တိုက်ဆိုင်မှုလော၊ ၀ိညာဉ်ရာဇ၀တ်မှုလော

တမလွန်ဘ၀ရောက်သွားတဲ့သူတွေဟာ သူတို့ချစ်တဲ့/မုန်းတဲ့လူတွေ အနီးအနားမှာ ရစ်ဝဲရစ်ဝဲလုပ်ပြီးတော့ အခွင့်ရရင် ရသလို ကောင်းကျိုး/ဆိုးကျိုးပေးတတ်တယ် ဆိုတဲ့စကားတွေ ကျနော်တို့ငယ်စဉ်က လူကြီးသူမတွေ ပြောတာ မကြာခဏ ကြားဖူးပါတယ်။ ကျနော် အသက် (၁၂)နှစ်သားအရွယ်မှာ ကျနော့်အမေ ဆုံးပါးရှာတယ်။ အမေဆုံးပြီးနောက်ရက်တွေမှာ အတော်လေးကြာတဲ့အချိန်ထိ ကျနော်တို့အိမ်ပေါ်မှာရှိတဲ့ မီးဖိုချောင်တွေ၊ ပန်းကန်စင်တွေထဲရှိ ပန်းကန်ခွက်ယောက်တွေဟာ လေမတိုး၊ ကြောင်မဆိုးပဲ ညညကျရင် မကြာခဏဆိုသလို တ၀ုန်းဝုန်းတဒိုင်းဒိုင်းနဲ့ အသံမည်တာကို၊ ကျတာတို့ ဖြစ်နေတတ်တယ်။

ထုံးစံအတိုင်း ကျနော်တို့ကတော့ ကလေးပီပီ အမေလာပီ၊ အမေလာပီဆိုပြီး တစ်ယောက်နဲ့ တစ်ယောက်အတင်းတိုးအိပ်ကြတော့တာပဲ။ အမေကိုချစ်လို့ ငိုရတဲ့မျက်ရည်တွေ မခြောက်သေးခင်မှာ သရဲကြောက်တတ်တဲ့အကျင့်ကလဲရှိတော့ ချစ်လို့ငိုရတဲ့မျက်ရည်တွေဟာ ကြောက်လို့ငိုရတဲ့မျက်ရည်တွေ ဖြစ်လုမတတ်ပါပဲ။ နောက်အတော်လေးကြာတော့၊ အတော်လေးဆိုတာ တစ်လလောက်ကြာတော့ အဲဒီအသံတွေ မကြားရတော့ဘူး။ ကျနော့်အထက်က အမတို့ကလဲ အမေ့အတွက်ရည်စူးပြီး ရက်လည်ဆွမ်း၊ လလည်ဆွမ်းစတဲ့ ကောင်းမှုတွေလုပ်၊ လုပ်ပြီးတဲ့ကောင်းမှုကုသိုလ်အဘို့ကို အမေ့အတွက် အမျှပေးဝေ ဆိုတော့ အမေတစ်ယောက် ကျွတ်လွတ်သွားလေပြီလို့ ယုံကြည်ကြပြီး တစ်အိမ်သားလုံး ၀မ်းမြောက်ဝမ်းသာဖြစ်ကြရပြန်တယ်။

ဒီလိုဖြစ်တာဟာ မှန်ချင်လဲ၊ မှန်နိုင်တယ်။ မှားချင်လဲ မှားနိုင်တယ်။ ဘာဖြစ်လို့လဲဆိုတော့ ဥပါဒါန်(စွဲလမ်းမှု)ကြောင့် ဥပဒ် (ဘေးရန်) ရောက်ဆိုတဲ့ ကျနော်တို့ မြန်မာစကားပုံအတိုင်း တစ်စုံတစ်ခုဟာ စိတ်ထဲမှာ လေးလေးနက်နက် စွဲလမ်းနေတဲ့အခါ သာမန်အချိန်ဖြစ်ပျက်နေကျ အဖြစ်အပျက်တွေသည်ပင် အဲလိုအချိန်မျိုးမှာ ကိုယ့်နဲ့ပဲတိုက်ရိုက်သက်ဆိုင်တော့သလိုလို ထင်မိတတ်တယ်။ ဥပမာ ကိုယ်ရှေ့မှာ လူတစ်ယောက်က ထွီကနဲ့ တံထွေးထွေးလိုက်တယ်ဆိုပါစို့။ အဲဒီလူဟာ ကိုယ်ချစ်တဲ့လူ၊ သို့မဟုတ် ကိုယ့်မိတ်ဆွေတစ်ယောက်ယောက်ဖြစ်နေရင် သူ့အပြုအမူဟာ ကိုယ့်ကို ဘာမှ မထိခိုက်စေပေမဲ့ ကိုယ်မုန်းတီးတဲ့လူ ဖြစ်နေရင်တော့ ကိုယ့်ကိုစောင်းမြောင်းပြီးလုပ်တယ်လို့ ထင်မိတတ်တယ်။ ချစ်တဲ့သူရဲ့ အပြုအမူကိုလဲ ချစ်တဲ့အလိုက်၊ မုန်းတဲ့သူရဲ့ အပြုအမူကိုလဲ မုန်းတဲ့အလိုက် မဆီမဆိုင် အဓိပ္ပါယ်လိုက်ကောက်မိတတ်တယ်။

