှင် သူ့နေရာ
ဆံကေမှာ အသစ်လဲ
မမြဲပုံ ပန်းဘ၀
သိမှသိပဲ။

Saturday, October 10, 2009

အတွေးဂိုဒေါင်


အတွေးတွေ စုပုံဖို့
နေရာတစ်ခု စဉ်းစား
ဝဠာဗွေ စကြာမျဉ်း
သိပ် ကျဉ်းပါလား။

(ပီကာဆို)




Friday, October 9, 2009

လားလာမျော


ကျနော်ငယ်စဉ် ရွာမှာ ကျောင်းသားဘ၀က (အခုလဲ ကျောင်းသားဘ၀က မလွတ်သေး) အမေဆူတဲ့အခါ အများဆုံး ကြားခဲ့ရတဲ့ စကားကတော့“လားလာမျော” ဆိုတဲ့ စကားပါပဲ။ အဲဒီတုန်းကတော့ ဒီစကားရဲ့ အဓိပ္ပါယ်ကို ကိုယ့်ဒေသသုံးမို့ အတန်အသင့် နားလည်ခဲ့ပေမဲ့ လေးလေးနက်နက် တစ်ခါမှ မတွေးခဲ့မိကြောင်း ၀န်ခံပါရစေ။ အမေက သူ့စကားနားမထောင်ပဲ၊ အိမ်မှာမနေပဲ ရွာထဲလျှောက်လည်ပြီး ပြန်လာတဲ့အခါတိုင်းလောက်နီးပါး “နံလော လားလာခဲ မျောနေ၊ အီမှာဂို နေ--ာ့မား” (မင်းတော့ လျှောက်သွားနေတာပဲ၊ အိမ်မှာတောင် မနေဘူး) လို့ ဆီးဆူတတ်ပါတယ်။ ဒီစကားအတိုင်းဆိုရင် “လားလာမျော”ရဲ့ အဓိပ္ပါယ်ဟာ “လျှောက်လည်နေတယ်” လို့ ဖြစ်ပါတယ်။ ဒါပေမဲ့ တကယ်မူရင်း အဓိပ္ပါယ်တော့ မဟုတ်သေးပါဘူး။

တစ်ခါတစ်လေကျပြန်တော့ ပြောတာနားမလည်တဲ့အခါ “လားလာမျော--ား၊ ဟဲ့ယာလဲ နားမ္လယ်--” (အလားအလာမရှိတဲ့ကောင်၊ ဘာမှ နားမလည်ဘူး) လို့ ဆူတတ်ပါသေးတယ်။ ဒီစကားအရ “လားလာမျော”ရဲ့ မူရင်းအဓိပ္ပါယ်ထွက်လာပါတယ်။

လားလာ = အလားအလာ၊ ကြီးပွါးချမ်းသာခွင့်နိုင်တဲ့ အခွင့်အလမ်းများ
မျော = မျောပါသွားသည်၊ ဆုံးရှုံးသွားသည်။
လားလာမျော = အနာဂတ်မှာကြီးပွါးနိုင်တဲ့ အလားအလာများ ရေစုန်မျောပါသွားသည်။

မိခင်တိုင်း မိခင်တိုင်း သားသမီးတွေကို ချစ်ကြတာ ထုံးစံပါပဲ။ အဲဒီအချစ်ကြောင့်ပဲ မိဘတော်တော်များများဟာ သူတို့သားသမီးတွေရဲ့ နောင်ရေးကို အမြဲနီးပါး တွေးနေတတ်ကြပါတယ်။ သူတို့ကိုယ်တိုင် ပညာတတ်ကြီးတွေ ဖြစ်ချင်မှ ဖြစ်ကြပေမဲ့ သူတို့သားသမီးတွေကိုတော့ ပညာတတ်ကြီးဖြစ်စေချင်ကြပါတယ်။ သူတို့ကိုယ်တိုင် ကြွယ်ဝချမ်းသာသူတွေ ဖြစ်ချင်မှ ဖြစ်ကြပေမဲ့ သားသမီးတွေကိုတော့ သူတို့မျက်မှောက်မှာဖြစ်စေ၊ မျက်ကွယ်တဲ့အခါဖြစ်စေ ကောင်းစားစေချင်၊ ချမ်းသာစေချင်၊ ကြီးပွါးစေချင်ကြပါတယ်။ ဒါဟာ မိဘမေတ္တာရဲ့ သရုပ်အမှန်တွေပါပဲ။ အဲဒီစိတ် အဲဒီမေတ္တာကို အခြေခံပြီး သားသမီးတွေ အချိုးမကျတဲ့အခါ၊ ပြောစကားနားမထောင်တဲ့အခါ ကရုဏာဒေါသ-ဆိုသလို မချင့်မရဲဖြစ်ပြီး ဆူတာ ငေါက်တာတွေလဲ ရှိလာတတ်ပါတယ်။

အဲဒီလို ဆူစရာငေါက်စရာရှိလာတဲ့အခါ ကိုယ့်ဒေသအလိုက်၊ ကိုယ့်လူမျိုးအလိုက်သုံးစွဲရတဲ့ ဘာသာစကားတွေနဲ့ ထိထိမိမိ ဆူပူတတ်ကြပါတယ်။ တစ်ခါတလေ အမေက “နံဟယ်ရွှတ်သွားနေ---ယ်၊ လားလာခဲမျောနေ--ီက” (မင်းဘယ်လျှောက်သွားနေတာလဲ? အလားအလာတွေ မျှောပစ်နေတာပဲ) ဆိုပြီးလဲ ဆူငေါက်တတ်ပါတယ်။ ဒီစကားမှာပါတဲ့ လားလာမျောရဲ့ အဓိပ္ပါယ်ကတော့ တကယ့်ကို ဆိုလိုချင်တဲ့ အဓိပ္ပါယ်ပါပဲ။ ကြိယာပုဒ်အနေနဲ့ သုံးထားတာ တွေ့နိုင်ပါတယ်။ အထက်မှာပြောခဲ့တဲ့ အဓိပ္ပါယ်ချင်းတူပေမဲ့ ဒီဝါကျမှာ တိုက်ရိုက်အားဖြင့် အလားအလာတွေ မျှောပစ်နေတယ်ဆိုတဲ့ အဓိပ္ပါယ်ကို တိုက်ရိုက်ယူနိုင်ပါတယ်။

တစ်ခါတရံကျတော့ အမေက “လားလာမျော--ား၊ ဟယ်နား သွားလွမ့်နေ--ယ်” (အလားအလာမရှိတဲ့ကောင်လေး၊ ဘယ်နားသွား အလေလွင့်နေတာလဲ?) လို့လဲ ဆူတတ်ပါသေးတယ်။ ဒီဝါကျမှာတော့ “လားလာမျော” ဟာ အလားအလာမရှိသူ ဆိုတဲ့ နာမ်ပုဒ်ကို တိုက်ရိုက်ရပါတယ်။ အဲဒီတော့ လားလာမျော-ဆိုစကားလုံးကို ထားဝယ်သူ ထားဝယ်သားများက ကြိယာပုဒ်အဖြစ်ရော၊ နာမ်ပုဒ်အဖြစ်ပါ အသုံးပြု ပြောဆိုကြကြောင်း နားလည်နိုင်ပါတယ်။ ဒီဝါကျကိုပဲ နောက်တစ်မျိုးအဓိပ္ပါယ်အနေနဲ့ ဒီလိုနားလည်နိုင်ပါတယ်။ “အလားအလာမရှိသူ၊ အလေလွင့်နေသူ” ဆိုပြီး အဓိပ္ပါယ်ကောက်ယူနိုင်ပါတယ်။ ဒီအဓိပ္ပါယ်အရ လားလာမျော-ဆိုတာ အလေလွင့်သူလို့ တိုက်ရိုက်အဓိပ္ပါယ်ရပါတယ်။

လွင့်ဂျာ-ဆိုတဲ့ ရခိုင်စကားနဲ့ ခပ်ဆင်ဆင်တူမယ်လို့ ယူဆရပါတယ်။ မြန်မာစကားမှာ ဒီလိုနေရာမျိုးမှာ ကျနော်တို့ ထားဝယ်သားတွေ ပြောသလိုမပြောကြပါဘူး။ “မင်းဘယ်သွား အလေလိုက်နေတာလဲ” လို့ပြောကြမှာပါ။ ဒါကြောင့် လားလာမျောဟာ ဒီဝါကျမှာ မြန်မာလိုစဉ်းစားရင် အပိုသက်သက်ဖြစ်လာပါတယ်။ ဒါပေမဲ့ မြန်မာစကားအရ ပိုသလိုဖြစ်နေပေမဲ့ ထားဝယ်စကားအရတော့ လားလာမျောဟာ နောက်ပြောမည့် “ဘယ်သွားလေနေသလဲ” ဆိုတဲ့ စကားကို ပိုပြီး အဓိပ္ပါယ်ရှိစေတဲ့ ၀ိသေသနလို ဖြစ်လာပြန်ပါတယ်။ စကားအသွားအလာအရ အထူးပြုပုဒ်တစ်ခုမဟုတ်ပေမဲ့ နောက်ဝါကျကို လေးနက်စေတဲ့ ပုဒ်စုတစ်ခုအနေနဲ့ မှတ်ယူနိုင်ပါတယ်။ မြန်မာဝါစင်္ကတွေနဲ့ စဉ်းစားရင်တော့ အာလုပ်ပုဒ် တစ်ခုအနေနဲ့ မှတ်ယူနိုင်ပါတယ်။

အထက်ပါ စကားစဉ်အရ ထားဝယ်သူ ထားဝယ်သားတွေသုံးတဲ့ လားလာမျောရဲ့ အဓိပ္ပါယ်တွေဟာ
(၁) လျှောက်လည်နေသည် (ကြိယာပုဒ်)၊
(၂) အလားအလာမရှိသူ (နာမ်ပုဒ်)
(၃) အလားအလာကို မျှောပစ်သည် (ကြိယာပုဒ်)
(၄) အလေလွင့်သူ (နာမ်ပုဒ်) နဲ့
(၅) နောက်ဝါကျပါစကားလုံးများကို အားဖြည့်ပေးတဲ့ အာလုပ်ပုဒ်
ဆိုတဲ့ အဓိပ္ပါယ်တွေ ရကြောင်း သိနိုင်ပါတယ်။

ဒီကဏ္ဍမှာ အချိန်ရရင်ရသလို ကျနော်တို့ ထားဝယ်သူထားဝယ်သားတွေရဲ့ စကားအသုံးနှုံးနဲ့ စိတ်ဝင်စားဘွယ်ရာလေးတွေကို အလျှင်းသင့်သလို တင်ပြပေးသွားမှာဖြစ်တယ်။ စိတ်ဝင်စားသူများ ဗဟုဿုတအဖြစ်လေ့လာနိုင်ပါကြောင်း။

