ခေတ်သစ်သောရေယျ

ဒီရဟန်း ငါ့မိန်းမဖြစ်ရင်၊ ဒါမှမဟုတ် ငါ့မိန်းမဟာ ဒီရဟန်းလောက်လှရင် သိပ်ကောင်းမှာပဲ၊ လို့ မအပ်မရာကြံစည် တွေးတောမိလိုက်တဲ့ အခိုက်မှာပဲ ယောက်ျား အင်္ဂါကွယ်ပျောက်ပြီး မိန်းမဘ၀ရောက်သွား ရရှာတဲ့ သူကတော့ သောရေယျမြို့စားမင်းရဲ့သားတော်မောင် သောရေယျသူဌေးသားလေးပါပဲ။ မိဘက ကျိကျိတက်ချမ်းသာပြီး ဘ၀မှာ လိုချင်တာမှန်သမျှ တောင့်တတိုင်းရခဲ့တဲ့ သူဌေးသားဟာ အခုတော့လဲ အဲဒီတောင့်တမှုကြောင့်ပဲ ရှက်စဖွယ် ဘ၀ပြောင်းသွားရရှာပြီကော။ ဒါကြောင့်လဲ ဗုဒ္ဓဘုရားရှင်က အာသာယ ဒုက္ခိ္ခတာ ပဇာ= သတ္တ၀ါတွေဟာ လိုလားမှုဆိုတဲ့တဏှာကြောင့် ဒုက္ခရောက်ကြရတယ်၊လို့ ဟောတော်မူခဲ့တာ ထင်ပါရဲ့။

နောက်ပါ အခြံအရံပေါင်းများစွာလိုက်ပါပြီး သိပ်ချစ်တဲ့သူငယ်ချင်းတစ်ယောက်နဲ့အတူ ရေချိုးဆိတ်သွားဖို့အတွက် လှည်းယာဉ်ပေါ်အခန့်သားထိုင်လိုက်လာရင်း မြစ်ဆိတ်မှာ အရင်ရောက်နှင့်ပြီး မြို့ထဲဆွမ်းခံကြွမ၀င်ခင် ရေသပ္ပါယ်တော်မူနေတဲ့ ရဟန္တာအရှင်မြတ် အရှင်မဟာကစ္စာယနကို မြင်လိုက်မိတာနဲ့ အထက်မှာပြောခဲ့တဲ့အတိုင်း မအပ်မရာကြံလိုက်မိတယ်။ အလွန်အင်မတန် သီလဂုဏ်ကြီးမားတဲ့ ရဟန္တာလို ပုဂ္ဂိုလ်မျိုးကိုမှ သွားပြီး မနောကံနဲ့ ပြစ်မှားမိရှာတယ်။ ချက်ချင်းပဲ ယောက်ျားဘ၀ကနေ မိန်းမဘ၀ရောက်သွားရတယ်။

ကိုယ်အခြေအနေကို သိလိုက်တာနဲ့ လှည်းယာဉ်ပေါ်က အသာဆင်းလိုက်ပြီး တက္ကသိုလ်ပြည်သွားတဲ့ လှည်းယာဉ်တန်းနောက် တကောက်ကောက်လိုက်သွားတယ်။ ဒီလိုနဲ့ တက္ကသိုလ်မြို့(အခုပါကစ္စတန်နိုင်ငံအတွင်းရှိသည်၊ တက္ကသျှီလ ဟုခေါ်သည်။) ရောက်တော့ လှည်းသမားတွေက ဇနီးမရှိသေးတဲ့ တက္ကသိုလ်သူဌေးသားကို အကြောင်းကြားလို့ တက္ကသိုလ်သူဌေးသားနဲ့ ညားသွားတယ်။ အဲဒီမှာ ကလေးနှစ်ယောက်မွေးပြီးနောက် တက္ကသိုလ်ကို ခေတ္တအလည်ရောက်လာတဲ့ သူ့သူငယ်ချင်းနဲ့ပြန်တွေ့ပြီး အကြောင်းစုံပြောပြတော့ သူငယ်ချင်းက အရှင်မဟာကစ္စာယနဆီမှာ ပြန်လည်ဝန်ချ တောင်းပန်ဖို့ပြောတယ်။

