အဲဒင်ဘရ၊ မြို့အလှကို၊
လက်ပြနှုတ်ဆက်၊ ရုတ်တရက်မို့၊
စိတ်လက်မကြည်၊ ရင်တွင်းဆီဝယ်၊
မျက်ရည်စုစု၊ မိုးအထုနှင့်၊
ပြိုင်ပြုကျလာ၊ ရင်နစ်ပါလည်း၊
နေရာမတင့်၊ ဆင်မသင့်ကြောင့်၊
လာရစ်လမ်းကြောင်း၊ လှည့်ပြန်မောင်းသည်၊
ဘီလူးညောင်းသို့၊ ဂျောင်းဂျောင်းတည်း။
လက်ပြနှုတ်ဆက်၊ ရုတ်တရက်မို့၊
စိတ်လက်မကြည်၊ ရင်တွင်းဆီဝယ်၊
မျက်ရည်စုစု၊ မိုးအထုနှင့်၊
ပြိုင်ပြုကျလာ၊ ရင်နစ်ပါလည်း၊
နေရာမတင့်၊ ဆင်မသင့်ကြောင့်၊
လာရစ်လမ်းကြောင်း၊ လှည့်ပြန်မောင်းသည်၊
ဘီလူးညောင်းသို့၊ ဂျောင်းဂျောင်းတည်း။
အဲဒင်ဘရာနှုတ်ဆက်
ကယ်လ်တန်တောင်ကုန်းပေါ်မှာ နာရီဝက်ကျော်ကျော်လောက်လည်ပတ်၊ ရှုခင်းကြည့်၊ ဓာတ်ပုံများရိုက်ပြီးသောအခါ ညနေဘက်ဆည်းဆာရောင် တဖြေးကွယ်ပျောက်၍ အမှောင်သန်းချေပြီ။ မနက်ခင်းကတည်းက စန္ဒားလန်းမှ နယူးကာဆယ်လ်၊ နယူးကာဆယ်လ်မှ အဲဒင်ဘရာ တောက်လျှောက် မနားတမ်းမောင်းနှင်လာခဲ့ရသောကြောင့် ကားဆရာကိုနေလင်းခမျာမှာလည်း ဟိုတယ်ပြန်
ကားရပ်ထားရာနေရာသို့ ရောက်သောအခါ ကယ်လ်တန်တောင်ကုန်းထက်မြင့်မားသော အခြားတောင်ကုန်းတစ်ခုကိုလဲ လှမ်းမြင်နေရသည်။ လှမ်းမြင်ရသောတောင်ကုန်းကြီးသည် ဖားကြီးတစ်ကောင် အဲဒင်ဘရာမြို့ဘက်ခေါင်းလှည့်ကာ ခုန်အုပ်မည့်ဟန်ဖြင့် ၀တ်လျှက်ရှိသည်။ အဝေးကလှမ်းမြင်ရသလောက် ယင်းတောင်ကုန်းပေါ်တွင် မည်သည့်အဆောက်အဦးမျှ မရှိ။ တောင်ကုန်းထိပ်ပေါ်တွင် လမ်းသလားနေကြသော လူအချို့ကို သေးသေးကွေးကွေးမြင်နေရသည်။ ညနေဘက် တောင်ထိပ်တက်၍ လေညင်းခံနေကြသည်ထင့်။ သူငယ်ချင်းတစ်ယောက်က ပြောပြသဖြင့် ယင်းတောင်ကုန်းပေါ်တွင် ဂျိမ်းစ်ဘော ရုပ်ရှင်ကားများစွာကို ရိုက်ခဲ့ကြောင်းသိရသည်။ သွားခဲ့ချင်သော်လဲ အချိန်ဆင်းရဲရှာသော ကျနော်တို့အဖွဲ့သားအတွက် အခွင့်မသာခဲ့။ ထို့ကြောင့် ကာလ်တန်တောင်ကုန်းနှင့်ပင် ကျေနပ်ကာ နေရပ်သို့ ပြန်လာခဲ့ကြရရှာတော့သည်။
အဲဒင်ဘရာမိုးသည် တစ်ဖွဲဖွဲကျနေသည်။ မိုးစက်မိုးပေါက်များကို ထိုးဖေါက်ကာ ကားကလေးသည်
ဟိုတယ်သို့ရောက်သောအခါ ရေမိုးချိုးပြီး (မိုးကို အပြင်ကချိုးခဲ့သည်၊း)) “ငါ့ဝမ်းပူဆာမနေသာသဖြင့်” ဆာလောင်နေသောဗိုက်များကို ဖြည့်တင်းကာ စောစောအိပ်ရာဝင်ခဲ့ကြတော့သည်။ တစ်နေကုန်ပင်ပန်းလေ၍လားမသိ၊ အလွန်အိပ်ကောင်းသော ညတစ်ညဖြစ်ကြောင်း အသိအမှတ်ပြုမိသ
နောက်တစ်မျိုးမှာ Scottish Breakfast ခေါ် စကော့မနက်စာဖြစ်သည်။ သီးသန့်မှာစားရသည်။ လေးပေါင်လောက်ပေးရသော ယင်းစကော့မနက်စာသည်လည်း အဲဒင်ဘရာသို့ရောက်သူတိုင်း မြည်းကြည့်သင့်သော စားကောင်းသောက်ဖွယ်တစ်မျိုးတည်း။ အင်္ဂလိပ်မနက်စာနှင့် များစွာမထူးခြားလှသော်လဲ စကော့ပဲပြားဝိုင်းကြော်သည် စားသုံးသူများကို အမှတ်တရဖြစ်စေကြောင်းသိရသည်။ အလကားစားရသော Buffet ကို အ၀နီးနီးစားထားသောကြောင့် စကော့မနက်စာရောက်လာသောအခါ ကျနော့်ခမျာ ကောင်းကောင်းမစားနိုင်တော့။ နာမည်ကြီးသော စကော့ပဲပြားကြော်ကို မြည်းကြည့်သည်။ ကျနော့်လျှာနှင့်