Thursday, October 8, 2009

မူဝါဒနှင့် အယူဝါဒ


မူဝါဒသည် ချမှတ်ထားသော စည်းမျဉ်းစည်းကမ်းများနှင့်သက်ဆိုင်၍ အယူဝါဒသည် ယုံကြည်မှုနှင့် သက်ဆိုင်သည်ဟု ကျနော်မြင်သည်။ တစ်နည်းအားဖြင့် မူဝါဒဟူသည် အများဆိုင်ဖြစ်ပြီး အယူဝါဒသည်ကား လူတစ်ဦးတစ်ယောက်၏ လွတ်လပ်သော အတွေးအခေါ်နှင့် သက်ဆိုင်သည်။ ဤသည်ပင် ကျနော့်အယူဝါဒလည်း ဖြစ်ကောင်းဖြစ်နိုင်သည်။ ထို့ကြောင့် လူတစ်ယောက်ဦးတစ်ယောက်သည် သက်ဆိုင်ရာ အစိုးရနှင့် အဖွဲ့အစည်းများက ချမှတ်ထားသော စည်းမျဉ်းစည်းကမ်းများကို လိုက်နာနေရသကဲ့သို့ တစ်ချိန်တည်းမှာပင် မိမိကိုယ်တိုင်၏ ယုံကြည်ရာကိုလည်း ဆောင်ရွက်ရင်း အသက်ရှင်သန်နေရကြောင်း မှတ်ယူနိုင်သည်။

“မူကိုတော့ ကြိုက်ပါတယ်ကွာ၊ ဒါပေမဲ့ လူကိုတော့ မကြိုက်ဘူး” ဟု ပြောဆိုသော စကားများကို အဖွဲ့အစည်းအတွင်း နေထိုင်သူများ မကြာခဏ ကြားရနိုင်သည်။ အမှန်အားဖြင့် လူကို မကြိုက်ဘူး-ဆိုသော စကားသည် ထိုသူ၏ ယုံကြည်ချက်အရ လုပ်ပုံကိုင်ပုံ၊ ပြောပုံဆိုပုံများကို မကြိုက်ခြင်း-ဟု ကျနော် ဖွင့်ဆို နားလည်ချင်သည်။ “မူကောင်းပါလျှက် လူမကောင်းတဲ့အတွက် ပျက်ရတယ်”ဆိုသည့်နေရာမှာလဲ ချမှတ်ထားသောမူဝါဒသည် ထိုပုဂ္ဂိုလ်၏ အယူဝါဒကို မလွန်ဆန်နိုင်ဖြစ်ကာ ကိုယ်လက်ခံယုံကြည်သလို လုပ်မိတဲ့အတွက် မလိုလားအပ်သော ဆိုးကျိုးများပေါ်ပေါက်လာရခြင်း ဖြစ်နိုင်သည်။

တစ်ခါတရံ အယူဝါဒကောင်းသော်လဲ မူဝါဒမကောင်းသဖြင့် ပျက်စီးသွားရသည်များလည်း များစွာပင်ရှိသည်။ အသို့ဆိုသော် မူဝါဒကောင်း၊ အယူဝါဒကောင်းဟူသည် အဘယ်နည်း? ဟု မေးခွန်းထုတ်ဘွယ်ရှိသည်။ ယင်းမေးခွန်းကို Yes or No ဖြင့် အဖြေပေး၍ မဖြစ်နိုင်သလို ပုံသေနည်းသုံးပြီး တစ်ထစ်ချအဖြေပေး၍လည်း မဖြစ်နိုင်ချေ။ လူတစ်ယောက်စီက အဖြေတစ်ခုစီ ထွက်လာမည်မှာ သေချာသည်။ လူတိုင်းလူတိုင်းသည် မိမိကိုယ်တိုင်၏ အယူဝါဒကို အမှန်ဟု ယူဆတတ်ကြမြဲဖြစ်သည်-ဟု ထင်သည်။ မိမိအယူကို အမှန်ဟု မယူဆပါက ဆက်လက်ကိုင်စွဲထားစရာမလို၊ ပယ်ဖျက်ပြီး နောက်တစ်မျိုးကို ယူနိုင်သည်။ ယုံကြည်နိုင်သည်။

ဤနေရတွင် အယူဝါဒ-ဆိုရာဝယ် များသောအားဖြင့် သက်ဆိုင်ရာ ဘာသာရေးအရ ယုံကြည်လက်ခံထားသော အယူအဆသည် ရာခိုင်နှုံးအမြင့်ဆုံးအနေထားတွင် ရှိသည်။ မူဝါဒ-ဆိုသည်မှာလည်း သက်ဆိုင်ရာ နိုင်ငံအလိုက် လက်ခံကျင့်သုံးနေသော အစိုးရစနစ်များကို အများဆုံးညွှန်ပြကြပေလိမ့်မည်။ ယင်းသို့ဖြစ်သောအခါ မူဝါဒသည် နိုင်ငံရေးနှင့် ပတ်သက်၍ အယူဝါဒသည် ဘာသာရေးနှင့် တိုက်ရိုက်ဆက်စပ်မှုရှိသည်။ ထို့ကြောင့် မူဝါဒသည် နိုင်ငံရေးဖြစ်၍ အယူဝါဒသည် ဘာသာရေးဖြစ်လာရတော့သည်။ လူတစ်ဦးတစ်ယောက်အတွက် နိုင်ငံရေးသည် ယခုပစ္စက္ခအတွက် အရေးပါသလို ဘာသာရေးသည်လည်း နောင်တမလွန်အတွက် အရေးကြီးသည်။ မူဝါဒကောင်းလျှင် ယခုဘ၀မှာ ချမ်းသာပြီး အယူဝါဒကောင်းလျှင် နောင်ဘ၀လက်ခံ ယုံကြည်သူများအတွက် နောင်ဘ၀မှာ ချမ်းသာနိုင်သည်။ နောင်ဘ၀ကို မယုံကြည်သူများအတွက်လည်း ယခုဘ၀တွင် စိတ်ချမ်းသာခွင့်ရနိုင်သည်။ ထို့ကြောင့် မူဝါဒနှင့် အယူဝါဒသည် အကောင်းဖြစ်ဖို့ အလွန်အရေးကြီးလှသည်။

မူဝါဒသည် ကောင်းသည်ဖြစ်စေ/မကောင်းသည်ဖြစ်စေ၊ အယူဝါဒသည်လည်း ကောင်းဖြစ်စေ/ဆိုးသည်ဖြစ်စေ၊ ပယ်စွန့်ဖို့ရန် အလွန်မလွယ်ကူသော အရာများဖြစ်သည်ကို လူတိုင်းသိသည်။ မူဝါဒဆိုးတစ်ခုကို ချေမှုန်းပြီး မူဝါဒကောင်းတစ်ခု၊ သို့မဟုတ် ကောင်းသည်ဟု ထင်ရသော မူဝါဒတစ်ခုကို မွေးစားဖို့အတွက် လူပေါင်းများစွာတို့ အသက်ပေါင်းများစွာပေး၍ နှစ်ပေါင်းများစွာ တော်လှန်ကြရသလို အယူဝါဒတစ်ခုကို ပယ်စွန့်ပြီး ပိုကောင်းသည်ဟုထင်ရသော အယူဝါဒတစ်ခု ထူထောင်ရန်မှာလည်း လွန်စွာခဲခက်သော အလုပ်ဖြစ်ကြောင်း အများနားလည်ကြသည်။ အဘယ်ကြောင်းနည်း?

အဖြေသည် ရှုထောင့်အမျိုးမျိုးမှ ကြည့်၍ ရှုပ်ထွေးနိုင်သော်လည်း လွယ်ကူသောအဖြေတစ်ခုကားရှိသည်။ ယင်းမှာ သက်ဆိုင်ရာ မူဝါဒရေးရာခေါင်းဆောင်များနှင့် အယူဝါဒရေးရာခေါင်းဆောင်တို့၏ အတ္တဆန်မှုပင်ဖြစ်သည်။ တော်လှန်သည်-ဟူသောစကားလုံးသည် မူဝါဒနှင့်ဆိုင်သလို အယူဝါဒနှင့်လည်း ဆိုင်သည်။ ထို့အပြင် အဖိနှိပ်ခံတို့၏ မခံမရပ်နိုင်မှုနှင့်လည်းသက်ဆိုင်သည်။ နိုင်ငံရေးအရ ဖိနှိပ်ခံရသူတို့က သက်ဆိုင်ရာ မူဝါဒကို တော်လှန်၍ ဘာသာရေးအရ ဖိနှိပ်ခံရသူတို့ကလည်း သက်ဆိုင်ရာ အယူဝါဒကို တော်လှန်ကြသည်။

ယနေ့ခေတ်တွင် ဘာသာရေးအရတော်လှန်မှုသည် လွန်စွာမထင်ရှားတော့သော်လည်း သက်ဆိုင်ရာ အဖိနှိပ်ခံလူတန်းစားများ၏ နှလုံးအိမ်တွင်မူ အုံကြွလျှက် ပေါက်ကွဲချိန်ကို စောင့်စားနေကြလေပြီ။ နိုင်ငံရေးအရ အဖိနှိပ်ခံလူတန်းစားများသည်ကား တူရာလူစုပြီး တိုက်ပွဲဝင်နေကြလေပြီ။ နိုင်ငံရေးအရ မူဝါဒကို တော်လှန်သည်ဖြစ်စေ၊ ဘာသာရေးအရ အယူဝါဒကို တော်လှန်သည်ဖြစ်စေ၊ ပန်းတိုင်မှာ တစ်ခုတည်းသာဖြစ်သည်။ ယင်းကား လွန်လပ်မှုပင်တည်း။ ယင်းလွတ်လပ်မှုအတွက် သက်ဆိုင်ရာ အဖိနှိပ်ခံလူတန်းစားအလွှာ အသီးသီးတို့က အသက်အသေခံပြီး တိုက်ပွဲဝင်နေကြရသည်။

ယနေ့မြန်မာပြည်သူတို့သည်လည်း ကမ္ဘာတစ်ဝှန်းရှိ အဖိနှိပ်ခံ လူတန်းစားများတွင် အလွှာတစ်ခုအနေဖြင့် ပါဝင်နေသည်။ နိုင်ငံရေးအရရော ဘာသာရေးအရပါ လွတ်လပ်မှုများဆုံးရှုံးပြီး မူဝါဒရေးရာတော်လှန်ရေးတိုက်ပွဲများနှင့် အယူဝါဒရေးရာတော်လှန်ရေးတိုက်ပွဲများကို ကဏ္ဍအသီးသီးမှ ၀ါဝင်ဆောင်ရွက်နေကြသည်။ အထူးသဖြင့် နိုင်ငံရေးအရ မူဝါဒအဟောင်းကို လက်မခံနိုင်ကြသဖြင့် မူဝါဒအသစ်တစ်ခုသို့ ဦးတည်ရည်မှန်းကာ လှုပ်ရှားနေကြသည်။ သို့သော် အုပ်ချုပ်သူအလွှာတစ်ခု၏ အတ္တဆန်မှုကြောင့် ဆယ်စုနှစ်ပေါင်းများစွာကြာသည့်တိုင် လွတ်လပ်ခွင့်ကို မရကြသေး။ အသက်အသေခံကြသည်။ စည်းစိမ်အပျက်ခံကြသည်။

