ခိုးစရာ ရှားလို့

“လွမ်းရေးထက် ၀မ်းရေးခက်၏” ဆိုတဲ့စကားအတိုင်း ၀မ်းရေးအခက်အခဲတွေ့လာတဲ့အခါ “ငါ့ဝမ်းပူဆာ မနေသာမှု”ကို အကြောင်းပြုပြီး သက်ရှိသတ္တ၀ါတိုင်းဟာ ကြံရာမရ လုပ်တတ်ကြပါတယ်။ အဲဒီထဲမှာ ကျနော်တို့ လူသားတွေလဲ အပါအ၀င်ပါပဲ။ တစ်ခါတလေ လူသားတွေကတောင် ပိုဆိုးနေသေးတယ်လို့ ဆိုရမလိုဖြစ်ရတဲ့အခါမျိုးတွေလဲ ရှိတတ်ပါသေးတယ်။ အခုလို တစ်ကမ္ဘာလုံးစီးပွါးရေးကပ်ဆိုက်လို့ လူတွေ အလုပ်လက်မဲ့ဖြစ်နေကြရရှာတဲ့အခါမျိုးမှာဆို ဒီလိုအဖြစ်အပျက်မျိုးတွေဟာ မကြာခဏပေါ်ပေါက်နေမှာပါပဲ။

ချမ်းသာတဲ့နိုင်ငံတွေမှာရော ဆင်းရဲတဲ့နိုင်ငံတွေမှာပါ အလုပ်လက်မဲ့တွေရဲ့ မိမိတို့တစ်ဝမ်းတစ်ခါးကိစ္စကို ဖြေရှင်းဖို့အတွက် ကြံမိကြံရာ ကြံကြရရှာတဲ့အဖြစ်ကိုတောင် သနားစရာအဖြစ် မြင်နေကြပါပြီ။ ဒါပေမဲ့ အဲဒီလိုလုပ်တဲ့ လုပ်ရပ်အပေါ်ခွင့်လွှတ်လို့ရတဲ့ အဖြစ်အပျက်တွေ ရှိသလို အရေးယူတန် ယူရတဲ့အဖြစ်အပျက်တွေလဲ ရှိပါတယ်။ မနေ့ကပဲ လန်ဒန်မှာနေတဲ့ ကျနော့်အသိလင်မယားနှစ်ယောက်နဲ့တွေ့လို့ မိတ်ဆွေအမျိုးသမီးပြောပြချက်အရ သိလိုက်ရတာတစ်ခုက သူတို့အိမ်ကို ဖေါက်ထွင်းသူခိုးဝင်ခိုးသွားလိုက်တာ အိမ်ထဲရှိတာလေးတွေ ပြောင်ပါရောတဲ့။

ဒါဆို သက်ဆိုင်ရာကုမ္ပဏီဆီက အလျှော်ရမှာပေါ့ လို့ပြောတော့ အာမခံလုပ်မထားလို့ ဘာမှပြန်မရနိုင်တော့ဘူးတဲ့။ သွားပါလေရော့။ အင်္ဂလန်လိုချမ်းသာတဲ့နိုင်ငံမျိုးတွေမှာတောင် ဒီလို ခိုးမှုလုယက်မှုတွေဟာ ရှိနေတာပါ။ ဆင်းရဲတဲ့ နိုင်ငံတွေမှာဆိုရင်တော့ မပြောပါနဲ့တော့။ ငတ်မွတ်မှုကို အကြောင်းပြုပြီး ခိုးမှုလုယက်မှုတွေကတော့ အမြဲရှိနေဦးမှာပါပဲ။ ဒါကြောင့် ခိုးမှုလုယက်မှုတွေဟာ စာဖွဲ့လောက်အောင် အဆန်းတကျယ်ကိစ္စမျိုးတော့လဲ မဟုတ်ပါဘူး။

ဒါပေမဲ့ အချို့အချို့သော ခိုးမှုတွေကတော့ ဆန်းတယ်လို့ ဆိုနိုင်ပါတယ်။ ဆန်းတယ်ဆိုတာထက် ရယ်စရာကောင်းတယ်ဆိုရင် ပိုမှန်မယ်ထင်ပါရဲ့။ ဒါနဲ့ပတ်သက်ပြီး ဒီနေ့ AFP အင်တာနက်သတင်းတစ်ပုဒ်မှာ အကြောင်းအရာလေးတစ်ခုဖတ်လိုက်ရပါတယ်။ မလေးရှားနိုင်ငံသားတစ်ယောက် ခိုးမှုတစ်ခုနဲ့ ထောင်ဒဏ် (၂၅)ပတ်အချခံလိုက်ရတဲ့ သတင်းပါ။ သူခိုးတဲ့ပစ္စည်းကတော့ အထုပ်တွေတော့မဟုတ်ပါဘူး။ အထည်တွေပါ။

Borneo ကျွန်းသား၊ အသက် (၃၄)နှစ် အရွယ်ရှိ Zunaidi Ismail လို့ခေါ်တဲ့ အလုပ်လက်မဲ့လူတစ်ယောက်ဟာ သူနာပြုသင်တန်းတက်နေတဲ့ ကျောင်းသူလေးတွေရဲ့အတွင်းခံဘောင်းဘီ အထည် (၈၀) ကို ခိုးယူခဲ့ပါသတဲ့။ အဲဒီအတွင်းခံဘောင်းဘီအထည် (၈၀)ရဲ့တန်ဖိုးဟာ မလေးရှား Ringgit (၂၈၀) (အမေရိကန်ဒေါ်လာ ရရ ခန့်) လောက်ပဲ တန်ကျေးရှိတယ်လို့ဆိုပါတယ်။ မစ္စတာ ဇူနိုင်ဒီရဲ့ တရားရုံးမှာ ထွက်ဆိုချက်အရ သူဟာ အဲဒီဘောင်းဘီတွေကို တစ်ပတ်ရစ်ဈေးမှာ ရသလောက်နဲ့သွားရောင်းမယ် လို့သိရပါတယ်။

သူ့ရဲ့အပြုအမူဟာ ခိုးမှုဖြစ်ပေမဲ့ နောင်ပြောင်ကျီစယ်လိုတဲ့သဘောလဲ အထိုက်အလျှောက်ပါဝင်နေတဲ့အတွက် တရားရုံးက ထောင်ဒဏ် (၂၅)ပတ်တိတိ ကျခံစေဖို့ ချမှတ်လိုက်ပါတယ်။ အငတ်ဘေးဆိုက်လာတဲ့ အခုလိုခေတ်ကာလကြီးမှာ “ပေါက်ပင်ဘာကြောင့်ကိုင်းရတယ်” သီချင်းထဲက “ငါ့ဝမ်းပူဆာ မနေသာလို့ ကိုက်ရတယ်” ဆိုတဲ့ စာသားတွေဟာလဲ ခေတ်ကာလကို ကိုယ်စားပြု၊ မီးမောင်းထိုးပြနေတဲ့ အတိတ်တဘောင်အဖြစ် ပြောင်းလဲလာရပါတယ်။ ဒါကြောင့် အမျိုးသမီးထုကြီးကို သတိပေးလိုတာက မိမိတို့ရဲ့ အတွင်းခံဘောင်းဘီတွေကို လုံလုံခြုံခြုံသိမ်းဆည်းထားကြပါလို့။

http://uk.news.yahoo.com/18/20090411/tod-malaysian-man-jailed-for-stealing-pa-879dccc.html