သက်တန့်ရောင်စဉ်ရဲ့အဆုံးဝယ်

At the end of every rainbow,
Sits a leprechaun,
Hammering on a shoe,
Who will reveal the whereabouts of a crock of gold.
(Legend)

သက်တန့်ရောင်စဉ် အဆုံးမယ်၊
တန်ခိုးရှင်လေး ထိုင်နေတယ်၊
သူ့ဖိနပ်ကို တူနဲ့ထု၊
ရွှေအိုးရှိတယ် သတိပြု။
(ပါးစပ်ရာဇ၀င်)

ကျနော်တို့ငယ်ငယ်က မိုးရွာတဲ့အခါ အပြင်ထွက်မိုးရေခံ၊ မိုးရေချိုးလေ့ရှိကြတယ်။ ကျနော်တို့ဆီ (ထားဝယ်၊ မောင်းမကန်) မှာမိုးရွာရင် တစ်ခါတလေဆို တစ်ပတ်လောက်ကို မစဲတော့ဘူး။ မိုးရွာလို့သာ ဘယ်မှမသွားပဲနေရင် ကျနော်တို့ဆီကလူတွေ မိုးတွင်းဆို ဘယ်မှတောင် သွားနိုင်ကြမှာမဟုတ်ဘူး။ အတော့်ကို မိုးများတဲ့နေရာဗျို့။ မိုးရွာအပြီးမှာ တစ်ခါတလေ သက်တန့်ရောင်တန်းကြီးပေါ်လာတတ်တယ်။ အဲဒီလိုပေါ်လာပြီဆို ကျနော်တို့ကလေးတွေ ပျော်ကြသလားမမေးနဲ့။ ပျော်တာက အခြားကြောင့်တော့မဟုတ်ဘူး။ နောက်ထပ်မိုးတော်တော်နဲ့ ရွာမှာမဟုတ်ဘူး။ ဒီတော့ ခြောက်ခြောက်သွေ့သွေ့နဲ့ မြေကြီးပေါ်မှာ ဆော့ရတော့မယ်ဆိုတဲ့အတွေးနဲ့ ပျော်ကြတာ။

သက်တန့်ရောင်တန်းမှာ အရောင်ဘယ်နှစ်မျိုးရှိတယ်၊ ဘာ့ကြောက်သက်တန့်ရောင်စဉ်တွေဖြစ်ပေါ်လာရတယ် ဆိုတဲ့အကြောင်းကိုတော့ ကျနော်တို့ငယ်ငယ်က စာသင်ခန်းထဲမှာ သင်ခဲ့ဖူးကြပြီးဖြစ်ပါတယ်။ ရောင်စဉ်ခုနှစ်သွယ်ရှိတဲ့ သက်တန့်ရောင်တန်းဟာ မိုးတိတ်သွားအပြီးမှာ ထွက်လာတဲ့နေရောင်ချည်ရဲ့ မိုးစက်မိုးပေါက်လေးတွေအပေါ် ရောင်ပြန်ဟန့်မှုကြောင့် ဖြစ်ပေါ်လာရတယ်လို့ သိပံ္ပပညာရှင်တွေက ရှာဖွေတွေ့ရှိခဲ့ကြပါတယ်။ ဒါပေမဲ့ သက်တန့်ရောင်စဉ်တန်းကြီးဟာ ဘယ်က စပြီး ဘယ်မှာ ဆုံးသလဲဆိုတဲ့ မေးခွန်းကိုတော့ ဆက်လက်မေးနေကြရဆဲပါ။

လူအတော်များများက၊ အထူးသဖြင့် အနောက်တိုင်းသားတွေဟာ သက်တန့်ရောင်စဉ်တန်းရဲ့အဆုံးကို သိချင်တဲ့နေရာမှာ ကျနော်တို့အရှေ့တိုင်းသားတွေထက်သာတယ်လို့ ဆိုနိုင်ပါတယ်။ ဘာ့ကြောင့်လဲဆိုတော့ သူတို့ဆီမှာ ကျနော်အထက်မှာရေးခဲ့တဲ့ ကဗျာလေးထဲကလို သက်တန့်ရောင်စဉ်တန်းအဆုံးမှာ ရွှေအိုးရှိတယ် ဆိုတဲ့ ဒဏ္ဍာရီစကားရှိနေလို့ပါပဲ။ ဒီစကားဖြစ်ပေါ်လာရတဲ့အကြောင်းကို စဉ်းစားတဲ့အခါ ကျနော်တို့ ငယ်ငယ်က တွေးသလို သက်တန့်ရောင်စဉ်တန်းဟာ ဘယ်ကစဖြစ်ပေါ်ပြီး ဘယ်မှာသွားဆုံးသလဲ ဆိုတာ ဘယ်သူမှ မသိနိုင်ဘူး ဆိုတဲ့ ကလေးအတွေးရှိနေကြသေးလို့ပါပဲ။ ဒါကြောင့် သက်တန့်ရောင်စဉ်တန်းရဲ့အဆုံးကို ဘယ်သူမှ တွေ့အောင်မရှာနိုင်ဘူး၊ တွေ့တဲ့လူဟာ အဲဒီရောင်စဉ်တန်းအဆုံးမှာ ရွှေအိုးကြီးကိုလဲ တွေ့ရလိမ့် ဆိုပြီး ပါးစပ်ရာဇ၀င် ထွင်ခဲ့ကြဟန်တူပါတယ်။