သို့သော် အုပ်ချုပ်သူအလွှာတို့ အတ္တဆန်နေသေးသမျှ၊ တော်လှန်သူအလွှာတို့ မညီညွတ်နိုင်သေးသမျှ လက်ရှိမူဝါဒကို ချေဖျက်ဖို့ရာ လွယ်ကူမည်မဟုတ်ပေ။ အသက်အိုးအိမ်စည်းစိမ်များကို ဆက်လက်ရင်းနှီးကြရပေဦးမည်။ မိမိမကြိုက်သော အယူဝါဒကို မိမိစိတ်ထဲမှာပင် ပယ်ဖျက်ပစ်နိုင်သော်လည်း မိမိမကြိုက်သော မူဝါဒကိုကား ယင်းနည်းအားဖြင့် ပယ်ဖျက်၍ မရနိုင်ချေ။ ယင်းအတွက် သဘောတူရာ အဖိနှိပ်ခံတို့ စုရုံးညီညွတ်မှဖြစ်နိုင်သည်။ မူဝါဒအဟောင်းကို ချေဖျက်ဖို့ အဖိနှိပ်ခံတို့ မညီညွတ်နိုင်သေးသမျှ ဖိနှိပ်သူအာဏာရှင်တို့၏ ပလ္လင်ကို ကောင်းစွာလှုပ်ရှားစေနိုင်လိမ့်မည်မဟုတ်ကြောင်း ကောင်းစွာလက်ခံအပ်သတည်း။

ငယ်စဉ်က အတွေး



ထိုနေ့က မင်းမင်း အိမ်အပြန်နောက်ကျသည်။ အတန်းပြီးချိန် မိုးသည်းထန်စွာ ရွာသွန်းနေသေးသဖြင့် လွယ်အိပ်ထဲ ထည့်ယူလာသော စကောသာသာ ထီးကလေးကို အားမကိုးလောက်။ စာသင်ခန်းထဲမှာပင် အခြားကျောင်းသားများနည်းတူ အချိန်ဖြုန်းရင်း ဆော့နေရသေးသည်။ ထမင်းဆာသည်။ အိမ်အမြန်ပြန်ချင်နေသည်။ ပါလာသော ထမင်းဗူးမှာ နေ့လည်ကတည်းက ကုန်ပြီ။ ကျောင်းဝင်းအတွင်းရှိ ဈေးတန်းမှာလည်း ရာသီဥတုကြောင့် စောစောပင် သိမ်းလိုက်ကြသည်။ ကျောင်းဆင်းချိန် ၀ယ်စားစရာလည်း ဘာမျှ မရှိတော့။ မိုးအစဲစောင့်ရင်း ဆော့နေရသည်မှာလည်း ပျော်စရာမကောင်းလှ။ စိတ်က အိမ်ကိုသာ တမ်းတနေမိသည်။ အမေနှင့်အဖေ၊ အမနှင့်ညီမငယ်လေးများကို တွေ့ချင်လှပြီ။

မိနစ်သုံးဆယ်လောက် မနားတမ်း ကြမ်းနေသော မောင်းမကန်မိုးသည် တဖြေးဖြေးအားပျော့လာသည်။ ထီးကောင်းကောင်းရှိသူများနှင့် မိုးကာအင်္ကျီပါသူများမှာ အလျှိုအလျှို ပြန်နစ်ကုန်ပြီ။ တဖြေးဖြေး ကျောင်းဝင်းအတွင်း လူအရေအတွက် နည်းသထက်နည်းနည်းလာသည်။ မင်းမင်းလည်း မနေသာတော့။ လွယ်အိပ်ကို ပုခုံးသိုင်းလွယ်လိုက်ပြီး ပါလာတဲ့ ထီးစုတ်လေးကို အသာဖွင့်လိုက်သည်။ သူ့နည်းတူ မိုးအတိတ်စောင့်စားရင်း ခုံတန်းရှည်တစ်ခုအပေါ်လှပစွာထိုင်နေသော အိမ်နီးနားချင်း အတန်းဖေါ်သူငယ်ချင်းမလေး မိုးမြင့်ဝေကို ပြန်ဖို့ပြောလိုက်သည်။ မိုးမြင့်ဝေ အသာထလာသည်။ “ဟုတ် မင်းမင်း၊ ငါလဲ ပြန်ချင်လှပြီဟယ်၊ ဒီမိုးကလဲ ပြီးပဲ မပြီးနိုင်တော့ဘူး”။ မိုးမြင့်ဝေလည်း မင်းမင်းနှယ် မိုးကို မကျေနပ်။

မောင်းမကန်ကမ်းခြေအနီးရှိ စာသင်ကျောင်းကလေးသည် မင်းမင်းတို့ မိုးမြင့်ဝေတို့အိမ်မှ တစ်မိုင်ကျော်ကျော်ဝေးသည်။ စက်ဘီးမရှိသဖြင့် ကျောင်းသွားကျောင်းပြန် လမ်းလျှောက်ကြရသည်။ ယခုလို မိုးတွင်းကာလများမှာ သူတို့လေးတွေအတွက် သိပ်တော့ မသက်သာလှ။ မောင်းမကန်မိုးမှာ ကမ်းခြေက တိုက်ခတ်လာသော လေသရမ်းကြောင့် တည်တည်ငြိမ်ငြိမ် ရွာသည်တော့ မဟုတ်။ ပါလာသော ထီးစုတ်လေးမှာ တစ်ကိုယ်လုံးမဆိုထားဘိ၊ ခေါင်းကိုပင် မနည်းလုံအောင်ကာကွယ်ပေးနေရရှာသည်။ မစဲသေးသော်လည်း ခပ်ကျဲကျဲ ကျနေသော မိုးစက်မိုးပေါက်များသည် လေအဝှေ့မှာ တစ်ကိုယ်လုံးကို လာမှန်နေသည်။ မင်းမင်းရော မိုးမြင့်ဝေရော သူတို့တွင်ပါလာသော ထီးကလေးများကို အနိပ်ဆုံးဖြစ်အောင် ခေါင်းနှင့်ထီးရွက် ထိသည်အထိ အုပ်မိုးထားကြရရှာသည်။ စာအုပ်များထည့်ထားသော လွယ်အိပ်ကို အထူးဂရုစိုက်ပြီး ပိုက်ထားရသည်။ နောက်ကမိုးပက်လျှင် လွယ်အိပ်ကို ရင်မှာပွေ့ထားရပြီး ရှေ့ကမိုးပက်လျှင် မိုးဘက်ကျောပေးကာ ခဏရပ်နေရသေးသည်။ မင်းမင်းသည် စာကို ချစ်သလို စာအုပ်များကိုလည်း မြတ်နိုးသည်။ စာအုပ်များ မိုးအစိုမခံနိုင်ပေ။ မိုးမြင့်ဝေလည်း သူ့နှင်နှင်။ သူတို့နှစ်ယောက်လုံးမှာ အတန်းထဲတွင် စာတော်သော ကလေးများဖြစ်ကြသည်။

မညှာသောမိုး၊ ရွာသွန်းဖြိုး၍လည်း မပြီးနိုင်။ မင်းမင်း သူ့အိမ်ဝင်းအနားရောက်လာသည်။ မိုးမြင့်ဝေလည်း သူ့အိမ်ဘက်ထွက်သွားလေပြီ။ အိမ်ဝင်းထဲ ၀င်ဝင်ချင်း မင်းမင်းတွေ့လိုက်ရသော မြင်ကွင်းမှာ သူညီ အငယ်ကောင်လေး တံစက်မြိတ်တွင် မိုးရေချိုးရင်း ဖားလိုက်ရိုက်နေသော မြင်ကွင်းဖြစ်သည်။ ထိုမြင်ကွင်းကို မင်းမင်းမကြိုက်။ “သူများအသက် မသတ်ရ”ဟု စာထဲမှာဖတ်ဖူးသည်။ အတန်းထဲမှာ ဆရာဆရာမများကလည်း သင်ပြဖူးသည်။ အခု သူ့ညီလေး သူများအသက် လိုက်သတ်နေပြီ။ နုနယ်သေးသော သူ့နှလုံးသားထဲ ဖားကလေးများကို သနားခြင်းနှင့်အတူ သူ့ညီ၏လုပ်ရပ်ကို တားဆီးလိုစိတ် ချက်ချင်း ၀င်ရောက်လာတော့သည်။

“ဟေ့ကောင် စုစု၊ သူများအသက် မသတ်ရဘူးကွ၊ ငရဲကြီးတတ်တယ်”
မင်းမင်း လှမ်းအော်လိုက်သည်။ တံစက်မြိတ်ပေါ်ကျနေသော မိုးသီးမိုးပေါက်များနှင့် ခပ်ပြင်းပြင်းသရမ်းနေသော လေတိုက်ခပ်သံကြောင့် အငယ်ကောင် ကြားဟန်မတူ။ မင်းမင်းစိတ်ထွက်သွားဟန်တူသည်။ သူ့ညီရှိရာသို့ အပြေးကလေး သွားလိုက်ပြီး “ဟေ့ကောင် ငါပြောနေတာ မင်းမကြားဘူးလား”၊ ပြောပြောဆိုဆို သူ့ညီခေါင်းကို လက်သီးခပ်ပြင်းပြင်း တစ်ချက်ပေးလိုက်သည်။ အငယ်ကောင်ခမျှာ ဘုမသိဘမသိနှင့် ငိုယိုကာ အိမ်ပေါ်တက်ပြေးသွားသည်။ ကလေးတစ်ယောက်အတွက် အားကိုးရာအစစ်သည် ချစ်စွာသော မိခင်ပင်ဖြစ်သည်။ မိခင်၏ ရင်ခွင်ထက် ပိုမိုလုံခြုံသောနေရာသည် သူတို့တွက် ဘယ်နေရာမှာမှ မရှိ။

