ချစ်သူ့သံစဉ်

ဘယ်သူဘယ်ဝါရယ်မသိ
ချစ်မိတဲ့စိတ်ကြောင့်
တကောက်ကောက် နောက်ကပါ
လိုက်လာခဲ့ရသူပါ မောင်။

ဘာမှကို မျှော်လင့်မထား
မောင့်အပါးမှာနေရရင်
မေ့ဘ၀င်ရွှင်မြူးလို့
ကြည်နူးနေခဲ့ သူရယ်ပါ။

မောင်သာ မေ့ကမ္ဘာ
မေ့ရင်မှာထင်စွဲလို့
အစဉ်အမြဲပဲ မှတ်ယူတတ်တဲ့
တရပ်သူလေးက မေပါ မောင်ရယ်။


မောင်ကသာ သတ္တိခေလို့
အခြေအနေကို အမှန်မပြော
အကြံသဘောတွေ ဆောင်လို့
မေ့ကို ယောင်တောင်တောင်ဖြစ်အောင် လုပ်ရက်ခဲ့တာ။

တွေ့ဆုံခွင့် ကြုံပါလျက်နဲ့
တွေ့ဖို့လည်း မောင်မကျိုးစား
အရှုံးသမားတစ်ယောက်အသွင်နဲ့
မောင်ဟန်ပြင်နေခဲ့တာ မေသိပါတယ်။

အနေမထိတော့တဲ့ အခါကျမှ
အဖြေရှိလာတဲ့ မောင့်နှလုံးသားကို
မေဘယ်လို ယုံမှတ်လို့
ပုံအပ်ရမှာလည်း မောင်ရယ်။


အခုလို ဖွင့်ပြောလိုက်တော့လည်း
မေ့သဘောက ဘယ်လိုမှ မပြောင်းလဲ
နဂိုလိုပဲ ချစ်လျက်မြဲမို့
မေ့အသည်းခိုင်တာသိပြီလား မောင်။

ဆန္ဒတွေ တူညီကြပါလျက်နဲ့
ဆုံခွင့်တွေ ဖန်လာခဲ့ပါလျက်နဲ့
လွဲခဲ့ရတဲ့ မေတို့နှစ်ယောက်အတွက်
ပေးဆပ်ခဲ့ရတာတွေက မေ့မျက်ရည်တွေပါ မောင်ရယ်။

တစ်နေ့သော် ပေါ်လာနိုး
မျှော်ကိုးလို့ လက်ချိုးရေတွက်ခဲ့ပေမဲ့
နှစ်တွေသာ အလီလီပြောင်း
မောင့်အကြောင်း မေဘာမှ သိခွင့်မရခဲ့ပါဘူး။

မောင်သာ အစကတည်းက ပွင့်လင်းခဲ့ရင်
လင့်ဟင်းရတဲ့ အချိန်ဆိုတာလည်း မရှိနိုင်
မေ့မျက်ရည်တွေလည်း တဖြိုင်ဖြိုင်မစီး
အချစ်ခရီးက သာယာခဲ့မှာပါ မောင်ရယ်။

အချိန်လွန်မှပေးတဲ့ မောင့်အဖြေကြောင့်
မေ့နွေမှာ နေဆယ်စင်းပူသလို
ဘလောင်ဆူ ရင်ခတ်လို့
မေ့ဘ၀ အနေကြပ်နေရပါပြီကွယ်။

မြင်ခွင့်ကိုလည်း မပေးခဲ့
ကြင်ခွင့်ကိုလည်း မတွေးခဲ့တဲ့ မောင့်လုပ်ရပ်ကြောင့်
မေ့အခြေ ယိုင်နဲ့လို့
အခုတော့ ပြိုလဲလုနေပြီ မောင်။

မောင်က သတ္တိမခဲ
လုပ်ရဲတဲ့ အကြံပျောက်နေလို့
ကံမှောက်တဲ့ ဒီအချစ်ဇာတ်လမ်းမှာ
မိန်းကလေးကပဲ ရဲရတော့မှာပေါ့ကွယ်။

လမ်းခွဲဖို့ စကားမဆိုပါနဲ့
နဂိုက ချစ်နေတဲ့အချစ်မျိုးမှာ
အသစ်တိုးလို့ ပုံဆောင်
မောင်ယုံအောင် မေနေပြပါ့မယ်။

ကဲ ယုံပြီလား မောင်-------------။

ချစ်သော SMHL (31/07/10)