ဟိုလိုမရရင် ဒီလိုလုပ်တယ်

ဆိုနီလက်ပ်တော့ပ်အဟောင်းကလေးတစ်လုံးနဲ့ Windows XP Professional ကို ဆယ်စုနှစ်ချီပြီး ခုတ်လာတဲ့ ကျနော့်ခမျာ သူများနည်းတူ ခေတ်နဲ့အညီလိုက်ချင်ပေသမို့ လက်ပ်တော့ပ်အသစ်တစ်လုံး ၀ယ်ဖို့ စဉ်းစားနေတာ အတော်ကြာပြီ။ ဒါပေမဲ့ လက်ရှိကွန်ပျူတာလေးကလဲ အဟောင်းသာပြောတယ်၊ အလုပ်ကတော့ သွက်တုန်းလက်တုန်း။ ထည့်သမျှ ဆော့ဖ်ဝဲတွေလဲ သဘောကောင်းကောင်းနဲ့ အကုန်ကြိုဆိုတာပဲ။ အသစ်ဝယ်မယ် စဉ်းစားတိုင်း အဟောင်းလေးကို သံယောဇဉ်ငြိနေတဲ့ ကျနော့်မှာ အတော်ကြီးကို စိတ်ပိုင်းဖြတ်လိုက်ရတယ်။ ၀ယ်မယ်ကွာ ဆိုပြီးတော့။

ဒါပေမဲ့ ကိုယ်က ကွန်ပျူတာ သုံးတတ်ရုံအဆင့်ပဲရှိတာဆိုတော့ ကွန်ပျူတာအကြောင်း အတော်အတန်နားလည်တဲ့ သူငယ်ချင်းကိုပဲ အကူအညီတောင်းရတယ်။ ဒီလိုနဲ့ အနီးအနားက PC World ဆိုတဲ့ ကွန်ပျူတာအရောင်းဆိုင်ကြီးထဲ ရောက်သွားရော ဆိုပါတော့။ ဘယ်အမျိုးအစားဝယ်မလဲ ဆိုပြီး တိတိကျကျ မဆုံးဖြတ်ခဲ့မိလို့ အရောင်းခန်းမထဲ ရောက်ကာမှ တွေ့သမျှ လက်ပ်တော့ပ်တွေ အကုန်ကို လိုချင်တော့တာပဲဗျို့။ ဆိုနီတွေလဲ လှမှလှ။ ပန်းသီးတွေလဲ ချိုမှချို (ဈေးမဟုတ်ဘူးနော်)။ ကျန်တဲ့ HP, Compaq, Hitachi, Dell စတာတွေလဲ သူ့ဟာနဲ့သူ အပြင်အဆင်တွေ ကောင်းမှကောင်းပဲ။

ဟိုအလုံးယူရနိုးနိုး ဒီအလုံးယူရနိုးနိုးနဲ့ နိုးနိုးကမ္ဘာမှာ ချာချာလည်နေတဲ့အချိန် လိုက်ပို့တဲ့ သူငယ်ချင်းက ကိုယ့်လူ ပန်းသီးကတော့ အတော်မိုက်တယ်နော်။ ချိုမချို သိရအောင် တစ်လုံးလောက်တော့ ကိုက်လိုက်တဲ့။ ကိုယ့်မှာလဲ အရွေးရခက်နေတာဆိုတော့ ကဲမထူးပါဘူးဆိုပြီး ပန်းသီးတစ်လုံးဆွဲလိုက်တယ်။ လှပမှု၊ သေသပ်မှုတွေမှာတော့ အခြားကွန်ပျူတာ အားလုံးထက် သာတယ်လို့တောင်ဆိုချင်သဗျား။ ပါးပါးလေးပဲ။ ကောင်တာမှာ ပိုက်ဆံသွားရှင်းတော့ အသက်ရှူတောင် တစ်ဝက်လောက် ရပ်သွားသလား မှတ်တယ်။ စတာလင်ပေါင် တစ်ထောင်ကျော် ဘဏ်ထဲက နှုတ်သွားတယ်။ တတ်နိုင်ဘူး။ ကိုယ်က လိုချင်တာကိုး။