သူငယ်ချင်းအကြံပေးတဲ့အတိုင်း ပြန်တောင်းပန်လိုက်မှပဲ သူလဲ သောရေယျသူဌေးသားဘ၀ပြန်ရောက်သွားရတယ်။ တစ်ဘ၀တည်းနဲ့ ယောက်ျားဖြစ်လိုက်၊ မိန်းမဖြစ်လိုက် ဖြစ်ရတာကို သံဝေဂရလွန်းလို့ အရှင်မဟာကစ္စာယနဆီမှာ ခွင့်တောင်းပြီး ရဟန်းဝတ်သွားတယ်။ တခြားရဟန်းတွေက ဟိုမေးဒီမေး မေးလွန်းလို့ ရှက်ပြီး တစ်ပါးတည်းတရားပဲ နင်းကန်အားထုတ်လိုက်တာ သိပ်မကြာခင်မှာပဲ ရဟန္တာဖြစ်သွားတယ်။

ဓမ္မပဒအဋ္ဌကထာမှာလာတဲ့ ဒီဇာတ်လမ်းဟာ စိတ်ဖေါက်ပြန်ခြင်းကြောင်း ဘ၀ဖေါက်ပြန်တတ်ပုံ၊ သီလဂုဏ်သိက္ခာကြီးမားလွန်းသူကို ပြစ်မှားမိရင် ဘ၀မခြားပဲ အကျိုးပေးတတ်ပုံနဲ့ မိမိအပြစ်ကို သိပြီးတောင်းပန်ပါက အပြစ်ပြေပျောက်နိုင်ပုံတွေကို ကျနော်တို့ သင်္ခန်းစာယူနိုင်ကြမှာဖြစ်ပါတယ်။ မနောကံကို ဖြူစင်စွာထားဖို့ အလွန်အရေးကြီးကြောင်းကိုလည်း ထပ်ဆင့် နားလည်နိုင်ပါတယ်။ ဒီသောရေယျသူဌေးသားဇာတ်လမ်းနဲ့ ပုံစံချွတ်စွတ်မတူပေမဲ့ ခေတ်သစ်သိပ္ပံရဲ့ အံမခန်းတန်ခိုးအစွမ်းကြောင့် ယောက်ျားကနေ ကလေးမွေးတဲ့ သတင်းတစ်ပုဒ်ကို ITN (Independent Television Network) သတင်းထဲမှာ ဖတ်လိုက်ရပါတယ်။ ဒီသတင်းဟာ သတင်းအသစ်တော့မဟုတ်ပါဘူး။ ဘာ့ကြောင့်လဲဆိုတော့ အခုမွေးမည့်ကလေးဟာ ဒုတိယမြောက်ဖြစ်လို့ပါပဲ။

Tracy LaGondino လို့ခေါ်တဲ့ ဟာဝိုင်ကျွန်းသူလေးဟာ သူ့နယ်ပယ်မှာတော့ အလှဘုရင်မလေးတစ်ပါးပါ။ ဟာဝိုင်ကျွန်းအလှမယ်ဘွဲ့ကို ရထားသူဖြစ်ပါတယ်။ ဒါပေမဲ့ သူ့ရဲ့လိမ်တူအမျိုးသမီးချစ်သူ Nancy နဲ့ တရားဝင်လက်ထပ်ပေါင်းသင်းနိုင်ရေးအတွက် ပတ်ဝန်းကျင် ဆွေမျိုးအသိုင်းအ၀ိုင်းရဲ့ အပြစ်တင်ရှုပ်ချသံတွေကို နားပိတ်ပြီး ခွဲစိပ်ဆရာဝန်တွေဆီမှာ လိမ်အင်္ဂါခွဲစိပ်ပြောင်းလဲတပ်ဆင်ခဲ့တယ်။ ယောက်ျားဟုမ်မုန်းအားဆေးတွေကိုလဲ အဲဒီကတည်းက အမြဲတမ်းသုံးစွဲခဲ့ရတယ်။ နှုတ်ခမ်းမွေးတွေ၊ မုတ်ဆိတ်မွှေးတွေ ပေါက်လာပြီး ယောက်ျားအသွင်အပြင် လုံးဝပြောင်းသွားတဲ့အထိပါပဲ။

