သမိုင်းကျန်အောင်

ခပ်သိမ်းသူငါ၊ သတ္တ၀ါတို့၊
သင်္ခါရနယ်၊ မြှုံးပင်လယ်တွင်၊
ငုတ်ကွယ်ပျောက်လိုက်၊ ပေါ်လာလိုက်နှင့်၊
ပျော်လိုက်ပါးလိုက်၊ ငိုရှိုက်လိုက်နှင့်၊
အကြိုက်ဆန္ဒ၊ ဟူသမျှလည်း၊
ကိုယ်ကလိုတိုင်း၊ မရခိုင်းဘူး။

သမိုင်းတွင်ကျယ်၊ ကမ္ဘာ့နယ်တွင်၊
လူ့ဝယ်ထင်ရှား၊ အသိများဖို့၊
မှတ်သားဘွယ်ရာ၊ သုတစာနှင့်၊
သူငါကောင်းကျိုး၊ အမှုမျိုးသာ၊
မရိုးမအီ၊ အစဉ်တည်လိမ့်။

သေသည်နောက်ကြောင်း၊ သမိုင်းကောင်းဖို့၊
စုဆောင်းကြိုးကုတ်၊ အားသွန်ထုတ်က၊
ပစ္စုပ်ခုခါ၊ စွန့်၍ခွါသော်၊
သူငါအများ၊ လူတို့ကြား၌၊
နှုတ်ဖျားရေပန်း၊ ပွင့်ကာလန်း၍၊
အလွမ်းသသ၊ ကျန်ရစ်ရမည်၊
မှတ်ကြကွယ်ရို့၊ နောက်လူတို့။

(အသက် (၇၂) နှစ်အရွယ်တွင် ကွယ်လွန်သွားရှာသော စာရေးဆရာ၊ ကဗျာဆရာကြီး အီကြာကွေးအား ဤကဗျာဖြင့် ဂါရ၀ပြုပါသည်)