ဒါပေမဲ့ အခုကျနော်တင်ပြမယ့် သတင်းတစ်ပုဒ်ကတော့ ဘယ်လိုအဓိပ္ပါယ်ကောက်ရမလဲ မပြောတတ်ဘူး။ စာဖတ်သူတွေပဲ ကြည့်ကျက်အဓိပ္ပါယ်ကောက်ယူကြပေတော့။ တိုက်ဆိုင်မှုကြောင့်လို့လဲ ဆိုနိုင်တယ်။ သို့မဟုတ်-------။ဘရာဇီးနိုင်ငံရဲ့ တောင်ဘက်စူးစူးပြည်နယ်ကြီးတစ်ခုဖြစ်တဲ့ Rio Grande do Sul မှာဖြစ်ခဲ့တဲ့ ရင်နင့်ဘွယ်ရာ အဖြစ်အပျက်တစ်ခုပါ။

Marciana Silva Barcelos လိုခေါ်တဲ့ အသက် (၆၇)နှစ်အရွယ် ဘရာဇီးအမျိုးသမီးကြီးတစ်ယောက်ဟာ မနေ့ကမှ ကပွဲမှာ နှလုံးရောဂါနဲ့ သေဆုံးသွားရှာတဲ့ သူ့ယောက်ျားကို ဒီနေ့သုသာန်လိုက်ပို့ပါတယ်။ ကျနော်တို့မြန်မာပြည်က နိဗ္ဗာန်ယာဉ်လို့ခေါ်တဲ့ အသုဘယာဉ် (hearse) ထဲမှာ အသက် (၇၆)နှစ်ရှိ သွားလေသူကြီး Josi Silveira Coimbra ရဲ့ခေါင်းနဲ့အတူ ဇနီးဖြစ်သူရယ်၊ သားတစ်ယောက်ရယ်၊ ယာဉ်မောင်းသမားတစ်ယောက်ရယ်ပါလာကြတယ်။ သုသာန်(cemetery) သွားတဲ့ လမ်းကြောင်းပေါ်ရောက်တော့ တခြားကားတစ်စီးရုတ်တရက်နောက်ကနေ အရှိန်နဲ့ ၀င်ဆောက်တိုက်တာခံလိုက်ရတယ်။

ကားပေါ်ပါလာတဲ့ အလောင်းတင်ခေါင်းကြီးလဲ ဟန်ချက်ပျက်ပြီး ရှေ့ကို ဆောင့်တိုး တိုးသွားတယ်။ ရှေ့မှာထိုင်နေတဲ့ ဇနီးသည်ရဲ့ ခေါင်း(အုန်းဆက်)ကို နောက်ကနေအရှိန်နဲ့ ဆောင့်လိုက်သလိုဖြစ်ပြီး အဘွားကြီးခမျှာ နေရာမှာတင် ပွဲချင်းပြီး ဆုံးရှာပါရော။ ကားပေါ်ပါတဲ သားနဲ့ အသုဘယာဉ်မောင်းသမားတို့တော့ အနည်းငယ်စီပဲ ဒဏ်ရာခဲ့ကြတယ်လို့ ဆိုပါတယ်။ ဒီအဖြစ်အပျက်ကို ကျနော်တို့ ဘယ်လို သုံးသပ်ကြမလဲ။
(၁) မတော်တဆလား၊
(၂) တိုက်ဆိုင်မှုလား၊
(၃) ၀ိညာဉ်ခေါ်ယူမှုလား။