ကိုယ့်ကိုယ်ကို ၀မ်းသာသလား၊ ဘာလားတောင် သတိမထားမိဘူး။ ပန်းသီးကြီးပိုက်ပြီးတော့ အရောင်းခန်းမထဲက ခန့်တည်တည်နဲ့ထွက်လာခဲ့ကြတယ်။ အခန်းပြန်ရောက်ရောက်ချင်း ရေတောင်မသောက်အားဘူး။ ပန်းသီးကို ကိုက်ချင်လွန်းလို့။ အခွံတွေဘာတွေ အကုန်နွှာပြီး ဆွဲတော့တာပဲ။ တစ်ခါမှ မစားဖူးတဲ့ ပန်းသီး၊ ကျနော် ဘယ်ဖက်လှည့် ကိုက်ရမှန်းတောင် မသိဘူး။ ပါလာတဲ့ ဆော့ဖ်ဝဲတွေ သွင်း။ အင်တာနက်မှာ လိုက်ဒေါင်း။ သို့သော် သို့သော် အော်---သို့သော် လို့သာ ဟစ်လိုက်ချင်တော့တယ်။ Mac ရဲ့ Function တွေက PC Function တွေနဲ့ တစ်မျိုးစီကလား။ တစ်လျှောက်လုံး ပီစီပေါ်ထိုင်လာတဲ့ သုံးနေကျ ဆော့ဖ်ဝဲတွေ တစ်ခုမှ အသုံးမ၀င်တော့ဘူးဗျို့။ အဲလိုပြောရတာ ရှက်တောင် မိသေးတော့။ ပန်းသီးဆရာတွေကြားရင် တော်တော်တုန်းတဲ့လူလို့ အားပေးကြမှာ သေချာတယ်။

ကိုယ်ကလဲ ပန်းသီးလေးနဲ့ ပီစီမှာလုပ်နေကျ အလုပ်လေးတွေ ဆက်လုပ်မယ် ဆိုပြီး အိမ်မက်မက်ထားခဲ့တာ။ သုံးနေကျ G-talk လဲ လွယ်လွယ်မရ၊ ပြောနေကျ Voipdiscount လဲ အဆင်မပြေ။ ဘလော့ဂ်ရေးဖို့ရာ Zawgyi လဲ ခဲရာခက်ဆစ်။ အဆိုးဆုံးကတော့ ကျနော့် Project မှာသုံးတဲ့ ဆော့ဖ်ဝဲတစ်ခုကို လုံးဝကို install လုပ်လို့မရတာပဲ။ အဲဒီဆော့ဖ်ဝဲမှ ထည့်မရလို့ကတော့ ကျနော့်အလုပ်တွေ ဘာမှ လုပ်လို့မဖြစ်တော့ဘူး။ ဒီလိုဒီလိုနဲ့ သူကတစ်မျိုးဆိုတော့ ကိုယ်ကလဲ တစ်မျိုးစဉ်းစားရပြန်တာပေါ့။ ဘယ်ရမလဲ ၀ယ်ပြီးသားပစ္စည်းပြန်လဲလို့အင်မတန်အဆင်ပြေတဲ့ တိုင်းပြည်မှာ နေတာကပဲ။ နောက်နှစ်ရက်လောက်လဲ ကျရော သူငယ်ချင်းတစ်ယောက်နဲ့အတူသွားပြီး ပန်းသီးကို ဆိုနီနဲ့ အားရပါးရ လဲပစ်လိုက်တယ်။ ဒါတောင် Register လုပ်လိုက်လို့ ဆိုပြီး 3% ရာခိုင်နှုံးဖြတ်လိုက်သေးတယ်။

