“အတော်အတဲ့ ကောင်မလေးပဲ”
ကျနော့်သူငယ်ချင်းက ပုသိမ်ဘက်က င်္ဘောစီးပြီး ပြန်ရောက်လာတဲ့ သူ့အသိတစ်ယောက်ကို ပြောလိုက်တယ်။ အဲဒီလူက ပြန်ပြောတယ်။ “ကိုယ့်လူလဲ၊ ခံရတာက ကိုယ်ပါဟ”။
ကျနော့်သူငယ်ချင်းက ကွတ်လိုက်တယ်။ “မင်းမို့ ပြောတာပေါ့။ ဒီလောက်အတဲ့ မင်းလိုလူကို ဘာတို့ဆေးမှကို သုံးစရာမလိုဘူး၊ မင်းက တို့ဆေးမလိုပဲနဲ့ မွေးရာပါ အနေတဲ့ကောင်ပဲဟာ”။
ကျနော့်သူငယ်ချင်းဆိုတဲ့လူကလဲ လူတစ်ဘက်သားကို ရစရာမရှိအောင်ပြောတတ်တဲ့လူတွေ ၀န်ကြီးချုပ်ရာထူး ရကျေးဆိုရင် ရမည့်လူမျိုး။ အခုမှ ခရီးက ပြန်ရောက်လို့ သင်္ဘောပေါ်မှာ ကြုံခဲ့ရတဲ့ သူ့ဖြစ်အပျက်ကို ပြန်ဖေါက်သည်ချရင်း စိတ်မကောင်းဖြစ်နေရှာတဲ့လူကို အထက်ပါအတိုင်း အားပေးစကားပြောလိုက်သေးတယ်။ သူ့အဖြစ်ကလဲ ရယ်စရာ။
ပုသိမ်ကနေ ရန်ကုန်ဘက် သင်္ဘောစီးပြီးအပြန်၊ သင်္ဘောအပေါ်မှာ ကောင်မလေးတစ်ယောက်က သူ့ကို အကို ရှူဆေးယူမလား လို့မေးသတဲ့။ သူကလဲ ကောင်မလေးကို စမြင်ကတည်းက နှာနဲနဲစေးချင်နေတဲ့ကောင်ဆိုတော့ ကောင်းတာပေါ့ဗျာလို့ ပြောပြီး ကောင်မလေးလက်ထဲက ရှုဆေးတောင့်ကို ယူပြီး ရှူလိုက်တာ ဆိပ်ကမ်းရောက်လို့တောင် ရောက်မှန်းမသိတော့ဘူးတဲ့။ အိပ်ပျော်သွား ဆိုပဲ။ ပြဿနာက အဲလောက်နဲ့ ပြီးမသွားသေးဘူး။ ဆိပ်ကမ်းရောက်တော့ သင်္ဘောဝန်ထမ်းတွေက လာနှိုးယူရတယ်။ နိုးနိုးချင်း အိပ်ထဲစမ်းကြည့်လိုက်တော့ ကုန်ပြီ။ အိပ်ထဲပါတဲ့ ပိုက်ဆံတွေ။ မှတ်ပုံတင်နဲ့ သူ့ကျောင်းသားကဒ်လောက်ပဲ ကျန်ရစ်တယ်။
အော် အတော်ကြောက်ဖို့ကောင်းတဲ့ လူတွေပဲ။ အဲဒီလိုအဖြစ်အပျက်မျိုးတွေကို မြန်မာပြည်မှာ မကြခဏဆိုသလို ကြားခဲ့ရဖူးတယ်။ အခု ကျနော်သတင်းလိုက်ဖတ်ရင်းနဲ့ AFP (Agence France-Presse) သတင်းတစ်ပုဒ်မှာ အဲဒီလို သတင်းမျိုးဖတ်လိုက်ရတယ်။ တစ်ကမ္ဘာလုံးမှာ ဒီလိုအဖြစ်အပျက်မျိုးတွေ ရှိနေတယ်ဆိုတာ သိစေချင်လို့ တင်ပြလိုက်တာပါ။
Uganda နိုင်ငံမှာ ဖြစ်ခဲ့တဲ့ အဖြစ်အပျက်လေးပါ။ ညငှက်လေးတွေနဲ့ ပျော်ပါးချင်ကြတဲ့ ငှက်မုဆိုးကြီးတွေ သူတို့ထောင်တဲ့ ပိုက်မှာ သူတို့ကိုယ်တိုင် အမိခံရတဲ့ သတင်း။ ညငှက်လေးတွေဟာ သူတို့ရဲ့ ရင်သားတွေမှာ chloroform (ခလောရဖော်မ်) လို့ခေါ်တဲ့ အရောင်မဲ့ မေ့ဆေးတစ်မျိုးလိမ်းထားကြသတဲ့။ သူတို့နဲ့ ပျော်ပါးတဲ့ ငှက်မုဆိုးတွေဟာ အဲဒီမေ့ဆေးကို ရှူမိကြပြီး ထုံးစံအတိုင်း ပထမဆုံးလုပ်ရမည့် လုပ်ငန်းစဉ်တွေမပြီးဆုံးခင်မှာပဲ ညငှက်လေးတွေရဲ့ ရင်ဘတ်ပေါ် အိပ်ပျော်သွားကြရှာတယ်။