“ဟဲ့ မင်းမင်း၊ ကလေးကို ဘာဖြစ်လို့ လက်သီးနဲ့ ထိုးရတာလဲ?” ဒေါ်မြင့်မြင့် သူ့သားအကြီးကောင်ကို လှမ်းအော်လိုက်သည်။ “သူက တံစက်မြိတ်မှာ ဖားရိုက်နေတာ အမေ၊ အဲဒါ တားမရလို့” မင်းမင်းမှာ အဖြေရှိသည်။ မှန်သည့်အတိုင်းပင် ပြန်ဖြေလိုက်သည်။ “အမယ်လေးတော်---မင်းက အခုမှ ငါးတန်းပဲ ရှိသေးတယ်၊ တကယ့်ဆရာကြီး လေသံနဲ့ပါလား၊ သူက ကလေးလေးဟဲ့၊ ဘာမှ သိသေးတာ မဟုတ်ဘူး” ဒေါ်မြင့်မြင့် သားငယ်ကို ကာကွယ်စကားဆိုသည်။ မင်းမင်းဘာမှ ပြန်မပြောတော့။ လွယ်အိပ်ကို တိုင်မှာချိတ်လိုက်သည်။ စိုရွှဲနေသော အင်္ကျီ ဘောင်းဘီများကို ချွတ်လဲလိုက်သည်။ ရေပင်မချိုးနိုင်ရှာသေး။ ဆာနေသော ဗိုက်ကိုဖြည့်တင်းဖို့ မီးဖိုချောင်သို့ ၀င်ပြီး သူ့အမေ ဒေါ်မြင့်မြင့် အသင့်ချက်ပြုတ်ထားသော ထမင်းဟင်းများကို ဆာဆာနှင့် တအားလွေးလိုက်သည်။

ထမင်းစားရင်း မင်းမင်းစိတ်ထဲမှာ မှန်သည်လား/မှားသည်လား သူကိုယ်တိုင်ဝေခွဲမရသော အတွေးတစ်ခု ခိုနေသည်။ “ငါပြောတာ ကောင်းတာပြောတာပဲ၊ ညီလေး ဒီလိုဖားတွေ လိုက်ရိုက်နေရင် ငရဲကြီးမှာပေါ့၊ အမေက ဘာဖြစ်လို့ ငါ့ကို ဆူရလဲ မသိဘူး၊ အမေတို့က ဘာမှန်းလဲ မသိဘူး”။ ထမင်းအ၀စားပြီး ပန်းကန်ကိုဆေးသည်။ လက်ကိုဆပ်ပြာနှင့် ပြောင်စင်အောင် ဆေးကြောလိုက်ပြီး စားပွဲပေါ်ထွင် သူ့အမေ ခေါက်ထားသော လက်သုပ်ပ၀ါဖြင့် သေသေချာချာ သုပ်လိုက်သည်။ မအိပ်ချင်သေးသော်လည်း အိမ်ခန်းထဲ ၀င်လာခဲ့သည်။ သူ့စိတ်ထဲမှာ အတွေးစက မပျယ်သေး။ အခန်းထဲရှိ ပန်းများဝေဆာနေသော ဘုရားစင်ရှေ့ရောက်လာသည်။ ဘုရားကျောင်းဆောင်ငယ်လေးထဲတွင် သပ်ပါယ်စွာ သီတင်းသုံးထိုင်တော်မူနေသော ဗုဒ္ဓရုပ်ပွါးတော်ကို မော်ဖူးရင်း ကျက်မှတ်ခဲ့ဖူးသော ကဗျာလေးတစ်ပိုဒ်ကို ခပ်တိုးတိုး ရေရွတ်လိုက်သည်။
“သူများအသက်၊ သတ်သည့်တွက်၊ အသက်ကိုယ့်မှာတို”
“အသတ်ရှောင်ရှား၊ ထိုသူများ၊ ရှည်လျားအသက်ကို”

အထာသိ၊ ကြည့်ဆက်ဆံ


လုဒ္ဓ မတ္ထေန ဂဏှေယျ၊
ထဒ္ဓ မဉ္ဇလိကမ္မုနာ။
မူဠှံဆန္ဒာနုဝတ္တေန၊
တထာတထေန ပဏ္ဍိတံ။
(စာဏကျ-၃၃)

အလိုကြီးသူကို ဥစ္စာဓနပေးကမ်းခြင်းဖြင့် ဆက်ဆံပါ၊
အမျက်ကြီးသူကို ရိုသေသမှုပြုခြင်းဖြင့် ဆက်ဆံပါ၊
ထုံဖျဉ်းတွေဝေသူကို လိုက်လျောခြင်းဖြင့် ဆက်ဆံပါ၊
ပညာရှိကို ဟုတ်တိုင်းမှန်ရာပြောဆိုခြင်းဖြင့် ဆက်ဆံပါ။
(ရှေးဆုံးမစာ)

မဟာဇနကစိတ်ဓာတ်


သော အဟံ ၀ါယမိဿာမိ၊
ယထာသတ္တိ ယထာဗလံ။
ဂစံ္ဆ ပါရံ သမုဒ္ဒဿ၊
ကဿံ ပုရိသကာရိယံ။
(ဇာတက)


သတ္တိဗလ၊ ရှိသမျှဖြင့်၊
နောက်မဆုတ်တမ်း၊ ငါကြိုးပန်းအံ့၊
ယောက်ျားမှန်ရဲ့၊ ဇွဲလက်နက်ဖြင့်
တစ်ဘက်ကမ်းရောက်၊ ငါကူးမြောက်အံ့။
(မဟာဇနကမင်းသား)

ကိုယ့်အလုပ်ကိုသာ ဂရုစိုက်ပါ


န ပရေသံ ၀ိလောမာနိ၊
န ပရေသံ ကတာကတံ။
အတ္တနောဝ အဝေက္ခေယျ၊
ကတာနိ အကတာနိ စ။
(ဓမ္မပဒ)

ကျူးကျော်ရန်ပွါး သူတပါးတို့၏ စော်ကားမှုတွေကို
အချိန်ကုန်ခံ လိုက်လံကြည့်ရှု ဂရုပြုမနေရာ။
သူတစ်ပါးတို့ ပြု/မပြုအပ် အရပ်ရပ်သော ကိစ္စကြီးငယ်တွေကိုလဲ
ကိုယ့်အလုပ်ပျက်ခံ ဝေဘန်ရေးပွါး အလေးထားမနေရာ။
ကိုယ့်ရဲ့ လုပ်ပြီး/မလုပ်ပြီး ကိစ္စကြီးငယ် အသွယ်သွယ်ကိုသာ
ခုခါနောင်ရေး မျှော်ထောက်တွေးလျှက် အလေးထားကာ စဉ်းစားပါလော့။
(မြတ်ဗုဒ္ဓ)

Wednesday, October 7, 2009

မှော်ဆရာများနှင့် ဘောဝိဇ္ဇာ


စာဖတ်သူဘ၀မှာ အပြုစားခံရဖူးပါသလား? လူအတော်များများကတော့ မခံရဖူးပါဘူး-လို့ အဖြေပေးကြလိမ့်မယ်ထင်ပါရဲ့။ ဒါကြောင့်လဲ ဒီလိုပညာရပ်တွေ လောကမှာ ရှိနေတယ်-ဆိုတာကို လက်မခံနိုင်ကြတာပေါ့။ ကျုပ်ကတော့ အတော်အတန်ယုံသဗျား။ ယုံဆို ကျုပ်ကိုယ်တိုင် ခံခဲ့ရဖူးသကိုးဗျာ့။ လွန်ခဲ့တဲ့ ခုနှစ်နှစ်လောက်က ကျောင်းပိတ်ရာသီတစ်ခုမှာ နောင်ချိုက သူငယ်ချင်းတွေခေါ်လို့ သူတို့ဆီ အလည်လိုက်သွားဖူးတယ်။ ဟိုရောက်တော့ သူငယ်ချင်းအိမ်မှာပဲ တည်းပါတယ်။ စားလိုက်၊ သောက်လိုက်၊ ပျော်လိုက်၊ ပါးလိုက်၊ တောထဲဝင်လိုက်၊ တောင်ပေါ်တက်လိုက်နဲ့ ပျော်မှပျော်ပဲ။ အခု စာရေးနေရင်း ပြန်တွေးမိရင်တောင် ပြန်ပျော်နေသေးတယ်။ အဲသလောက်ကို ပျော်ခဲ့တာ။

တစ်နေ့။
သူငယ်ချင်းတွေနဲ့ ရွာလမ်းတွေပေါ် လျှောက်လည်ရင်း လမ်းမှာကောင်မချောချောလေး တစ်ယောက်နဲ့တွေ့ရော့ဗျို့။ ချောဆို အတော့်ကို ချောတာကလား။ အဲဒီခုနှစ်တုန်းက တွေ့ခဲ့ဖူးတဲ့ သူ့ရုပ်ရည်ကို အခုရောက်ဆဲ၂၀၀၉-ခုနှစ်ဖြစ်အောင် ၇-နှစ်ထပ်ပေါင်းပြီး ကြည့်ရင်တောင် သူ့ရုပ်က မကျသေးတာတော့ သေချာတယ်။ ၀ါဝင်းစိုပြေတဲ့ အသားအရေ၊ မြန်မာမိန်းကလေးတစ်ယောက်မှာ ရှိသင့်ရှိထိုက်တဲ့ အရပ်အမောင်း၊ အခြိုးကျလွန်းတဲ့ ကိုယ်အနေအထားနဲ့ သွားပုံလာပုံကအစ ဘာမှကို ပြောစရာမရှိအောင် ပြေပျစ်တာ။ ခပ်လှမ်းလှမ်းက လာနေတဲ့သူ့ကို ကြည့်ပြီး သူငယ်ချင်းက ပြောတယ် “အဲဒါ ချိုတူးပေါ့၊ ဒီနယ်မှာတော့ queen ပဲ၊ ဒါပေမဲ့ သိပ်အန္တရာယ်ကြီးတယ် ကိုယ့်လူ”တဲ့။ ဘာအန္တရာယ်ကြီးမှန်း ကျုပ်လဲ မေးမနေတော့ဘူး။ မျက်လုံးက ပြန်မေးဖို့ ခွင့်မပြုဘူး။ ကောင်မလေး လမ်းလျှောက်လာဟန်ကို ငေးနေရတာကိုက အရသာတစ်မျိုး။

အနားရောက်လာတဲ့ အခါကျတော့ သူငယ်ချင်းကို သူကစပြီး “အကို မြင့်စိုး၊ ဘယ်တုန်းက ရောက်နေတာလဲ၊ အသိတောင်မပေးဘူး၊ နေနိုင်လိုက်တာ” ဆိုပဲ။ ကျုပ်လဲ သူငယ်ချင်းကို မျက်စောင်းတစ်ချက်ခဲလိုက်တယ် “မင်း တော်တော်ဟုတ်နေပါလား” ဆိုတဲ့ အဓိပ္ပါယ်နဲ့ပေါ့။ ကျုပ်သူငယ်ချင်းကလဲ လူပါးလူနပ်။ တစ်ဖက်သားစိတ်ကျေနပ်အောင် ပြောတဲ့နေရာတော့ King-ပဲ။ အခု Queen နဲ့ King တွေ့နေကြပြီ။ ကြားထဲက ကျုပ်က Ace လုပ်မလား၊ Joker လုပ်မလား။ ဒါဆို ပွဲပြတ်ပြီ။ Jack ကတော့ မလုပ်ဘူး။ ပါဝါကျသွားမှာ စိုးလို့။ သူငယ်ချင်းရဲ့ နာဂစ်သာသာလေသရမ်းမှုကြောင့် မိန်းမချောလေး ချိုတူးခမျှာ အီစလံသုံးပတ်လောက်ဝေပြီး ခွေသွားရှာလေရဲ့။ ပြီးတော့ “အကိုတို့ မနက်ဖန် ကျမတို့အိမ်မှာ ထမင်းလာစားကြနော်၊ ရောက်တုန်းရောက်ခိုက်လေး ပြုစုချင်လို့ပါရှင်” ဆိုပြီး ဖိန့်မန္တကပြုလိုက်တဲ့ အသံကြားရချိန်မှာတော့ မဆွတ်ခင်က ညွတ်ချင်ချင်ဖြစ်နေတဲ့ ကျုပ်ခမျှာ အနားမှာတင် သွားရေကျလုလု။ ထမင်းငတ်လို့တော့ မဟုတ်ပါဘူးဗျာ၊ ဟဲဟဲ။