နဂိုသုံးနေကျ ဆိုနီစက်လေးက Memory 1 GB (ဒါတောင်ထပ်ထည့်ထားလို့) နဲ့ Hard Disk Capacity က 80 GB ( ဒါလဲ ထပ်ဖြည့်ထားရတာပဲ) ပဲရှိတယ်။ Window ကတော့ မူရင်း ဘယ်ဟာမှန်းတောင် မမှတ်မိတော့ဘူး။ ဖြုတ်လိုက်တပ်လိုက်၊ ဖြုတ်လိုက် တပ်လိုက်နဲ့ သံသရာကို လည်နေတာပဲ။ နောက်ဆုံးသုံးနေတာတော့ XP Professional (32 bits) ပေါ့။ အခု ပန်းသီးနဲ့ အသစ်လဲလိုက်တဲ့ ဆိုနီကတော့ အဲဒီကောင်နဲ့ တခြားစီပဲဗျို့။ 4-GB Memory, 500 GB HD နဲ့ Window ကလဲ နောက်ဆုံးပေါ် 7 (64 bits)။ ဒါပေမဲ့ ခေတ်နောက်ကျလွန်းတဲ့ ကျနော့်အတွက် (64 Bits) က ဒုက္ခပေးနေပြန်ပြီဗျား။ ဇော်ဂျီကီးဘုတ်ကို အချိုးတကျသွင်းလို့မရတဲ့ အပြင် Project သုံး Software ကိုလဲ လုံးဝသွင်းလို့မရပြန်ဘူး။ မရဆို အဲဒီ Software က 16/32 Bits သုံးစက်တွေအတွက်ပေကိုး။ ဘယ်နှယ်လုပ်ရပါ့။

ဒါနဲ့ ထုံးစံအတိုင်း မိတ်ဆွေကြီး ကိုနှင်းမောင် အဲလေ သူငယ်ချင်းစီ လှမ်းမေးရတယ်။ သူက Window ပြောင်းဖို့ အကြံပေးတယ်။ မဆိုးဘူး။ ဒီနေ့မနက်တော့ Window CD သုံးပြားနဲ့အတူ ပေါက်ချလာတယ်။ Windows 7 Ultimate, Vista Ultimate နဲ့ XP Professional Black Edition တွေ။ လက်ရှိစက်မှာက Window 7 (64 bits) Home Premium တင်ထားတာဆိုတော့ ကျနော့်ခမျာ Vista ကိုလဲ မသွင်းချင်ဘူး။ XP ဆီလဲ ပြန်မသွားချင်တော့ဘူး။ ဒါနဲ့ စမ်းကြည့်လိုက်တယ်။ Utimate 7 ကို Run လိုက်တယ်။ ပြီးတော့မှ သူငယ်ချင်းအကြံပေးတဲ့အတိုင်း (32 bits) ကိုရွေးပြီး တင်လိုက်တယ်။ ပြီးပြီးချင်း ပထမဆုံး စမ်းကြည့်လိုက်တဲ့ Software ကတော့ ခေတ်နောက်ကျတဲ့ ကျနော့် Project သုံး အဟောင်းစားလေး။

