မကြည့်တဲ့ အမြင်များ

မျက်လုံးက မကြည့်တဲ့ အမြင်တွေ
ရာသက်ပန် ဖျောက်ပစ်ချင်လို့
ကြိုးစားပြီး မှိတ်ထားကြည့်တယ်

ပိတ်ထားတဲ့ မျက်လုံးထဲ
မဖိတ်ပဲ ၀င်လာတဲ့ အာရုံကြောင့်
တကယ်ကြည့်ဖို့ကြိုးစားတဲ့အခါ
ခပ်လှမ်းလှမ်းဆိုတာ ထား
ဟိုးအဝေးမှာတောင် သူကမရှိတော့

ကြည့်နေတဲ့ မျက်လုံးက တစ်စုံ
မြင်နေတဲ့ မျက်လုံးက နှစ်ခု
တစ်ယောက်တည်းနဲ့ မျက်လုံးလေးခုလား?

မမြင်ရာအာရုံနောက် တစ်ကောက်ကောက်လိုက်ရင်း
ရွှေသမင်အလိုက်မှားတဲ့ မုဆိုးလို
အာရုံဝင်္ကဘာတောက မထွက်နိုင်မှန်းသိလေမှ
မျက်လုံးအစုံကို ပွတ်သတ်ကြည့်လိုက်တယ်
အို
ငါဖတ်နေတာ ကဗျာတစ်ပုဒ်ပါလား