ကာလသားတွေ ကာလသမီးအိမ်သွားပြီး ပွဲတော်တည်ရမှာဆိုတော့ ရန်ကုန်က ယူလာတဲ့ အကောင်းဆုံးဆိုတဲ့ အကျီနဲ့ ဘောင်းဘီထုတ်၊ အရေးထဲ ခေါင်းလိမ်းဆီကလဲ မပါလာ။ ဒီတော့ သူငယ်ချင်းအမေလိမ်းတဲ့ အုန်းဆီပုလင်းဖင်ကပ်ကို အကုန်မော့ပြီး ခေါင်းပေါ်လောင်းချ၊ ဆံကေနဲ့ အုန်းဆီတစ်ဗျင်းဗျင်းမည်အောင်ပွတ်ပြီးမှ ခေါင်းဖီးနဲ့ လိုသလိုဆွဲခြစ်ပြီး ရှိုးထွက်အောင် သ-ရတာကလား။ ပြီးတာနဲ့ ကိုယ်လုံးပေါ်မှန်ရှေ့မှာ ဆယ်ခေါက်လောက် အသွားအပြန်လမ်းလျှောက်ကြည့်ရသေးတယ်။ ဟန်ကျမကျ သိရအောင်လေ။ သူငယ်ချင်းကလဲ ကျုပ်ကြည့်ပြီး အမြင်တော်တော်ကပ်နေပြီ။ တတ်နိုင်ဘူး။ အခွင့်သာတုန်းလေး ဖမ်းသွားမှ-ဆိုတဲ့ ရည်ရွယ်ချက်ကလဲ မြောက်ကိုရီးယားရဲ့ နျူကလီးယား စီမံကိန်းထက် ကြီးသဗျား။

တိုတိုပဲပြောတော့မယ်။ ဒီလိုနဲ့ အိမ်ရောက်ပြီး စားကြရော။ စားပွဲဝိုင်းကြီးပေါ်မှာ တင်ထားတဲ့ စားစရာတွေကလဲ ရွာသူရွာသားတွေနဲ့ မတန်အောင်ကို များပြားလှသဗျား။ “လူမင်းဘုန်းကြီး နတ်မင်းမနေသာ” ဆိုတာ ဒါမျိုးပြော ထင်ပါရဲ့။ စားရင်း စကားပြောရင်းနဲ့ အချိန်တော်တော်လေးကြာသွားတယ်။ ငန်းရင်းလဲ ပါသပေါ့။ ဒါက ရည်ရွယ်ရင်းပေကိုး။ စားပြီးသောက်ပြီး အိမ်ကအပြန်မှာတော့ ရွာထဲမှာ အတော်လေး ပူညံပူညံဖြစ်နေကြပြီ။ နောက်မှ သိရတာပါ။ ဘာလို့လဲဆိုတော့ ကျုပ်သူငယ်ချင်းအဖေက တရားသမား။ သူနဲ့ အခြားအဖိုးကြီးတစ်ယောက်လဲ ရှိသေးတယ်။ ရွာမှာတော့ အထက်လမ်းဆရာကြီးပေါ့။ ဆရာကြီးက ကြိုတင်သိနေသတဲ့၊ ကျုပ်တို့ကို ပြုစားတော့မယ်ဆိုတာ။ ဒါပေမဲ့ အချိန်မီ မတားလိုက်နိုင်ဘူးတဲ့။ ကျုပ်တို့သွားစားတဲ့ အိမ်ပိုင်ရှင်အဘွားကြီး (ချိုတူးအမေ) က ၁၂-ကြိုးကဝေမကြီး ဆိုကိုးဗျာ့။ သူ့ကို နိုင်တာလဲ ရွာမှာ ခုနကပြောတဲ့ ဆရာကြီးတစ်ယောက်တည်းပဲ ရှိဆိုပဲ။

အူယားဖားယားနဲ့ သူငယ်ချင်းအမေ ရောက်လာတယ်။ သူ့ယောက်ျားရော၊ ဆရာကြီးရော။ လက်ထဲမှာလဲ ကွမ်းအစ်ကြီးကိုင်လို့။ ရွာထဲက လူတွေကလဲ ဘာဆက်ဖြစ်မလဲ စပ်စုနေကြပြီ။ ဆရာကြီးရောက်လာပြီး ကျုပ်တို့အားလုံးကို ရွာထိပ်က ဘုရားကုန်းပေါ်ခေါ်သွားတယ်။ အဲဒီရောက်တော့ ဘုရားရှေ့မှာထိုင်ခိုင်းပြီး တစ်ယောက်ပြီးတစ်ယောက် စစ်လိုက်တော့ အပြုစားခံရတာ ကျုပ်တစ်ယောက်တည်း-တဲ့ဗျား။ လန့်လိုက်ပုံများဖြစ်တော့။ လန့်ပေမဲ့ အဲဒီအထိဘာမှမဖြစ်သေးတော့ ဖြေသာနေသေးသပေါ့။ ဆရာကြီးက အဲဒီစုန်းမကြီးကို သူ့ပညာနဲ့ခေါ်ပြီးမေးသတဲ့ “မင်းဘာဖြစ်လို့ ဒီဧည့်သည်ကောင်လေးကိုမှ ရွေးလုပ်ရတာလဲ”လို့။ စုန်းမကြီးက “ဒီကောင်လေးက သိပ်ချောလွန်းတယ်၊ လူ့ပြည်မှာ ကြာကြာမနေသင့်ဘူး” လို့ ဖြေသတဲ့ဗျား။ (သူပြောမှပဲ ကျုပ်လဲ ကျုပ်ကိုယ်ကျုပ် မှန်ထဲ တော်တော်ကြာကြာ ပြန်ကြည့်ရသေးတယ်။ စုန်းမကြီးပြောတာ သိပ်တော့လဲ ဟုတ်သလိုလို၊ အဟား။) ဒါနဲ့ ဆရာကြီးက ဘုရားရှေ့မှာ ရေမန်းတစ်ခုလုပ်ပြီး တိုက်ပါလေရော။ အပြုစားခံထားရတယ်ဆိုတဲ့ အသိက၀င်နေလေတော့ အဲဒီချိန် ရေမန်းမကလို့ ဘီယာတိုက်လဲ အဲလေ ယောင်လို့၊ ဆေးခါးကြီးတိုက်လဲ ဂွတ်ကနဲနေအောင် သောက်လိုက်မှာပဲ။

အဲဒီရေမန်းသောက်ပြီးမှ ဆရာကြီးက ပြောတယ် “လူလေး---မင်းဘာမှ မဖြစ်တော့ပါဘူးကွယ်၊ ဘဘကြီး အားလုံးဆွဲနှုတ်လိုက်ပါပြီ၊ တစ်ခုတော့ရှိတယ်၊ မင်းအိမ်သာတက်တဲ့ အခါတော့ သတိထားကြည့်ကြည့်၊ အစိမ်းရောင်နဲ့ ကျလာရင် ဘာမှမဖြစ်တော့ဘူး၊ စိတ်သာချ”တဲ့။ ကျုပ်ကတော့ စားပြီးသောက်ပြီးကတည်းက အခုထိ ဘာမှမဖြစ်တော့ ဘာပြန်ပြောရမှန်းမသိဘူး။ ဒါနဲ့ “ဟုတ်ကဲ့၊ ကျေးဇူးပါပဲ ဘဘကြီး” ပြောပြီး ဘုရားနဲ့ ရောပြီး ဦးသုံးကြိမ်ချ၊ ဘုရားပေါ်က ပြန်ဆင်းခဲ့ကြတယ်။ အိမ်လဲရောက်ရော။ ကျုပ်ဗိုက်တွေ အောင့်လာလိုက်တာ မပြောနဲ့တော့။ ဒါနဲ့ အိမ်သာထဲအမြန်ဝင်ပြီး ရှောချလိုက်ရတယ်။ ကြည့်လိုက်တော့ အရောင်အဆင်းတွေက သစ်ရွက်စိမ်းတွေလို စိမ်းဖန့်ဖန့်နဲ့။ အစားအစာတွေထဲမှာလဲ စိမ်းစေတဲ့ဟာဆိုလို့ တစ်ခုမှ မတွေ့မိဘူး။ ဒါနဲ့ ဘဘကြီးစကားကို သတိရလိုက်မိတယ် “အစိမ်းရောင်နဲ့ ကျလာရင် ဘာမှမဖြစ်တော့ဘူး” ဆိုတာ။ ကျုပ်လဲ အဲဒီကျမှ စိတ်တွေ ဘာတွေချပြီး “ဟင်း”ကနဲ အသံပြုနိုင်တော့တယ်။ အဲဒီနောက်တော့ ချိုတူးအသံကြားရင် ကြက်သီးတွေ ဘာတွေတောင် ထမိတဲ့အထိ လန့်တန့်တန့်ဖြစ်သွားလေရဲ့ဗျား။ တကယ်လို့များ ဆရာကြီးနဲ့သာ မတွေ့ခဲ့ရရင် ကျုပ်ဘ၀ဘာဖြစ်မလဲ မတွေးရဲဘူး။ ပြန်စဉ်းစားမိတိုင်း အစိမ်းရောင်တွေပဲ မြင်ယောင်နေမိသေးတော့။