မနက်စာ စားကြပြီး အခန်းထဲပြန်သွားကာ ပစ္စည်းများသိမ်းဆည်း ယူငင်၍ ပြန်ဆင်းခဲ့ကြသည်။ ဟိုတယ်အပြင်ဘက်တွင် အဲဒင်ဘရာ၏ နံနက်ခင်းသည် နေရောင်ချည်ကင်းပျောက်ကာ မိုးစက်မိုးပေါက်များအောက်တွင် စိုစိုစွတ်စွတ်ဖြစ်နေသည်။ မနေ့ညနေကတည်းက သည်းနေသော မိုးသည် အခုထိ မစဲသေး။ ပိုမိုသည်းနေသည်ဟုပင် ထင်ရသည်။ ကားဆရာကိုနေလင်း ကားထားရာသို့ မိုးထဲရေထဲ တစ်ယောက်တည်းထွက်ခွါသွားသည်။ တော်တော်နှင့် ပြန်မလာ။ ဘာများဖြစ်နေပါလိမ့်။ ကျနော်စိတ်ပူမိသည်။ အတော်လေးကြာမှ ဟိုတယ်ရှေ့သို့ ကားရောက်လာသည်။ ကားကိုမြင်ရမှ ကျနော် ဟင်းကနဲသက်ပျင်းချနိုင်တော့သည်။
သို့သော် ကိုနေလင်းမျက်နှာပျက်လျှက်ရှိသည်။ မေးစရာမလိုပဲ ဖြစ်ကြောင်းကုန်စဉ် ရှင်းပြရှာသည်။ ခေတ္တသွားရပ်ထားသော ကားနေရာသည် သူများပိုင်နက်ထဲဖြစ်တဲ့အတွက် ပိုင်ရှင်ပြန်ရောက်လာပြီး ကျနော်တို့ကားကို ရဲလက်ထဲအပ်လိုက်သည်ဟု သိရသည်။ ဒါတင်မကသေး။ သူရောက်သွားချိန်တွင် ကားကို ကရိန်းဖြင့် ဆွဲမလုလုဖြစ်နေပြီဟုဆိုသည်။ မနည်းတောင်းတောင်းပန်ပန်ပြောပြီး ကားကို ပြန်ယူခဲ့ရကြောင်း ပြောပြသည်။ တော်ပါသေးရဲ့၊ ကားပြန်ပါလာသို့။ သို့သော် ယင်းအတွက် ပေါင်သုံးဆယ်ပေးလိုက်ရသေးသည်။ ကားပါသွားက ပေါင်ငါးရာနှင့်သွားရွေးရသည်ဟု သိရသည်။ မလွယ်သော ကားထားဖို့နေရာ ပြဿနာကြီးပေတည်း။ ကျနော်တို့အားလုံး ကားပေါ်တက်ကာ အဲဒင်ဘရာကို နှုတ်ဆက်လိုက်ကြသည်။ နေရစ်ပေဦးတော့။ ကံမကုန်လျှင် ပြန်ဆုံဖို့ ကျနော်မျှော်လင့်နေဆဲ။ ဟိုတယ်ရှေ့မှ ကားကလေးကို ဝေါကနဲ့မည်အောင် မောင်းထွက်လိုက်သည်။ အဲဒင်ဘရာကောင်းကင်သည် မှောင်မဲလျှက် မိုးသည်ထင်သည်ထက် ပိုပိုသည်းလာသည်။ ခွဲခွါရတော့မှာမို့ အလွမ်းမျက်ရည် သည်းသည်ထင့်။ သို့သော် မနေနိုင်သူကတော့ ဆက်သွားရပေဦးတော့မည်။ ဒီတစ်ခါ ကျနော်တို့၏ ဦးတည်ရာသည် မန်ချက်စတာမြို့ရှိ ကမ္ဘာကျော်အိုးထရက်ဖို့ ဘောလုံးကွင်းသို့။
2 comments:
အဲဒင်ဘရာတောလား ၈ ပုဒ်လုံး အစအဆုံးဖတ်သွားပါတယ်။
သုတ ရသ အကုန်ပါတဲ့ ခရီးသွားမှတ်တမ်းလေးပါပဲ။
ဓာတ်ပုံတွေကလဲ ကောင်းလိုက်ပါဘိ၊
ကဗျာတွေကို ဘီလူးနဲ့ ချည်း အဆုံးသတ်ထားတာ သဘောကျမိတယ်။
ဒါနဲ့ ... သျှင်ဥတ္တမကျော် စာအုပ်လင့်ခ် ကျမဘလော့မှာ တင်ထားပါတယ်။ လာယူလိုက်အုံးနော်။
မှိုင်းပြပြ ရာသီဥတုနဲ့ အီဒင်ဘရာ မြို့ မှာ
ဝထ္ထု စာအုပ် တအုပ်ဖတ်ပြီး ကွေး နေချင်စရာ ဘဲနော် ..
မွေးရပ်ဌာနီ လွမ်းနေပြီလား ကိုယ့်ဆရာ ရေ ..
Post a Comment