အိပ်ယာကနိုးလာတဲ့အခါကျတော့ အရေမရ၊ အဖတ်မရ ပါသွားသမျှ ပိုက်ဆံတွေ ဘယ်ဆီလိုက်တောင်းရမှန်းမသိ၊ သူများကို တစ်ဆင့်ပြန်ပြောပြဖို့ကလဲ ရှက်စရာကြီးဆိုတော့ အတော်ဂွကြနေရ ဆိုပဲ။ အဲဒီကိစ္စကို ခြေရာခံလိုက်မိတာက Juliana Mukasa ဆိုတဲ့ သူခိုးမလေးကို ဖမ်းမိပြီးတဲ့နောက် စစ်ရင်းဆေးရင်းနဲ့ သူခိုးမလေးက ဖေါ်ကောင်လုပ်လို့ပေါ်သွားတာ။ အဲဒါကြောင့် ညငှက်လေးတွေနဲ့ ပျော်ပါးချင်တဲ့ ငှက်မုဆိုးကြီးတွေကို Uganda ပုလိပ်တွေက သတိပေးထားရသတဲ့။ ကိုယ့်နှာခေါင်းကို အနံ့ခံကောင်းအောင် သန့်ရှင်းထားဖို့။
CID (Criminal Investigations Directorate) စီအိုင်ဒီက ပြောရေးဆိုခွင့်ရှိသူ မစ္စတာ Fred Enanga က သူတို့တွေ့ရှိချက်နဲ့ ပတ်သက်ပြီးတော့ “ညငှက်လေးတွေဟာ အဲဒီမေ့ဆေးကို သူတို့ရင်ဘတ်တွေမှာ လိမ်းထားတတ်ကြပါတယ်။ သူတို့နဲ့ ပျော်ပါးဖို့လုပ်တဲ့လူတွေဟာ မကြာခင်မှာပဲ အဲဒီအနံ့ကို ရှူမိပြီး သတိမေ့သွားကြပါတယ်။ နိုးလာတော့ ရှိတာတွေအကုန်ပါသွားတဲ့အပြင် လူကိုလဲ ကိုယ်လုံးတီးချွတ်ထားတာ ခံကြရသေးတယ်” ပြောပါတယ်။ သတိထားရအောင်လို့ တင်ပြလိုက်တာပါ။
အင်္ဂလိပ်စာလေ့လာတဲ့ ညီအကိုမောင်နှမတွေအတွက် ကျနော်ဖတ်မိတဲ့ သက်ဆိုင်ရာသတင်းတွေထဲက အသုံးအနှုံးတွေကိုလဲ အလျှင်းသင့်သလို ဖေါ်ပြပေးဖို့ ရည်ရွယ်ထားပါတယ်။ ဒီသတင်းနဲ့ ပတ်သက်တဲ့ ဒီပို့စ်မှာတော့ အောက်ပါစကားလုံးတွေကို ဖေါ်ပြလိုက်ပါတယ်။
သတင်းပါ မီးနင်းများ
(၁) probe (n) = သေသေချာချာ စုံစမ်းစစ်ဆေးမှု၊
(၂) crack (v) = အဖြေရှာသည်၊
(၃) chloroform (n) = အရောင်မဲ့မေ့ဆေး၊
(၄) stripped (adj) = (အင်္ကျီစသည်) အချွတ်ခံရသော၊
(၅) sedatives (n) = အိပ်ဆေး/စိတ်ငြိမ်ဆေးများ၊
(http://uk.news.yahoo.com/18/20081128/tod-ugandan-men-warned-of-booby-trap-879dccc.html) ကို ကိုးကားတင်ပြပါသည်။
Metallica – Fight Fire with Fire (ပါဠိ)
-
Fight Fire with FireMetallicaပါဠိဘာသာပြန် – နတ္ထိ Writer(s): Lars Ulrich,
James Alan Hetfield, Clifford Lee Burton
1 day ago
No comments:
Post a Comment