အဲဒါ ကျုပ်တကယ်ဖြစ်ခဲ့တဲ့ ဇာတ်လမ်းတိုလေးပါ။ ဒါမျိုးတွေက ကျုပ်တို့ဆီတင်မဟုတ်ဘူး၊ တစ်ကမ္ဘာလုံး နေရာအနှံ့ရှိနေတာကလား။ ဒီနေ့အင်တာပေါ်က AFP သတင်းတစ်ပုဒ်ထဲမှာ ထူးထူးဆန်းဆန်း သတင်းတစ်ပုဒ်ဖတ်လိုက်ရတယ်။ ကျုပ်တို့ ဘောလုံးသူရဲကောင်းကြီး စီရိုနယ်ဒို (ဒိုလေး)ရဲ့ ဇာတ်ကွက်လေးပါ။ ကျုပ်က မန်ချက်ပရိတ်သတ်။ ဒိုလေးမန်ယူမှာရှိတုန်းကတော့ သူက ကျုပ်တို့မန်ဖန်းတွေရဲ့ သူရဲကောင်းကြီးပေါ့။ အခုရီးယဲရောက်သွားတော့ ကျုပ်တို့သူရဲကောင်းမဟုတ်တော့ဘူး။ ဒါပေမဲ့ သူပါတဲ့ပွဲဆို မရမကရှာဖွေ ကြည့်ရှုနေရတုန်း။ သူက ဘောဝိဇ္ဇာကြီးမဟုတ်လား။ ဘောလုံးမှော်အောင်ထားသလားမှတ်ရသဗျား။ တော်လိုက်ပုံများ။ အကန်ကောင်း၊ အသွင်းကောင်း၊ အပြေးကောင်း၊ အလိမ်အခေါက်နဲ့ ဖရီးကစ်မှာတော့ ရှားမှရှား၊ အိုင်တင်ကောင်း၊ ရုပ်ဖြောင့်၊ အသက်ငယ်၊ ပိုက်ဆံပေါ၊ ကမ္ဘာ့နံပါတ်တစ်ဘောလုံးသမား။ ကဲ ဘာပြောစရာကျန်သေးလဲ။ အားလုံးပြည့်စုံနေတဲ့ သတ္တ၀ါလေးတစ်ကောင်ဖြစ်နေပြီ။

ဒါပေမဲ့ နောက်မှာပြဿနာလေးတွေနဲ့။ အချစ်ပြဿနာ။ မိန်းမချောလေးတွေကို ပခုံးဖက်ပြီး ဓာတ်ပုံအရိုက်ခံလေ့ရှိတဲ့ ဒိုလေးခမျှာ အခုတော့ သူ့အချစ်ကို မရရှာတဲ့ နိုင်ငံခြားက သူဌေးမလေးတစ်ယောက်ရဲ့ ပြုစားချက်ကို ခံနေရရှာပါသတဲ့။ ဖြစ်ပုံက ဒီလို ဒီလို----

Pepe လို့ နာမည်ပြောင်ပေးထားတဲ့ စပိန်အောက်လမ်းဆရာ (Spaniard Sorcerer) ကို နိုင်ငံခြားသူ သူဌေးမလေးတစ်ယောက်က ယူရို တစ်သောင်းခွဲ (၁၅၀၀၀) နဲ့ ငှါးပြီး ဒိုလေးရဲ့လက်ရှိအလုပ်အကိုင်ပျက်စီးအဆုံးသတ်သွားအောင် ပြုစားစေတယ် လို့ Correio da Manha daily သတင်းစာက ရေးသားပါတယ်။ အောက်လမ်းဆရာ Pepe ဟာ အနက်ရောင်ဖယောင်းရုပ်တုတစ်ခုအပေါ် ဒိုလေးနာမည်တွေ ရေးခြစ်ပြီး ဥုံဖွလုပ်လိုက်တဲ့အခါမှာ ဒိုလေးခမျှာ ရုတ်တရက်ဆိုသလို ခြေမျက်စီဒဏ်ရာ ရသွားရှာ ဆိုပဲ။ နောက်ပြီး အောက်လမ်းဆရာကလဲ အဲဒီကိစ္စကို သူပြုလုပ်ပါကြောင်း ၀န်ခံသတဲ့။ ဘာကြောင့်ဒီလုပ်ရသလဲ-လို့ မေးတဲ့အခါကျတော့---

“သူ (သူဌေးမ)က ကျုပ်ကို ရိုနာဒိုရဲ့ အလုပ်အကိုင်ပျက်စီးအောင်လုပ်ဖို့ ပိုက်ဆံပေးထားတယ်၊ ကျုပ်က အဲဒါကို ဆောင်ရွက်နေတယ်” လို့ သတင်းထောက်တွေကို ပြန်ပြောပါတယ်။ နောက်ပြီး---
"It's a job, I have nothing against him personally, but I'll see it through."
“ဒါ အလုပ်ကိစ္စလေ၊ ကျုပ် ရိုနာဒိုနဲ့ ပုဂ္ဂိုလ်ရေးအရ ဘာပြဿနာမှ မရှိပါဘူး၊ ဒါပေမဲ့ ကျုပ်ကတော့ ဒီကိစ္စကို နောက်ဆုတ်မှာ မဟုတ်ဘူး” လို့ ဆက်ပြောပါသေးတယ်။

အဲဒီလို တစ်ဘက်မှာ ရိုနာဒိုကို လုပ်ကြံတဲ့ မှော်ဆရာတစ်ယောက်ရှိနေသလို အခြားတစ်ဘက်မှာတော့ သူ့ကို ကယ်တင်မည့် မှော်ဆရာတစ်ယောက်လည်း ရှိနေပြန်တယ်-လို့ အခြားသတင်းစာတစ်စောင်ဖြစ်တဲ့ The daily 24 Horas မှာ ရေးသားထားပါတယ်။ "Sorcerer Fafe" လို့ လူအသိများတဲ့ Fernando Nogueira ဟာ ဒိုလေးသတင်းတွေ ကြားသိရပြီးနောက် ဒိုလေးနဲ့ နီးစပ်သူတစ်ယောက်ဆီကတစ်ဆင့် ဒီကိစ္စကို သူဖြေရှင်းပေးမယ်။ ဒီစပိန်မှော်ဝိဇ္ဇာဆိုတဲ့ အောက်လမ်းဆရာကို တန်ပြန်တိုက်မယ်-လို့ ဒိုလေးကို ပြောလိုက်ပါသတဲ့။ အဲဒီနောက် ဆရာ Fafe ဟာ ဒိုလေးဓာတ်ပုံအနီးမှာ ဆေးဖရောင်းတိုင်တွေထွန်းပြီး မန်းမှုတ်ရင်း ဒီကိစ္စသာ အမှန်တကယ်ဆိုရင် သူတို့လုပ်ထားတဲ့ ဒီလုပ်ကြံမှုကြီးဟာ အဆုံးသတ်သွားမှာပါ-လို့လဲ အာမခံလိုက်သေးတယ်။

ဒိုလေးကတော့ လာမည့်စနေနေ့မှာ ဟန်ဂေရိနဲ့ ချဲရမည့် ကမ္ဘာ့ဖလားခြေစစ်ပွဲမှာ သူ့နိုင်ငံအနိုင်ရဖို့အရေးတွေးပြီး စိတ်ပူနေရှာပါတယ်။ ဒါပေမဲ့ အချိန်မီ သူ့ခြေမျက်စိဒဏ်ရာပျောက်သွားလိမ့်မယ်လို့လဲ မျှော်လင့်နေရှာပါတယ်။ အခုတော့ ဘောဝိဇ္ဇာကြီး ရိုနာဒိုခမျှာ ပယ်သူနဲ့ ကယ်သူ မှော်ဆရာနှစ်ယောက်အကြား အလန့်ထညက်ဘ၀နဲ့ အသက်ရှုနေရပါသေးတယ်။ ကဲ ဘယ်သူနိုင်မလဲ ဆက်ကြည့်ကြရသေးတာပေါ့။

ကံနှင့် လုလ္လ


န ကမ္မမပိ သဉ္စိန္တျ၊
စဇေ ဥယျောဂမတ္တနော။
အနုယောဂေန တေလာနိ၊
တိလေဟိ န သက္ကာ လဒ္ဓုံ။
(ပဉ္စတန္တရ)

ကံကိုချည်းသာ၊ ယုံကိုးပါ၍၊
လုလ္လကိုလွယ်၊ စွန့်မပယ်နဲ့၊
လုလ္လမထန်၊ အပျင်းသန်လျှင်၊
နှမ်းဆံမှလျှက်၊ ဆီမထွက်ဘူး။
(ရှေးအဆုံးအမ)

မှတ်ချက်။ က၀ိဒပ္ပဒီပနီတွင် သဉ္စိန္တျ နေရာ၌ စိန္တေတွာ-ဟုရှိသည်။

လူမိုက်နဲ့ ပညာ


ဝါလိကာဒီဟိ တေလာဒီနိ ၀ိယ
အညတော အန္ဓဗာလတော ပညာ နာမ န လဗ္ဘတိ။
(သ၊သံ၊ဋ္ဌ၊ သတုလ္လပကာယိက၀ဂ္ဂ၊ သဗ္ဘိသုတ္တ)

သဲကျောက်ဆီညှစ်၊ မရလစ်သို့၊
လူညစ်လူမိုက်၊ လူအမှိုက်မှ၊
သမိုက်ဝေါဟာ၊ မြတ်ပညာကို၊
ဘယ်ခါထုတ်ညှစ်၊ မရလစ်ဘူး။
(အဋ္ဌကထာဆရာ)

ပညာဆိုတာ


ပညာ နာမ န ပစိတွာ ခါဒနတ္ထာယ ကတာ၊
အထ ခေါ ၀ိစာရဏတ္ထာယ ကတာ။
(ဓမ္မပဒဋ္ဌကထာ၊၁၊ကုဏ္ဍလကေသီထေရီဝတ္ထု)


“ပညာဆိုတာ ချက်ပြုတ်စားသောက်လို့ ရတဲ့အရာမဟုတ်ဘူး၊
သူ့အလုပ်က စိစစ်ဝေဘန် ပိုင်းခြားဖို့ပဲ”
(သူဌေသမီး ကုဏ္ဍလကေသီ)


ပါးစပ်ရဲ့တာဝန်



မုခံ နာမ ဘုဉ္ဇနတ္ထာယ စ ကထနတ္ထာယ စ ကတံ၊
(ထေယျစိတံ္တ ပန ၀ိနာ အ၀ဟာရော နတ္ထိ။)
(၀ိ၊ဋ္ဌ၊၁၊ဒု၊ပါ)

“ပါးစပ်ဆိုတာ စားသင့်တာ စားဖို့နဲ့ ပြောသင့်တာပြောဖို့ ဖန်တီးပေးထားတာ၊
(ခိုးချင်စိတ်မရှိဘဲ ခိုးတယ်ဆိုတာ မရှိဘူး။)”
(အရှင်မဟာဗုဒ္ဓဃောသ)

တောင်စောင့်နတ်ရဲ့ သြဘာသံ


န ခေါ သဗ္ဗေသု ဌာနေသု၊
ပုရိသော ဟောတိ ပဏ္ဍိတော။
ဣတ္ထီပိ ပဏ္ဍိတာ ဟောတိ၊
တတ္ထ တတ္ထ ၀ိစက္ခဏာ။
(ဓမ္မပဒ၊ ကုဏ္ဍလကေသီဝတ္ထု)

နေရာတကာ၊ ကျားတို့သာလျှင်၊
ပညာဉာဏ်ရှိ၊ တတ်မြင်သိလိမ့်၊
မူယာနွဲ့ငြား၊ မိန်မများလည်း၊
ဉာဏ်အားကြီးမြင့်၊ တတ်ကြ၏ရှင့်။
(တောင်စောင့်နတ်)