အဲဒီလို ယောက်ျားအသွင်ပြောင်းလိုက်ပေမဲ့ womb and ovaries (သားအိမ်နဲ့ မမျိုးဥထုတ်လုပ်တဲ့အင်္ဂါ) နှစ်ခုကိုတော့ ပကတိအတိုင်းပဲထားစေလိုက်ပါတယ်။ ဘာဖြစ်လို့လဲဆိုတော့ တကယ်လို့ သူ့ချစ်သူ နန်စီမှာ ကလေးမမွေးနိုင်တဲ့ပြဿနာနဲ့များ ကြုံခဲ့ရင် သူ့ဗိုက်ထဲမှာ ကလေးယူနိုင်လို့ပါ။ ဒီလိုနဲ့ သူတို့နှစ်ဦဟာ မထင်မရှားဇာတ်မြှုတ်နေခဲ့ကြပါတယ်။ သူ့ကိုယ်သူလဲ Thomas Beatie ဆိုပြီး ယောက်ျားနာမည်ပြောင်းလဲခဲ့တယ်။ သူ့တို့နေတဲ့ပတ်ဝန်းကျင်ကလူတွေ ဘယ်သူမှ သူ့ကို မိန်းမဘ၀က ပြောင်းလာတဲ့လူရယ်လို့ မသိကြပါဘူး တဲ့။

ဒီလိုနေလာရင်းက ဖြစ်ချင်တော့ နန်စီဟာ ကလေးမရနိုင်တဲ့ အမြုံမလေးဖြစ်နေပါရော။ အဲဒါကြောင့် ကလေးလိုချင်ကြတဲ့ လင်မယားနှစ်ယောက်ဟာ အမည်မဖေါ်တဲ့ သုက်သွေးအလှူရှင်တစ်ယောက်ကို ရှာဖွေပြီး မစ္စတာ ထောမတ်စ် ဘိတီရဲ့ ဗိုက်ထဲမှာ လွယ်ခဲ့တယ်။ အဲဒီကလေးကို ပြီးခဲ့တဲ့ June လ (၂၉) ရက်မှာ မွေးခဲ့တယ်လို့ဆိုပါတယ်။ မိန်းကလေးဖြစ်တဲ့အတွက် Susan လို့ပေးခဲ့ပါတယ်။ အခုလဲ နောက်ထပ် ကလေးတစ်ယောက်ကို လွယ်ထားပြန်ပါပြီတဲ့။ အခုကလေးကိုတော့ လာမည့် June (12) မှာမွေးမယ်လို့ ချိန်နေကြပါတယ်။

မစ္စတာထောမတ်စ်ခမျှာမှာလဲ ယောက်ျားဘ၀ကို ယူပြီးကာမှ ကလေးပြန်မွေးပေးနေရတဲ့အဖြစ်ပါ။ ဒါပေမဲ့ သူ့အရေးကတော့ ဘုရားစာထဲကအဖြစ်နဲ့ ပြောင်းပြန်ပါပဲ။ ဟိုမှာက လုံးရာက အပြားဖြစ်၊ ဒီမှာက ပြားရာက အလုံးဖြစ်။ သောရေယျက မိန်းမဘ၀နဲ့ ကလေးမွေးတယ်။ မစ္စတာထောမတ်စ်ကတော့ ယောက်ျားဘ၀နဲ့ ကလေးယူတယ်။ ဒါပေမဲ့ ကျနော်ကတော့ ဒါဟာလဲ ဘာသာရေးရှုထောင့်ကကြည့်ရင် ကံဖေါက်ပြန်ခြင်း၊ စိတ်ဖေါက်ပြန်ခြင်းတစ်မျိုးလို့ ယူဆတဲ့အတွက် မစ္စတာထောမတ်စ်ကို ခေတ်သစ်သောရေယျလို့ပဲ ခေါ်ချင်ပါတယ်။
(http://www.google.co.uk/search?hl=en&q=Thomas+Beatie&btnG=Google+Search&meta=/http://uk.news.yahoo.com/4/20081113/twl-man-pregnant-with-second-child-41f21e0.html) သတင်းများကို ကိုးကားဖေါ်ပြပါသည်။