အခုတော့ အဲဒီပါးစပ်ရာဇ၀င်လဲ အဆုံးသတ်သွားခဲ့ပါပြီ။ သက်တန့်ရောင်စဉ်တန်းရဲ့အဆုံးကို ဓာတ်ပုံနှင့်တကွ တင်ပြလာနိုင်တဲ့နေ့ကို ရောက်ခဲ့ပါပြီ။ ဒါလဲ ကံအားလျှော်စွာတွေ့ပြီး ရိုက်ခဲ့ရတယ်လို့ ဆိုပါတယ်။ အပျော်တမ်းရိုက် ဓာတ်ပုံဆရာ Jason Erdkamp ဟာ ပြီးခဲ့တဲ့ တနင်္ဂနွေနေ့က ကာလီဖိုးနီးယားပြည်နယ်၊ သြရိန်းဂ်ျ ခရိုင်ဘက်မှာ မိုးထဲလေထဲ ခရီးထွက်ရင်း မော်တော်ကားလမ်းမပေါ်မှာ ဓာတ်ပုံထဲမြင်ရတဲ့အတိုင်း ထိုးကျနေတဲ့ သက်တန့်ရောင်စဉ်တန်းကြီးကို မြင်တွေ့ပြီး သူ့ပါတဲ့ အိုင်ပေါ့ဖုန်းလေးနဲ့ ဓာတ်ပုံယူခဲ့တယ်လို့ ဆိုပါတယ်။

ဒါပေမဲ့ သူ့အဆိုအရ အဲဒီအဆုံးမှာ ဘာရွှေအိုးမှ မရှိပါဘူးတဲ့၊ (တူးမကြည့်လို့နဲ့တူတယ်၊)။ ရွှေအိုးမရလိုက်ပေမဲ့ အဲဒီနေ့အိမ်ပြန်ရောက်တော့ သူထိုးထားတဲ့ ထီလက်မှတ်က (၂၅)ဒေါ်လာပေါက်နေဆိုပဲ။ အဲသလောက်ကတော့ ကျနော်တို့လဲ မကြာခဏပေါက်သဗျား။ သူပြောတဲ့စကားအရ သက်တန့်ရောင်တန်းဟာ တစ်နေရာမှာ ငါးမိနစ်လောက်ပဲ ရပ်တည်ပါတယ် တဲ့။ တိုက်ခတ်နေတဲ့လေပြင်းနဲ့အတူ တစ်နာရီမှာ မိုင်နှစ်ဆယ်ကနေ သုံးဆယ်လောက်အထိ ရွေ့ရှားနေတယ်ဆိုပဲ။

ဘာပဲပြောပြော၊ ရွှေအိုးရှိသည်ဖြစ်စေ၊ မရှိသည်ဖြစ်စေ၊ ကျနော့်အတွက်တော့ သက်တန့်ရောင်စဉ်တန်းမှာ အဆုံးရှိတယ်၊ အဲဒီအဆုံးကိုလဲ တွေ့နိုင်တယ်၊ ဆိုတဲ့ အသိတစ်ခုရခဲ့ပါပြီ။ အဲဒီအသိရလိုက်တာနဲ့တပြိုင်နဲ့ ကျနော်တို့ငယ်စဉ်တုန်းက ရှိခဲ့ဖူးတဲ့ ဟိုလိုလို ဒီလိုလို အယူအဆတွေဟာလဲ အလိုအလျောက်ပျောက်ကွယ်သွားခဲ့ပါပြီ။ ဒါပေမဲ့ ကျနော်တို့ရင်ထဲမှာ မိရိုးဖလာ စွဲကျန်နေတဲ့ ကြောက်ရွံ့မှုတွေ အများကြီး ကျန်နေပါသေးတယ်။ အဲဒါတွေ တစ်ခုချင်းစီ ကွယ်ပျောက်ဖို့အတွက် လုံလောက်တဲ့ သက်သေတွေ ဆက်လက်ရှာဖွေကြရဦးမှာပါ။ ဒါသည်ပင် လူ့ဘ၀မဟုတ်ပါလား။

မှတ်ချက်။ http://www.dailymail.co.uk/news/article-1143482/Found-The-end-rainbow--theres-pot-gold.html သတင်းကို ကိုးကားရေးပါသည်။