Tuesday, October 6, 2009

ဆုချည်း တောင်းမနေကြနဲ့


အာယာစနဟေတု ၀ါ ပတ္ထနာဟေတု ၀ါ
ပဋိလာဘော အဘ၀ိဿ၊
ကော ဣဓ ကေန ဟာယေထ။
(အံ၊ ၅၊ မုဏ္ဍရာဇ၀ဂ္ဂ၊ ဣဋ္ဌသုတ္တ)

“ပါးစပ်နဲ့ဆုတောင်းနေရုံ စိတ်ထဲက တောင်းတနေရုံနဲ့
ကိုယ်လိုသမျှ ပြည့်စုံသွားမယ်ဆိုရင်
ဒီလောကမှာ ဆင်းရဲတဲ့လူဆိုတာ ဘယ်မှာ ရှိတော့မလဲ”
(မြတ်ဗုဒ္ဓ)

သူတော် သူယုတ် ကွာခြားချက်


ဂစ္ဆတံ ခလနံ ကွာပိ၊
ဘ၀တေယ်၀ ပမာဒေတာ။
ဟသန္တိ ဒုဇ္ဇနာ တတ္ထ၊
သမာဒဟန္တိ သဇ္ဇနာ။
(ပေါရာဏနီတိ)

“တစ်ရံတစ်ခါ တစ်နေရာရာမှာ အေးအေးဆေးဆေးလမ်းလျှောက်နေကြသူများသည်ပင်လျှင်၊
သတိချော်ပေါ့ မေ့လျှော့မှုကြောင့် ချွတ်ချော်တိမ်းပါး ရိုင်လဲသွားရသည်များ ရှိတတ်ချေသေး၏။
ယင်းသို့ သူတစ်ပါးတို့၏ မခိုင်တိမ်းပါး ချော်လဲသွားသည်ကို မြင်ရသောအခါ
ကိုယ်ချင်းမစာ သူယုတ်မာတို့သည် မညှာထောက်တွေး ရယ်သွမ်းသွေးကြကုန်၏။
ကိုယ်နှင့်တိုင်းတာ နှိုင်းယှဉ်ရာဟု အသိမှတ်ပြုတောင်း သူတော်ကောင်းတို့သည်ကား
အမြန်ပြေးသွား အလေးထားလျှက် ကူညီဖေးမ ထူပေးကြကုန်၏။
(ရှေးဟောင်းဆုံးမစကား)

ကျေးဇူးမသိတတ်သူ


အကတညုဿ ပေါသဿ၊
နိစံ္စ ၀ိဝရဒဿိနော။
သဗ္ဗံ စေ ပထ၀ိံ ဒဇ္ဇာ၊
နေ၀ နံ အဘိရာဓယျေ။
(ဗုဒ္ဓ)

“သူတစ်ပါး၏ ကျေးဇူးကို မသိတတ်သော၊
ချို့ယွင်းချက်ကိုသာ အမြဲရှာလေ့ရှိသော လူသည်၊
တစ်မြေပြင်လုံးကို ပေးသော်လည်း၊
ကျေနပ်နှစ်သက်မှု မရှိတတ်ပေ”
(မြတ်ဗုဒ္ဓ)

အရိပ်နေနေ အခက်ခြိုးခြိုး


ယဿ ရုက္ခဿ ဆာယာယ၊
နိသီေဒယ် သေယယ် ၀ါ။
န တဿ သာခံ ဘဉ္ဇေယျ၊
မိတ္တဒုဗ္ဘော ဟိ ပါပကော။
(ပေါရာဏနီတိ)

“အကြင်သစ်ပင်၏ အရိပ်အောက်တွင်
ထိုင်မူလည်းထိုင်စေ၊ အိပ်မူလည်း အိပ်စေ။
ထိုသစ်ပင်၏ အကိုင်းအခက်ကို မခြိုး မဖျက်ရာ။
အကြောင်းမူကား မိတ်ဆွေကိုဖျက်ဆီးခြင်းသည်
ယုတ်ညံ့သောအမှုဖြစ်သောကြောင့်တည်း”
(ရှေးဟောင်းဆုံးမစာ)

Saturday, October 3, 2009

အနတ္တခရီးသည်


တစ်ဝါကျွတ်ပြန်ပေါ့
မကျွတ်သေးတာကတော့
ငါ့အမြင်နဲ့ ငါ့အတ္တ
ဘယ်တော့များကျွတ်မလဲ
အမြင်မှန်သမျှ
အတ္တကို ပေတံပြု
တိုင်းတာမှုသီဝရီ
ဆယ်စုနှစ်ပေါင်း ချီခဲ့ပြီ။

အနတ္တဆိုတဲ့ စကား
စာထဲက အမှန်တရားလား
ကြားဖူးနေတာ ကြာပြီ
ငါဘယ်လို နားလည်လဲ မသိသေး။

အတ္တကို ခွါဖို့အတွက်
အနတ္တကို ရှာလို့ထွက်ခဲ့ရင်း
လမ်းတစ်လျှောက်မှာ
တွေ့တာတွေကတော့
အနတ္တမဟုတ်
အတ္တရုပ်တွေချည်းပါပဲ။

ငါလဲ အတ္တရုပ်
သူလဲ အတ္တရုပ်
ကိုယ့်အတွက်ပဲ စဉ်းစား
ဒါနဲ့ပဲ အချင်းများနေကြတယ်။

အနတ္တကို မြင်ဖို့
အတ္တကို ကြဉ်မှဖြစ်မယ် တဲ့
ဒါပေမဲ့
ရင်က အမြစ်တွယ်တဲ့ အတ္တ
အနတ္တကို လက်ခံပါ့မလား?

ရုပ်နဲ့ နာမ်
အာရုံနဲ့ အာရုံသိစိတ်
အတိတ်နဲ့ ပစ္စုပ္ပန်
နောင်လာမည့် အနာဂတ်
ဒါတွေအားလုံးဟာ
အတ္တမဟုတ်
အနတ္တပါပဲရယ်လို့
ဉာဏ်အမြင်စူးရှ
အလင်းမရမချင်းတော့
ငါ့ရဲ့အနတ္တခရီးစဉ်ဟာ
အတ္တလမ်းပေါ်မှာ
လျှောက်လှမ်းနေရဦးမှာပဲ။


Friday, October 2, 2009

သီတင်းကျွတ် အမှတ်တရ


ကျွတ်ပြန်ပြီ၊ သီတင်းပြောပါတယ်။ သီတင်းကျွတ်ပြီဆိုတော့ ငယ်စဉ်တောင်ကျေး ကလေးဘ၀က ရွာမှာပျော်ခဲ့တာတွေ ပြန်သတိရမိပါရဲ့။ သတိရမိဆုံးကတော့ ကျနော့်ညာဘက်လက်ခလယ်ထိပ်က ဒဏ်ရာပါပဲ။ အဲဒီဒဏ်ရာကို ကြည့်မိတိုင်း သီတင်းကျွတ်ကာလကို သတိရမိတယ်။ ဘာလို့လဲဆိုတော့ သီတင်းကျွတ်မှာ လက်ကမျင်းကြောထပြီး ဗျောက်ထုတာ၊ ဘာပြောကောင်းမလဲ၊ မသေတာ ကံကောင်း။ ဖြစ်ပုံက ဒီလို။

“ဟေ့ကောင် အေးနိုင်၊ ငါထီးရိုးတစ်ချောင်း ရထားတယ်ကွ၊ မင်းမှာ သစ်သားမီးခြစ်ဗူးရှိလား”
“အာ--မင်းကလဲ ကြံကြံဖန်ဖန်၊ ငါက ဆေးလိပ်သောက်တဲ့ကောင်မှ မဟုတ်တာ၊ ဘယ်ကလာ မီးခြစ်ဗူးရှိရမှာလဲ၊ နေပါဦး၊ မီးခြစ်ဗူးက ဘာလုပ်မလို့လဲဟ?”
“ဘာလုပ်ရမလဲ ကောင်ရ၊ ဗျောက်အိုးလုပ်မလို့ပေါ့ကွ၊ မင်းကလဲ ထီးရိုးရထားပါတယ်ဆိုမှ၊ ဘာလုပ်မလို့လဲ မေးနေရသေးလား၊ သီတင်းကျွတ်ပီလေကွာ၊ ဗျောက်လုပ်မှာပေါ့။ အဲဒါ မီးခြစ်ဗူးလိုနေလို့ကွ”
“ငါ့မှာတော့ မရှိဘူး မင်းမင်း၊ မရှိလဲ ဆိုင်မှာတော့ ရှိမှာပေါ့ကွ၊ သွားဝယ်ကြမယ်လေ၊ မင်းမှာ ပိုက်ဆံရှိတယ်မို့လား”
“နည်းနည်းတော့ ရှိတယ်ကွ၊ အမေ့အိပ်ကပ်ထဲက နှိုက်ထားတာ။ သိရင်တော့ အဆော်ခံရဦးမှာ၊ လာကွာ--သွားကြစို့”

ဒီလိုနဲ့ သူငယ်ချင်းအေးနိုင်နဲ့ ကျနော် သစ်သားမီးခြစ်ဗူးရှာပုံတော်ဖွင့်ဖို့ မောင်းမကန်ရွာလယ်ခေါင်က လမ်းဆုံဘက် ထွက်လာခဲ့ကြတယ်။ လမ်းဘေး ကွမ်းယာ ဆေးလိပ်စတဲ့ ဗျုတ်စဗျင်းတောင်းလေးတွေရောင်းတဲ့ ဆိုင်တစ်ဆိုင်မှာ မီးခြစ်တစ်ဗူး တစ်မတ်နဲ့ဝယ်ပြီး နှစ်ယောက်သားအိမ်ပြန်လာခဲ့ကြတယ်။ အိမ်ပြန်ရောက်ရောက်ချင်း အိမ်ပေါ်တက်ပြေး၊ ရဲဒင်းတစ်ချောင်းယူပြီး အောက်မှာစောင့်နေတဲ့ အေးနိုင်ဆီ ပြန်ပြေးဆင်းလာရင်း လှေခါးထစ်ပေါ်ကနေ “ဟေ့ကောင်း အေးနိုင်၊ ငါတော့ အတော့်ကို ဖေါက်ချင်နေပြီကွာ၊ မြန်မြန်လုပ်ရအောင်ဟေ့”။ အောက်ရောက်တော့ ပြောရင်းဆိုရင်းနဲ့ ကျနော့်လက်ထဲ ကိုင်ထားတဲ့ ရဲဒင်းအသွားနဲ့ ထီးရိုးကို အနားရှိတဲ့ ကျောက်တုံးပေါ်တင်ပြီး လက်သုံးဆစ်လောက်ဖြတ်လိုက်တယ်။