ဖွဟဲ့--ဖွဟဲ့--ဘုရားသိကြားမလို့ ရပါစေဗျား---။ Software လေးကတော့ လျှောလျှောလျှူလျှူ Installed လုပ်သွားပြီး။ ဒါဆိုရင်တော့ နီးစပ်ပြီပေါ့။ ဒါနဲ့ အပြီးစောင့်ပြီး ဖွင့်ကြည့်တယ်။ “ဒေါင်” ကနဲ့ အသံမြည်ပြီး Warning ကြီးတစ်ခုပေါ်လာတယ်။ ဒုက္ခပါလားနော်။ ဒီတောင်ကို ဘယ်လို ကျော်ရပါ့။ အမေရေ့ ကယ်ပါဦး ဆိုပြီး သွားလေသူ ချစ်မေမေကြီးကို တမ်းတပြီး ဆက်လက်အကြံထုတ်နေမိတယ်။ ဟိုနှိုက်ဒီနိုက်လုပ်ကြည့်တယ်။ မထူးဘူး။ ဒါနဲ့ Start ထဲ ၀င်ပြီး Icon အပေါ်မှာ Right Click ကြည့်တော့ "Run as Administrator" ဆိုတဲ့ ညွှန်းစာလေး သွားတွေ့တယ်။ ကဲ ရလိုရငြား စမ်းကြည့်တာပေါ့ ဆိုပြီး အဲဒီစာညွှန်းလေးကို ကလစ်လိုက်တော့မှ ဘသားချောကြီးက သေနတ်ပြောင်းဝက ထွက်သွားတဲ့ ကျည်ဆံလိုအဟုန်မျိုးနဲ့ ရွှီးကနဲ့အော်ပြီး ပွင့်သွားပါလေရော့လား။ ၀မ်းသာလိုက်တာဗျာ။ ဒါဆိုရင်တော့ ဟောဒီစက်အသစ်ကြီးနဲ့ စခန်းသွားလို့ ရတာ သေချာသွားပြီ။

နောက်တစ်ခု ကျန်သေးတယ်။ Window 7 (64 bits) မှာ ပြဿနာတက်နေတဲ့ ဇော်ဂျီကီးဘုတ်။ ဇော်ဂျီစပေါ်ပေါ်ချင်း အွန်လိုင်းပေါ်က ဒေါင်းထားတဲ့ ကီးဘုတ်အဟောင်းလေးတစ်ခုရှိတယ်။ အဲဒါလေးက ကျနော့်အတွက် သုံးရတာပိုအဆင်ပြေလို့ အဲဒါပဲ ဆက်သုံးနေတယ်။ နောက်ထွက်တာတွေ တစ်ခုမှ လိုက်မသုံးဖြစ်ဘူး။ ကောင်းတယ်လို့တော့ပြောတာပဲ။ ဒါပေမဲ့ ရှိတာနဲ့ အဆင်နေတဲ့အချိန် အသစ်ရကာမှ ပြဿနာတက်မှာကြောက်ပြီး မသုံးရဲတာ။ အဲဒီ ခေတ်နောက်ကျနေတဲ့ ကီးဘုတ်လေးကို Run ပြီး ဖွင့်ကြည့်လိုက်တယ်။ အားပါးပါး၊ ဘာမှတောင် မလုပ်လိုက်ရဘူး။ ရွှီးဆိုပြီး မြန်မာစာတမ်းရိုက်လို့ ရသွားတယ်။ ကျနော် ဒီပို့စ်ကို Windows 7 (32 bits) ပေါ်မှာ ဇော်ဂျီရိုက်လို့ ရရချင်း ရေးလိုက်တာပဲဗျို့။ ၀မ်းသာလို့ပါဗျား။

Mac ပန်းသီးအတွက်ရော၊ Windows 7 (64 bits) အတွက်ရော အွန်လိုင်းမှာ ပေးထားတဲ့ ဇော်ဂျီဆိုဒ်တွေတော့ တွေ့ပါရဲ့။ ဒါပေမဲ့ ညွှန်းထားသလို လိုက်လုပ်ကြည့်တော့ ပြောသလောက် အဆင်မပြေတာ တွေ့ရတယ်။ ဒါနဲ့ ကျနော်လဲ ရှာရဖွေရတဲ့ ဒုက္ခကို မခံချင်တဲ့လူပီပီ ရှိတဲ့ Software နဲ့ Bits ပြောင်းလိုက်တော့မှ အားလုံး အိုကေ သွားတော့တာပဲ။ သူငယ်ချင်းကို ကျေးဇူးတင်ပါတယ်ဗျား။ ပြဿနာရှိနေရင် ဖြေရှင်းတဲ့ နည်းလဲ ရှိနေမှာပဲလေ။ ရှာတတ်ဖို့ပဲ အရေးကြီးတယ် မဟုတ်လား။