“အေးနိုင်၊ မင်းဗျောက်မလုပ်ဖူးဘူးမို့လား”
“မလုပ်ဖူးပါဘူး၊ မလုပ်တတ်ရင် အန္တရာယ်ရှိတယ်ကွ၊ ငါတော့ ခပ်ကြောက်ကြောက်ပဲ”
“ကြောက်စရာမလိုပါဘူးကွ၊ လွယ်လွယ်လေးပဲဟာ၊ ထီးရိုးဖြတ်၊ မီးခြစ်ဆံယမ်းတွေထည့်၊ ပြန်ပိတ်၊ ဗျောက်အိုးဖြစ်တာပဲကွ၊ ဘာခက်လို့လဲ”
“ပြန်ပိတ်တဲ့အခါ ဂရုစိုက်ပိတ်ရတယ်လို့်တော့ အကိုဝင်း ပြောဖူးတယ်ကွ၊ သူတော့ လုပ်လုပ်နေတာပဲ”

ကျနော်တို့နှစ်ယောက် ဆောက်ကျောက်ထိုင် စကားပြောရင်း ဖြတ်ထားတဲ့ တစ်ဖက်ပိတ်ထီးရိုးထဲ မီးခြစ်ဆံယမ်းတွေ သိပ်ထည့်လိုက်တယ်။ ပြည့်လုပြည့်ခင်ရောက်တော့ “ကဲ---ဟေ့ကောင်ရေ့၊ ပိတ်တော့မယ်နော်၊ သတိထား” လို့ပြောပြီး ကျောက်တုံးပေါ် အသာတင်ပြီး ရဲဒင်းနှောက်နဲ့ တစ်ချက်ချင်း တစ်ချက်ချင်း ပိတ်ထုလေး ထုလိုက်တယ်။ လေးငါးချက်လောက်ထုပြီးတဲ့အခါကျတော့ အပေါက် ပိတ်လုလုဖြစ်နေပြီ။ ကျနော်လဲ နောက်ဆုံးတစ်ချက် အပြီးပိတ်မယ်ဆိုတဲ့ ရည်ရွယ်ချက်နဲ့ ခပ်ပြင်းပြင်းလေး အားအနည်းငယ်ထည့်ကာ ထုလိုက်မိတယ်။

“၀ုန်း”
အလွန်ပျင်းထန်တဲ့ ပေါက်ကွဲသံကြီးတစ်ချက်မည်သွားပြီး ကျနော့်လက်တစ်ဘက်လဲ အပေါ်မြောက်တက်သွားတယ်။ အေးနိုင်လဲ အူကြောင်ကြောင်ဖြစ်ပြီး ကျနော့်ကို ကြည့်နေတယ်။ ယမ်းငွေ့တွေလဲ ကျနော်တို့နှစ်ယောက်အကြား တလူလူ လွင့်လို့။ ခဏကြာတော့ အေးနိုင်က ထအော်တယ်။ “သွေးတွေ၊ သွေးတွေ၊ ဟေ့ကောင်မင်းမင်း---မင်းခေါင်းပေါ်မှာ သွေးတွေ အားကြီးပဲကွ” တဲ့။ ကျနော်လဲ အဲဒီတော့မှ သတိပြန်ဝင်လာတယ်။ နောက်ဆုံးတစ်ချက်အထုမှာ သံဗျောက်အိုးဟာ ကျနော့်လက်ထဲမှာတင် ပေါက်ကွဲသွားတယ်ဆိုတာ သိလိုက်တယ်။ အဲဒီတော့မှ မြောက်တက်သွားပြီး ခေါင်းပေါ်ရောက်နေတဲ့ လက်ကို အသာပြန်ရုပ်သိမ်းလိုက်မိတယ်။ ညာလက်တစ်ဘက်လုံးထုံကျဉ်ကျဉ်ဖြစ်နေပြီ။ ထိခိုက်ကာစမို့ နာကျင်တဲ့ဝေဒနာမခံစားရသေး။ ဒါပေမဲ့ သွေးတွေတော့ လက်တစ်ဘက်လုံးရွှဲနစ်နေပြီ။

“မင်းမှာ ထိသွားသေးလား အေးနိုင်”
အစတုန်းကလို လေသံမှာ အားမပါတော့။ ကိုယ့်ကိုယ်ထိခိုက်သွားပြီဆိုတဲ့ အသိက နောက်ဆက်တွဲ ဖြစ်ပေါ်လာမည့် အကျိုးဆက်တွေကို စဉ်းစားရင်း အားချိလာတယ်။ အမေသိရင် အရိုက်ခံရဖို့ ရာခိုင်နှုံးတစ်ရာအပြည့်။ တော်သေးတယ်၊ အဖေ အလုပ်ထွက်သွားလို့။ အဖေရှိရင်တော့ ကြက်မွေးတစ်ယောက် တစ်ချောင်းဆီကိုင်ပြီး အမေတစ်လှည့် အဖေတစ်လှည့် ဆော်မှာ ကျိမ်းသေ။

“ငါ့မှာတော့ ပြင်းပြင်းထန်ထန် ဘာမှမထိပါဘူးကွ၊ ခြေထောက်တော့ နည်းနည်းပွန်းသွားတယ်” အေးနိုင် အဖြေပေးတယ်။
“အေးကွာ၊ သတိထားလုပ်တဲ့ ကြားထဲကဖြစ်သွားတာကွ၊ အမေသိရင် ထပ်အရိုက်ခံရဦးမှာ” တွေးရင်း ကျနော် စိတ်ပူလာတယ်။ စိတ်ပူပါတယ်ဆိုမှ အေးနိုင်ဆိုတဲ့ ကောင်က “မင်းအမေသိရင်တော့ မလွယ်ဘူးကွ”တဲ့။ မကြာပါဘူး၊ အမေအပြင်က ပြန်လာတော့ သူ့သားလူဆိုးလေး ကျနော့်အဖြစ် ကြည့်ပြီး သနားရမည့်အစား ကြက်မွေးတစ်ချောင်းကိုင်ပြီး ဆော်ပလော်တီးတော့တာပဲဗျို့။ ၀အောင် ရိုက်ပြီးမှ လက်က ဒဏ်ရာကို ရေနွေးနဲ့ ဆေးပြီး ဆေးထည့်ပေးတယ်။ အိမ်မှာ လိုရမည်ရဆောင်ထားတဲ့ အရက်ပျံတစ်ဗူးရှိလို့ တော်သေးတယ်။ အမေက အရက်ပျံကို ဂွမ်းနဲ့တို့ပြီး ကျနော့်လက်လဲ ထိလိုက်ရော---“အား ရိုးရိုး၊ စပ်တယ်ဗျာ့၊ စပ်တယ်ဗျာ့”။ ဟန်ဆောင်ပြီး အောင့်ထားလို့မနိုင်တော့။ အားရပါးရ အော်ပစ်လိုက်ရတယ်။

“အေး အေး၊ နောက်တစ်ခါ လုပ်ဦးလေ ဗျောက်အိုး၊ နောက်တစ်ခါ လုပ်ရင် မင်းအသက်ပါထွက်ပြီမှတ်”တဲ့။ အမေပေးတဲ့ ၀ါနင်ပါ။ ကျနော်လဲ ထပ်အရိုက်ခံနေရမှာ စိုးလို့ အသာကျိတ်မှိတ်ပြီး ခံနေလိုက်ရတယ်။ ညာဘက်လက်ခလယ်ရဲ့ ထိပ်မှာ သုံးစိပ်ကွဲထွက်သွားတယ်။ တော်သေးတယ်၊ ဗျောက်အိုးက လူကို တိုက်ရိုက်မမှန်လိုက်လို့၊ လူကိုသာမှန်လို့ကတော့ ခင်ဗျားတို့ ဟောဒီအလင်းတန်းဘလော့ကို ဖတ်ခွင့်ရဖို့ မလွယ်ဘူး။ အဟဲ။ တကယ်ပြောပါတာဗျာ့။ သံဗျောက်ဆိုတော့ ပေါက်ကွဲအားက ကျည်ဆံလိုပဲ၊ အားပြင်းတယ်။ ဒီလိုနဲ့ လက်ထိပ်က ကျနော့်ဒဏ်ရာလေး အိမ်ရှိတဲ့ ဆေးမြီးတိုလေးတွေထည့်လိုက်၊ ရွာရှိဆေးခန်းကပေးတဲ့ ဒိတ်လွန်ဆေးတွေ စားလိုက်နဲ့ တစ်ပတ်လောက်လဲ ကြာရော ညိုပုတ်ပုတ်ကြီးဖြစ်လာရော့ဗျို့။ အဲဒီကျမှ ရွာကဆေးဆရာက “မင်းလက် အခြေအနေမကောင်းဘူးကွ၊ ငါ့အထင် မေးခိုင်ပိုးများဝင်နေလား မသိဘူး၊ မြို့ပေါ်က ဆေးရုံသွားရင် ပိုကောင်းမယ်ထင်တယ်” တဲ့။

အမေလဲ ဆရာပြောတဲ့ အတိုင်း ကျနော့်ကို ခေါ်ပြီး ထားဝယ်မြို့ပေါ်ဆေးရုံသွားရရှာတယ်။ ဟိုရောက်တော့ ဆရာဝန်ကြီးက စစ်ဆေးပြီး ဆေးရုံတက်ဖို့ပြောပါလေရော့။ ဒါနဲ့ ဆေးရုံတက်လိုက်ရတယ်ဆိုပါတော့။ တက်ရရုံတင်မကဘူး။ မေးခိုင်ကာကွယ်ဆေး ကိုးလုံးလောက်ထိုးပြီး အော်ပရေးရှင်းပါဝင်လိုက်ရသေးတယ်။ ဆေးရုံမှာ ရက်နှစ်ဆယ်လောက်နေပြီး သက်သာမှ ပြန်ဆင်းလာရတယ်။ အမေ့ခမျှာ ကျနော်ကမျင်းလို့ ပိုက်ဆံကုန်လိုက်တာလဲ သောက်သောက်လဲပဲ။ တွေးရင်းတွေးရင်း အမေ့ကို တော်တော်သနားမိတယ်ဗျာ။ ဖြစ်ပုံကတော့ အဲဒါပါပဲ။ ကျနော့်ဘ၀မှာ မမေ့နိုင်တဲ့ သတင်းကျွတ်သင်ခန်းစာလေးပေါ့။ အဲဒီနောက်တော့ ဗျောက်အိုးလုပ်ခြင်းကိစ္စကို ကျနော် စိတ်မ၀င်စားရဲတော့ဘူး။ အမေ့ကို ထပ်ပြီး ဒုက္ခမပေးချင်တော့လို့လေ။ ဒါပေမဲ့ ၀ါသနာအရ မီးပုံပျံတော့ စပ်သေးသဗျာ့။ အော် သီတင်းကျွတ်၊ သီတင်းကျွတ်၊ လွမ်းမိချေသေးတော့၏ သီတင်းကျွတ်ရယ်။